فیلیپیان 1:6 - کتاب مقدس به زبان مازندرانی - گویش غربی

⁶ و مِن مِطمئنمِه اونیگه شِمِه دِلِه خِبِ کارِ شِرو هاکِردِه، اونِه تا مَسیحْ عیسایی دَگِرسنی روز به آخر رَسانِّه.

گیله ماز

⁶ و مَن مُطمَعِنَم اونیکه شیمی دِلِه خَجیرِ کارِ شِرو هَکُردِه، اونِه تا مسیحْ عیسیِ وَگَرِسَّنِ روز به آخر رِساندِنِه.

کتاب مقدس به زبان مازندرانی - گویش شرقی

⁶ و مِن مطمئِنِمه اون که شِمه دِله خوارِ کارِ شِروع هاکارده، اونِ تا مَسیحْ عیسیِ بَردَگِردِسِنِ روز به آخِر رِسِندِنه.

فیلیپیان 1:6 Cross References

اِنجیلِ یوحنا 6:29

عیسی جِواب هادا: «خِدایی کار هَینِه گه اونیگه وی بَرِسانیِه رِه، ایمون بیارین.»

اعمال رَسولان 11:18

وختی وِشون هَین گَبارِه بِشنُسِنِه، ساکِت بَوِنِه و خِدارِه جلال هادانِه و بُتِنِه: «پس خِدا غیرِیَهودیِنَم فِرصت هادا تا وِشون هَم شی گِناهِنی جا توبه هاکِنَن و اَبَدی زِندگی رِه بِدَس بیارِن!»

اعمال رَسولان 16:14

وِشونی میِن یَتِه خِداپَرسِ زَنا تیاتیرایی شَهری جا دَوِه گه اَمِه گَبِ گوش داوِه. وی اِسم لیدیه وِه و اَرغونی پارچه گه خِیلی گِرون وِه رِه روتِه. خِداوَند وی دِلِ وا هاکِردِه تا پولُسی پِیغِمِ گوش هادِه.

اوّلین نامِه قُرنتیانی سِه 1:8

وی تا آخر شِمارِ پابرجا دارنِه، تا اَمِه خِداوند عیسی مَسیحی روزی دِلِه بی تقصیر ووئین.

دوّمین نامه قرنتیانِ وَسین 1:15

چون هَینی جا مِطمئن وِمِه، خوایسِمِه اَوَّل شِمِه بَئینی سِه بیئِم تا دِوّمین کَشی سِه فیضِ تَجربِه هاکِنین.

دوّمین نامه قرنتیانِ وَسین 2:3

مِن جوری شِمِنِه نامِه بَنوِشتِمِه تا موقِه ای گه شِمِه وَر اِمِه، اونانیگه وِنِه مِنِه خِشال هاکِنِن، می غِرصِه ای باعث نَوون. چونگه شِما هَمه ای جا مِطمئن وِمِه گه می خِشالی، شِما هَمه ای خِشالیِه.

دوّمین نامه قرنتیانِ وَسین 7:16

خِشالمِه گه کاملاً شِمارِ اِطمینان دارمِه.

دوّمین نامه قرنتیانِ وَسین 9:4

نَوو گه، اگه مَقدونیه ای ایموندارِنی جا چَن نفر می هَمرا بیِئن و بِفَهمِن گه آماده نینی، اَما - هون اطمینانی گه شِمارِ داشتِمی ای جا، شرمندِه بَووئیم، دِ هَینگه شِما شِه چَنی شرمنده وونِنی هیچی نُمِه.

غَلاطیان 5:10

مِن خِداوندی دِلِه شِمِه جا مِطمئنمِه گه شِما یَت دییَر نظری رِه قَبول نَکِنِنی، و اونیگه شِمارِ پریشون کِنِّه، هر کی ووئِه، شی سِزا رِه وینِّه.

اِفِسُسیان 4:12

تا مِقَدَّسینِ خِدمتی کاری سِه آمادِه هاکِنِن، مَسیحی تَنی بَنایی سِه،

فیلیپیان 1:10

تا بَتِنّین اونچی گه بِهتَرینِ قَبول هاکِنین، و مسیحی روزی دِلِه پاک و بی‌عیب ووئین.

فیلیپیان 1:29

چون هَین افتخار شِمِه قِسمَت بَوِه گه نا فقط مَسیحِ ایمون بیارین، بَلگی اونیسِه رنج هَم بَکِشین.

فیلیپیان 2:12

پَس اِی عَزیزِن، هَمونجور گه هَمِش مِطیع وِنی، اَلَن نا فقط می پِش، بَلگی خِیلی ویشتَر، وختی مِن دَنیمِه، شی نِجاتی سِه وِنِه ترس و لَرزی هَمرا عمل هاکِنین؛

فیلیپیان 2:13

چون خِدائه گه شِمِه دِلِه شی راضی ووئنی سِه کار کِنِّه، هَم اِراده ای دِلِه، هَم عملی دِلِه

فیلیپیان 2:16

زندگی ای کَلامِ قائِم دارین، تا مسیحی دَگِرسنی روزی دِلِه، افتخار هاکنِم گه بیخِدی دُو نَزومِه و بیخِدی زحمت نَکِشیمِه.

کولُسیان 2:12

وی هَمرا غِسلِ تعمیدی دِلِه دَفن بَوِنی، و ایمونی طریقی جا گه خِدایی قِوّتی هَمرا عمل کِنِّه، گه مسیحِ مِردِگونی جا زینِّه هاکِردِه، وی هَمرا زینِّه بَوِنی.

اوّل تِسالونیکیان 1:3

شِمِه کار گه ایمونی راهی جا هَسِّه و زحمتی گه مِحبتی راهی دِلِه کَشِنِنی و شِمِه اِمیدی پایداری گه اَمِه خِداوند عیسی مسیحی دِلِئه، خِدا و اَمِه آسمونی پیری پِش شی یاد اُرمی.

دوّم تِسالونیکیان 1:11

هَینِسه، اَما هَمِش دِ شِمِنِه دِعا کِمّی تا اَمِه خِدا شِمارِ شی هون دعوتی سِه گه بَخونِس بَوِنِه ای لایق دِنِّه و شی قِوّتی هَمرا هر خِبِ نیّت و هر کاری گه ایمونی جا سرچشمه گیرنِه رِه، اَنجام هادِه.

دوّم تِسالونیکیان 3:4

اَما خِداوندی دِلِه شِمارِ اطمینان دارمی، اونچی گه شِمارِ حِکم کِمّی رِه، بِجا اُرِنی و اَنجام دِنِنی.

فیلیمون 1:21

هَینِه نِویسِمِه چون تی اِطاعَت هاکردنی جا مِطمئنمِه، و دِمِّه حتّی ویشتَر از اونچی گه گِمِه، کِنّی.

نامِه مَسیحینی عبرانی نِژادی سِه 10:35

پَس شی اطمینانی جا دَس نَکِشین، گه یَتِه گَتِه پاداش شی دِمال دارنِه.

نامِه مَسیحینی عبرانی نِژادی سِه 12:2

و اَمِه چِش فقط عیسی رِه ووئه گه اَمِه ایمونی پِی هَسِّه و اَمِه ایمونِ کامِل کِنِّه، و هون خِشالی ای خاطری گه وی پِش دَوِه، صلیبِ تَحمِل هاکِردِه، وی ننگ و عاری رِه نَدید بَیتِه و خِدایی راسِ دَسی تختی وَر نیشتِه.

اول پِطرُس 5:10

و اَزما گه یَکَم سختی و عذاب بَئینی، خِدایی گه فیضی جا پِرِ، گه شِمارِ مَسیحی دِلِه بَخونِسِه، تا وی اَبَدی جلالی دِلِه شریک ووئین، شِمارِ از نو بَنا کِنِّه و پایدار و پِر قدرت و پابرجا کِنِّه.

پطرسی دِوّمین نامِه 3:10

ولی خِداوَند عیسایی دَگِرِسنی روز هِتی دِزّی تَرا اِنِه، هون موقِه آسِمونِن یَتِه گَتِه صدایی هَمرا از بِین شونِه و سِتارگون تَش گیرِنِه و نابود وونِنِه، زمین و دِشتِه وی کارا معلوم وونِه».