فیلیپیان 1:28 - کتاب مقدس به زبان مازندرانی - گویش غربی

²⁸ و هیچی ای دِلِه اونانی جا گه شِمِه علِیه مونِّنِه تَرسی نارِنی. هَین وِشونی سِه یَتِه معلومِه نِشونِه هلاکتی سِه هَسِّه، ولی شِمِسِه نِجاتی نِشونِئِه، و هَین خِدایی جائِه.

گیله ماز

²⁸ وَهیچی یه دِلهِ مُخالِفانِ جی تَرسِی نِدارید، که هَمین اوشانه بارِه هلاکتِ نِشانِئِه، وَلی شِیمی نِجاتِ نِشانِئِه، وَ این خُدایِ جییه

کتاب مقدس به زبان مازندرانی - گویش شرقی

²⁸ و هیچیِ دِله اونایی جِم که شِمه علیه موندِنه، ترسی نِدارنِنی، این وِشونِ وِسه یِتا معلومِ نِشونه، هِلاکتِ وِسه هَسه، ولی شِمه وِسه نِجاتِ نشونه ئه، و این خِدائه جِم هَسه.

فیلیپیان 1:28 Cross References

اِنجیلِ مَتّی 10:28

اونانی جا گه تَنِ کِشِنِنِه ولی نَتِنِّنِه روحِ بَکوشِن، نَتِرسین. اونی جا بَتِرسین گه بَتِنِّه تَن و روح هر دِتارِه جَهِنِمی دِلِه هَلاک هاکِنِه.

مَرقُس 3:3

عیسی هون مَردی گه وی دَس خِشک بَوِه وِه رِه بُتِه: «هَیجِه بِرِه.»

لوقا 3:6

اونوَخت دِشتِه مَردِن خِدایی نِجاتِ وینِنِه.“‌»

اِنجیلِ یوحنا 16:8

وختی هون پِشتیبون بیِه، دِنیایی مَردِنِ گِناهی سِه و صالِح ووئَن و داوَری ای سِه مَحکوم کِنِّه.

اعمال رَسولان 28:28

«پَس دِنّین گه خِدایی نِجات غیرِیهودیِنی وَر بَرِسانی بَوِه و وِشون گوش دِنِنِه!»

رومی ایشون 8:17

و اگه خِدایی وَچیلِمی، پَس وارِثِن هَم هَسمی، یَعنی خِدایی وارِثِن و مَسیحی هَمرا اِرثی دِلِه شریکمی. به شرطی گه اَما هَم وی هَمرا عذاب بَکِشیم، تا اَما هَم وی هَمرا جلال بَیریم.

اوّل تِسالونیکیان 2:2

بَلگی هر چَن پِشتر فیلیپی ای شهری دِلِه عذاب بَکِشیمی و اَمارِه بَدی هاکِردنِه، جوریگه گه خِجالت آور وِه، هَمونجور گه دِنِنی، ولی اَما شی خِدایی کِمکی هَمرا جِرأت هاکِردمی تا خِدایی اِنجیلِ خِیلی مِخالفتهایی میِن شِمارِ اعلام هاکنیم.

نامِه مَسیحینی عبرانی نِژادی سِه 13:6

پَس اَما بِتِمّی اطمینانی هَمرا بُئیم: «خِداوَند می یاورِ، نَتِرسِمِه. آدَمی بَتِنِّه می هَمرا چی هاکِنِه؟»

یوحنایِ مکاشفه 2:10

هون عذابایی جا گه خِیلی زود کَشِنی، نَتِرس. هارِش، اِبلیس خِیلی زود بعضی از شِمارِ زیندونی دِلِه دیم دِنِه تا آزمود بَووئین و دَه روز عذاب بَکِشین. تا مرگ وفادار بَمون، گه مِن زندگی ای تاجِ تِرِه دِمِه.