ՓԻԼԻՊՊԵՑԻՍ 3:17 - Western Armenian New Translation - Armenian Catholicosate of Cilicia - New Testament

¹⁷ Եղբայրներ, ինծի՛ նմանեցէք, եւ հետեւեցէք անոնց՝ որոնք ձեզի տուած մեր օրինակով կ՚ընթանան։

Արեւմտահայերէն Նոր Կտակարան հարմարցուած․ 2017

¹⁷ Ինծի նմանող եղէ՛ք, եղբա՛յրներ ու նայեցէք անոնց որ այնպէս կը քալեն, ինչպէս որ մեզ ձեզի օրինակ ունիք։

Western Armenian Bible 1853

¹⁷ Ինծի նմանող եղէ՛ք, եղբա՛յրներ ու նայեցէք անոնց որ այնպէս կը քալեն, ինչպէս որ մեզ ձեզի օրինակ ունիք։

ՓԻԼԻՊՊԵՑԻՍ 3:17 Cross References

ՀՌՈՎՄԱՅԵՑԻՍ 16:17

Կը խնդրեմ, եղբայրնե՛ր, որ զգուշանաք անոնցմէ՝ որոնք երկպառակութեանց եւ գայթակղութեանց պատճառ կ՚ըլլան՝ շեղելով այն վարդապետութենէն որ դուք սորվեցաք։ Հեռո՛ւ փախէք անոնցմէ,

ԱՌԱՋԻՆ ԿՈՐՆԹԱՑԻՍ 10:32

Գայթակղութեան պատճառ մի՛ ըլլաք՝ ո՛չ Հրեաներուն, ո՛չ հեթանոսներուն եւ ո՛չ ալ Աստուծոյ եկեղեցիին։

ԱՌԱՋԻՆ ԿՈՐՆԹԱՑԻՍ 11:1

Հետեւաբար ինծի նմանեցէք, ինչպէս ես՝ Քրիստոսի։

ԱՌԱՋԻՆ ԿՈՐՆԹԱՑԻՍ 4:16

Հետեւաբար, կը խնդրեմ ձեզմէ, ինծի նմանեցէք։

ՓԻԼԻՊՊԵՑԻՍ 4:9

Եւ գործքո՛վ կատարեցէք այն՝ ինչ որ ինձմէ սորվեցաք եւ ընդունեցիք, ինձմէ լսեցիք եւ իմ վրաս տեսաք. եւ Աստուած, որ խաղաղութիւն կու տայ, ձեզի հետ պիտի ըլլայ։

ԱՌԱՋԻՆ ԹԵՍԱՂՈՆԻԿԵՑԻՍ 1:6

Մեզի նմանելով՝ դուք Տիրոջ նմանած եղաք, քանի որ՝ հակառակ ձեր կրած բոլոր նեղութիւններուն՝ Սուրբ Հոգիին պարգեւած ուրախութեամբ ընդունեցիք մեր քարոզութիւնը,

ԵՐԿՐՈՐԴ ԹԵՍԱՂՈՆԻԿԵՑԻՍ 3:14

Իսկ եթէ ոեւէ մէկը չհնազանդի մեր այս նամակով տուած պատուէրին, զայն նկատի առէք եւ բարեկամութիւն մի՛ ընէք հետը, որպէսզի ամչնայ։

ԵՐԿՐՈՐԴ ԹԵՍԱՂՈՆԻԿԵՑԻՍ 3:7

Որովհետեւ դուք լաւ գիտէք՝ ինչպիսի՛ օրինակ մը տուինք ձեզի, որպէսզի անոր հետեւիք։ Երբեք ծուլութեամբ չապրեցանք ձեր մօտ,

ԵՐԿՐՈՐԴ ԹԵՍԱՂՈՆԻԿԵՑԻՍ 3:9

Ո՛չ թէ որովհետեւ իրաւունք չունէինք մեր սնունդն ու բնակարանը ձեզմէ ստանալու, այլ՝ կ՚ուզէինք որ մեր անձերը ձեզի օրինակ դառնան եւ մեր օրինակին հետեւիք։

ԱՌԱՋԻՆ ՏԻՄՈԹԷՈՍ 4:12

Եւ որպէսզի ոեւէ մէկը քեզ չարհամարհէ՝ երիտասարդ ըլլալուդ համար, հաւատացեալներուդ օրինակ եղիր՝ խօսքովդ, վարմունքովդ, սիրովդ, հաւատքովդ եւ մաքուր կենցաղովդ։

ԵԲՐԱՅԵՑԻՍ 13:7

Յիշեցէ՛ք ձեր առաջնորդները, որոնք Աստուծոյ խօսքը բերին ձեզի։ Նայեցէք թէ ի՛նչպէս ապրեցան եւ ի՛նչպէս մեռան անոնք, եւ օրինակ առէք անոնց հաւատքէն։

ԱՌԱՋԻՆ ՊԵՏՐՈՍԻ 5:3

Ո՛չ թէ ձեզի վստահուած մարդոց պարտադրելով ձեր անձերը, այլ՝ օրինակ ըլլալով ձեր հօտին,