ՓԻԼԻՊՊԵՑԻՍ 1:7 - Western Armenian Bible 1853

⁷ Կ’արժէ որ ձեր ամենուն մասին այսպէս խորհիմ՝ ձեզ իմ սրտիս մէջ ունենալուս՝ ՝ համար իմ կապերուս մէջ եւ աւետարանին ջատագովութեանը ու հաստատութեանը մէջ եւ ամէնքդ ինծի եղած շնորհքին հաղորդ ըլլալնուդ համար։

Արեւմտահայերէն Նոր Կտակարան հարմարցուած․ 2017

⁷ Կ’արժէ որ ձեր ամենուն մասին այսպէս խորհիմ՝ ձեզ իմ սրտիս մէջ ունենալուս համար իմ կապերուս մէջ եւ աւետարանին ջատագովութեանը ու հաստատութեանը մէջ եւ ամէնքդ ինծի եղած շնորհքին հաղորդ ըլլալնուդ համար։

Western Armenian New Translation - Armenian Catholicosate of Cilicia - New Testament

⁷ Իրաւունք կը համարեմ այսպէս խորհիլ ձեր բոլորին մասին, եւ ձեզ սրտիս մէջ ունիմ, որովհետեւ բոլորդ ալ մասնակից եղաք ինծի վիճակուած շնորհքին, ըլլա՛յ բանտարկութեանս ընթացքին, ըլլա՛յ երբ ազատ վիճակով Աւետարանը կը պաշտպանէի ու կը հաստատէի։

ՓԻԼԻՊՊԵՑԻՍ 1:7 Cross References

ԳՈՐԾՔ ԱՌԱՔԵԼՈՑ 20:23

Միայն թէ Սուրբ Հոգին ամէն քաղաքի մէջ ինծի կը վկայէ թէ՝ կապեր ու նեղութիւններ ինծի կը սպասեն։

ԳՈՐԾՔ ԱՌԱՔԵԼՈՑ 21:33

Այն ատեն հազարապետը մօտենալով բռնեց զանիկա եւ հրաման ըրաւ որ կրկին շղթայով կապեն ու կը հարցնէր թէ՝ անիկա ո՞վ է ու ի՞նչ ըրեր է։

ԱՌԱՋԻՆ ԿՈՐՆԹԱՑԻՍ 13:7

Ամէն բանի կը զիջանի, ամէն բանի կը հաւատայ, ամէն բանի կը յուսայ, ամէն բանի կը համբերէ։

ԱՌԱՋԻՆ ԿՈՐՆԹԱՑԻՍ 9:23

Եւ ասիկա աւետարանին համար կ’ընեմ, որպէս զի անոր կցորդ ըլլամ։

ԵՐԿՐՈՐԴ ԿՈՐՆԹԱՑԻՍ 3:2

Բայց մեր թուղթը դուք էք մեր սրտերուն մէջ գրուած, ճանչցուած ու կարդացուած ամէն մարդէ.

ԵՐԿՐՈՐԴ ԿՈՐՆԹԱՑԻՍ 7:3

Ո՛չ թէ ձեզ դատապարտելու համար այս կ’ըսեմ. որովհետեւ ես առաջուընէ ըսեր եմ թէ դուք մեր սրտերուն մէջ էք՝ մեռնելու եւ ապրելու ձեզի հետ։

ԳԱՂԱՏԱՑԻՍ 5:6

Վանս զի Քրիստոս Յիսուսին քով ո՛չ թլփատութիւնը բանի մը կարող է, ո՛չ ալ անթլփատութիւնը, հապա հաւատքը, որ սիրով կը գործադրուի։

ԵՓԵՍԱՑԻՍ 3:1

Ուստի ես՝ Պօղոսս՝ Յիսուս Քրիստոսին բանտարկեալը ձեզի հեթանոսներուդ համար,

ԵՓԵՍԱՑԻՍ 4:1

Արդ՝ կ’աղաչեմ ձեզի՝ ես որ Տէրոջը համար կապուած եմ, որ դուք այնպէս քալէք՝ ինչպէս կը վայլէ այն կոչումին որով կանչուեցաք,

ԵՓԵՍԱՑԻՍ 6:20

Որուն համար ես դեսպանութիւն կ’ընեմ կապանքովս, որպէս զի անով համարձակութիւն ունենամ խօսելու՝ ինչպէս պէտք է։

ՓԻԼԻՊՊԵՑԻՍ 1:12

Կ’ուզեմ որ գիտնաք, եղբայրնե՛ր, թէ ինչ որ ինծի պատահեցաւ՝ ա՛լ աւելի աւետարանին յառաջդիմութեանը պատճառ եղաւ.

ՓԻԼԻՊՊԵՑԻՍ 1:13

Նոյնիսկ իմ կապերս, որոնք Քրիստոսին համար են, բոլոր պալատին մէջ եւ ամենուն ալ յայտնի եղան։

ՓԻԼԻՊՊԵՑԻՍ 1:14

Եւ Տէրոջմով եղբայրներէն շատերը սիրտ առին իմ կապերէս եւ ա՛լ աւելի համարձակեցան Աստուծոյ խօսքը խօսելու առանց վախի։

ՓԻԼԻՊՊԵՑԻՍ 1:5

Աւետարանին հաղորդ ըլլալնուդ համար առաջին օրէն մինչեւ հիմա.

ՓԻԼԻՊՊԵՑԻՍ 2:22

Բայց դուք փորձով գիտէք թէ ինչպէս որդի մը՝ հօրը, այնպէս ինծի հետ աւետարանին ծառայեց։

ՓԻԼԻՊՊԵՑԻՍ 4:14

Բայց աղէկ ըրիք որ իմ նեղութեանս մէջ ինծի օգնեցիք։

ՓԻԼԻՊՊԵՑԻՍ 4:15

Դուք ալ գիտէք, Փիլիպպեցիներ, որ երբ աւետարանին սկիզբը ես Մակեդոնիայէն ելայ, եկեղեցի մըն ալ ինծի չօգնեց տալու եւ առնելու կողմէ, հապա միայն դուք.

ՓԻԼԻՊՊԵՑԻՍ 4:3

Իրաւ քեզի՛ ալ կ’աղաչեմ, իմ հարազատ լծակիցս, դո՛ւն ալ օգնական եղիր անոնց, որոնք ինծի հետ աշխատեցան աւետարանին մէջ Կղեմէսին եւ միւս գործակիցներուս հետ, որոնց անունները կենաց գրքին մէջ են։

ԿՈՂՈՍԱՑԻՍ 4:18

Այս բարեւը իմ ձեռքիս՝ Պօղոսինն է. իմ կապերս մտքերնիդ թող ըլլան։ Շնորհքը ձեզի հետ։ Ամէն։

ԿՈՂՈՍԱՑԻՍ 4:3

Աղօթք ըրէք նաեւ մեզի համար, որպէս զի Աստուած խօսքին դուռը բանայ մեզի Քրիստոսին խորհուրդը յայտնելու, որուն համար կապուած ալ եմ,

ԱՌԱՋԻՆ ԹԵՍԱՂՈՆԻԿԵՑԻՍ 5:5

Վասն զի դուք ամէնքդ լուսոյ որդիներ էք ու ցորեկուան որդիներ։

ԵՐԿՐՈՐԴ ՏԻՄՈԹԷՈՍ 1:8

Ուստի ամօթ մի՛ սեպեր մեր Տէրոջը վկայութիւնը, ո՛չ ալ զիս ասոր համար կապուածս. հապա մասնակից եղիր աւետարանին չարչարանքներուն, Աստուծոյ զօրութեանը համեմատ.

ԵՐԿՐՈՐԴ ՏԻՄՈԹԷՈՍ 2:9

Որուն մէջ չարագործի մը պէս կը չարչարուիմ մինչեւ անգամ կապերով. բայց Աստուծոյ խօսքը կապուած չէ։

ՓԻԼԻՄՈՆ 1:13

Կ’ուզէի իմ քովս պահել, որպէս զի քու տեղդ ինծի սպասաւորութիւն ընէ աւետարանին կապանքներուն մէջ,

ԵԲՐԱՅԵՑԻՍ 3:1

Սո՛ւրբ եղբայրներ, երկնային կոչումին մասնակիցներ, նայեցէ՛ք մեր դաւանութեանը Առաքեալին ու Քահանայապետին, Քրիստոս Յիսուսին,

ԱՌԱՋԻՆ ՊԵՏՐՈՍԻ 4:13

Հապա ուրախ եղէ՛ք՝ քանի որ Քրիստոսին չարչարանքներուն հաղորդակից եղած էք, որպէս զի անոր փառքին յայտնուելու ատենն ալ ցնծութեամբ ուրախանաք։

ԱՌԱՋԻՆ ՊԵՏՐՈՍԻ 5:1

Ձեր մէջ եղող երէցներուն կ’աղաչեմ, ես ալ նոյնպէս երէց ըլլալովս, Քրիստոսին չարչարանքներուն վկայ եւ մասնակից հանդերձեալ փառքին որ պիտի յայտնուի,

ԵՐԿՐՈՐԴ ՊԵՏՐՈՍԻ 1:13

Պարտականութիւն կը սեպեմ, որքան ատեն որ մարմնի մէջ եմ, մտքերնիդ ձգելով՝ ձեզ արթնցնել։

ԱՌԱՋԻՆ ՅՈՎՀԱՆՆՈՒ 3:14

Մենք գիտենք թէ մահէն կեանքի փոխուեցանք, վասն զի եղբայրները կը սիրենք. ան որ եղբայրը չի սիրեր՝ մահուան մէջ կը մնայ.