ՓԻԼԻՊՊԵՑԻՍ 4:11 - Western Armenian New Translation - Armenian Catholicosate of Cilicia - New Testament

¹¹ Ըսել չե՛մ ուզեր թէ բանի մը կարօտ եմ, որովհետեւ ես ունեցածովս գոհ ըլլալու վարժուած եմ։

Արեւմտահայերէն Նոր Կտակարան հարմարցուած․ 2017

¹¹ Ոչ թէ կարօտութեան համար կ’ըսեմ. վասն զի ես սորվեցայ գոհ ըլլալ իմ գտնուած վիճակիս մէջ։

Western Armenian Bible 1853

¹¹ Ոչ թէ կարօտութեան համար կ’ըսեմ. վասն զի ես սորվեցայ գոհ ըլլալ իմ գտնուած վիճակիս մէջ։

ՓԻԼԻՊՊԵՑԻՍ 4:11 Cross References

ՂՈԻԿԱՍ 3:14

Զինուորներ ալ եկան եւ իրեն հարցուցին. – Մե՞նք ինչ ընենք։ Անոնց պատասխանեց. – Ոեւէ մէկէն բռնութեամբ եւ կամ զրպարտութիւն ընելով դրամ մի՛ առնէք։ Ձեզի տրուած թոշակով գոհացէք։

ԵՐԿՐՈՐԴ ԿՈՐՆԹԱՑԻՍ 11:27

Միշտ ջանքի եւ ծանր աշխատանքի մէջ եղայ, յաճախ անքուն գիշերներ անցընելով, քաղց ու ծարաւ կրելով, յաճախ առանց պատառ մը հացի, ցրտահար ու մերկ։

ԵՐԿՐՈՐԴ ԿՈՐՆԹԱՑԻՍ 6:10

Թող մեր կեանքը տխուր կարծեն. մենք միշտ ուրախ ենք։ Աղքատ թող սեպեն. մենք շատերու կեանքերը կը ճոխացնենք։ Այո՛, կը թուի թէ ոչինչ ունինք, մինչդեռ ամէն ինչ ունինք։

ԵՐԿՐՈՐԴ ԿՈՐՆԹԱՑԻՍ 8:9

Արդարեւ, դուք գիտէք թէ մեր Տէրը՝ Յիսուս Քրիստոս ի՜նչ շնորհք ըրաւ մեզի. ինք որ հարուստն էր՝ աղքատացաւ ձեզի համար, որպէսզի իր աղքատանալովը դուք հարստանաք։

ԵՐԿՐՈՐԴ ԿՈՐՆԹԱՑԻՍ 9:8

Եւ Աստուած կրնայ ամէն պարգեւ տալ ձեզի առատօրէն, որպէսզի միշտ ալ ունենաք այնքան՝ որքան պիտի բաւէր ձեր բոլոր կարիքներուն եւ աւելնար՝ ամէն տեսակի բարի գործերու յատկացուելու։

ՓԻԼԻՊՊԵՑԻՍ 3:8

Եւ իրաւ, ամէն ինչ վնաս կը համարեմ՝ համեմատած այն գերազանց շահին հետ, որ մեր Տէրը՝ Յիսուս Քրիստոսը ճանչնալն է։ Այդ գիտութիւնը ունենալու համար՝ ամէն ինչ թողուցի, ոչնչութիւն սեպելով, որպէսզի Քրիստոսը շահիմ,

ԵԲՐԱՅԵՑԻՍ 10:34

Բանտարկեալներուն չարչարակից եղաք, եւ ձեր ստացուածքներուն յափշտակուիլը ուրախութեամբ ընդունեցիք, գիտնալով որ երկինքի մէջ աւելի լաւ ստացուածքներ ունիք, որոնք մնայուն են։