ՓԻԼԻՊՊԵՑԻՍ 3:3 - Western Armenian New Translation - Armenian Catholicosate of Cilicia - New Testament

³ Իսկական թլփատուածները մե՛նք ենք, որովհետեւ Աստուծոյ Հոգիով լեցուած պաշտամունք կը կատարենք եւ միայն Քրիստոս Յիսուսի միացած ըլլալով կը պարծենանք, եւ ո՛չ թէ Օրէնքին գործադրութեամբ կամ Աբրահամի մարմնաւոր զաւակը ըլլալով։

Արեւմտահայերէն Նոր Կտակարան հարմարցուած․ 2017

³ վասն զի թլփատութիւնը մենք ենք, որ հոգիով Աստուած կը պաշտենք ու կը պարծենանք Քրիստոս Յիսուսով եւ մարմնի վրայ չէ վստահութիւննիս։

Western Armenian Bible 1853

³ Վասն զի թլփատութիւնը մենք ենք, որ հոգիով Աստուած կը պաշտենք ու կը պարծենանք Քրիստոս Յիսուսով եւ մարմնի վրայ չէ վստահութիւննիս։

ՓԻԼԻՊՊԵՑԻՍ 3:3 Cross References

ՀՌՈՎՄԱՅԵՑԻՍ 1:9

Աստուած, որուն կը ծառայեմ հոգիովս՝ իր Որդիին Աւետարանը քարոզելով, վկայ է՝ թէ անդադար կը յիշեմ ձեզ,

ՀՌՈՎՄԱՅԵՑԻՍ 15:17

Թէպէտ իրաւունք ունիմ պարծենալու Քրիստոս Յիսուսով այն վաստակին համար որ ունիմ Աստուծոյ քով,

ՀՌՈՎՄԱՅԵՑԻՍ 7:6

Բայց հիմա, Քրիստոսի հետ մեռած ըլլալով՝ ա՛լ զերծ ենք Օրէնքի կապէն, որուն գերի էինք ժամանակ մը. այնպէս որ, մենք այլեւս Աստուծոյ կը ծառայենք Սուրբ Հոգիին բերած նորոգութեամբ եւ ո՛չ թէ գրաւոր Օրէնքին թելադրած հին ձեւով։

ՀՌՈՎՄԱՅԵՑԻՍ 8:15

Արդ, դուք Հոգին ստացաք՝ ո՛չ թէ ծառայ դառնալու եւ դարձեալ վախով ապրելու համար, այլ Հոգին ստացաք՝ Աստուծոյ որդիներ ըլլալու համար։ Այդ Հոգիով է որ զԱստուած «Աբբա», այսինքն Հայր կը կոչենք,

ՀՌՈՎՄԱՅԵՑԻՍ 8:39

ո՛չ վերին եւ ո՛չ ալ ներքին աշխարհները, ո՛չ ալ ուրիշ ստեղծագործութիւն մը կրնայ մեզ բաժնել Աստուծոյ սէրէն, որ մենք ճանչցանք մեր Տիրոջ Յիսուս Քրիստոսի միջոցաւ։

ՀՌՈՎՄԱՅԵՑԻՍ 9:6

Եւ սակայն, Աստուծոյ խոստումը բնաւ չի կրնար վրիպած ըլլալ։ Արդարեւ, Իսրայէլէն եղող ամէն մարդ Իսրայէլացի չէ,

ԵՐԿՐՈՐԴ ԿՈՐՆԹԱՑԻՍ 11:18

Քանի ուրիշներ մարդկային նկատումներէ առաջնորդուած կը պարծենան, ես ալ պիտի պարծենամ,

ԳԱՂԱՏԱՑԻՍ 5:25

Արդ, քանի Սուրբ Հոգիով այս նոր կեանքը կ՚ապրինք, նաեւ Սուրբ Հոգիով առաջնորդուինք։

ԳԱՂԱՏԱՑԻՍ 6:16

Թող Աստուծոյ խաղաղութիւնն ու ողորմութիւնը ըլլան բոլոր անոնց հետ՝ որոնք այս սկզբունքին համաձայն կ՚ապրին. բոլոր անոնց՝ որոնք իր ընտրեալ ժողովուրդը կը կազմեն։

ԵՓԵՍԱՑԻՍ 6:18

Այս բոլորին հետ՝ աղօթեցէ՛ք, աղօթեցէ՛ք եւ խնդրեցէ՛ք տեւաբար, Սուրբ Հոգիին օգնութեամբ։ Ատոր համար ալ՝ արթուն հսկեցէք, կատարեալ յարատեւութեամբ աղօթելով բոլոր հաւատացեալ եղբայրներուն համար։

ՓԻԼԻՊՊԵՑԻՍ 1:1

Պօղոսեւ Տիմոթէոս, Քրիստոս Յիսուսի ծառա–ներս, կը գրենք ձեզի՝ Քրիստոս Յիսուսի միացած բոլոր հաւատացեալներուդ, որ Փիլիպպէի կողմերը կը բնակիք, ինչպէս նաեւ եպիսկոպոսներուն ու սարկաւագներուն։

ՓԻԼԻՊՊԵՑԻՍ 3:12

Չեմ ըսեր թէ արդէն յաջողած եւ կատարելութեան հասած եմ, բայց հասնելու կը ձգտիմ, որովհետեւ ճիշդ ատոր համար Քրիստոս Յիսուս զիս պահեց։

ՓԻԼԻՊՊԵՑԻՍ 3:14

եւ ուշադիր կերպով կը վազեմ դէպի նպատակակէտը, իբրեւ մրցանակ ստանալու համար յաւիտենական կեանքը, որուն կը հրաւիրէ մեզ Աստուած, Քրիստոս Յիսուսով։

ԿՈՂՈՍԱՑԻՍ 2:11

Հաւատքի ճամբով երբ Քրիստոսի միացաք, դուք ձեր մեղքերը թօթափեցիք եւ Քրիստոսի թլփատութեամբ ստացած եղաք սրտի թլփատութիւնը։

ՅՈՒԴԱՅԻ 1:20

Սակայն դուք, սիրելինե՛ր, իրարու հոգեւոր աճումին օգնեցէք ձեր սուրբ հաւատքովը։ Սուրբ Հոգիին օգնականութեամբը աղօթեցէք,