فیلیپیان 1:22 - کتاب مقدس به زبان مازندرانی - گویش غربی

²² اگه قَرارِ شی زندگی رِه هَین تَنی دِلِه اِدامِه هادِم، هَین میسِه یَتِه پِر ثَمرِ کار هَسِّه. با هین وجود نَتِمِّه بُئِم کِدیمِه اِنتخاب هاکِنِم!

گیله ماز

²² اَگه قراره می زندگی رِه این تَن دِلِه اِدامِه هَدَم، این مَرِه پُر ثَمرِه کار هیسِّه. با این وجود نَتَّنَم باگوم کُدامِ انتخاب هَکُنَم!

کتاب مقدس به زبان مازندرانی - گویش شرقی

²² اگه قِرارِ شه زندگی ره، این تَنِ دِله اِدامه هادِم، این مِ وِسه، یِتا پِر ثَمِرِ کار هَسه. با این وجود نَتومبه بارِم کِدومِ انتخاب هاکانِم!

فیلیپیان 1:22 Cross References

اعمال رَسولان 3:17

«و اِسا اِی بِرارِن، دِمِّه گه شِما و شِمِه قومی گَت گَتِه ای رَفتار نادونی ای جا وِه.

رومی ایشون 1:13

اِی بِرارِن، نَخوایمِه بی‌خَوَر ووئین گه چَنکَش خوایسِمِه شِمِه وَر بیئِم، ولی هر کَش یَچی پِش بیمو. خوایمِه گه شِمِه میِن هَم اَقّدی محصولی دِرُو هاکِنِم، هَمونجور گه دییَر غیریهودیِنی میِن هاکِردِمِه.

رومی ایشون 11:2

خِدا شی قوم گه پِشتر سیوا هاکِرد وِه رِه، رَد نَکِردِه. مَگِه نَئونِنی مِقَدّسِ نِوشتِه ها ایلیای پِیغمبری خَوَری چی گِنِه؟ گه وی چِتی اسرائیلی قومی علِیه، خِدایی وَر شکایت هاکِردِه و بُتِه:

دوّمین نامه قرنتیانِ وَسین 10:3

چون هر چَن جسمی دِلِه زندگی کِمّی، ولی طبقِ جسم جنگ نَکِمّی.

غَلاطیان 2:20

مِن مَسیحی هَمرا صَلیبی سَر مصلوب بَوِمِه، و دِ مِن نیمِه گه زندگی کِمِّه، بَلگی مسیحِ گه می دِلِه زندگی کِنِّه؛ و هَین زندگی گه اَلَن جسمی دِلِه دِ کِمِّه، خِدایی ریکائی ایمونی همرائه گه مِنِه دوس داشتِه و شی جانِ می خاطری هادا.

فیلیپیان 1:23

هَین دِتایی مین بَدجور دِ جَنگِمِه: چونگه آرزو دارمِه هَین دِنیایی جا بورِم و مَسیحی هَمرا دَووم، چون هَین خِیلی بهتَرِ.

فیلیپیان 1:24

ولی می بَمونِسَن جسمی دِلِه شِمِنِه واجِب تَرِ.

کولُسیان 2:1

خوایمِه دِنّین گه شِمِنِه و اونانی خاطری گه لائودیکیه ای مَنطقِه ای دِلِه دَرِنِه، و دِشتِه اونانی سِه گه مِنِه نَئینِه، چِتی تَقلّا کِمِّه

اول پِطرُس 4:2

و بقیِه عمرِ جسمی دِلِه، نا آدَمی هوا و هوسی هَمرا، بَلگی خِدایی اِرادِه ای دِلِه زندگی کِنِّه.