ՓԻԼԻՊՊԵՑԻՍ 3:15 - Western Armenian New Translation - Armenian Catholicosate of Cilicia - New Testament

¹⁵ Արդ, մենքոր կատարեալ ենք՝ նոյն ձեւով խորհինք։ Իսկ եթէ դուք որոշ կէտերու շուրջ տարբեր կը խորհիք, Աստուած ինք ձեզ պիտի լուսաբանէ։

Արեւմտահայերէն Նոր Կտակարան հարմարցուած․ 2017

¹⁵ Ուստի մենք ամէնքս՝ որ կատարեալ ենք՝ ասիկա խորհինք եւ եթէ բան մը ուրիշ կերպով խորհելու ըլլաք, զայն ալ Աստուած ձեզի պիտի յայտնէ։

Western Armenian Bible 1853

¹⁵ Ուստի մենք ամէնքս՝ որ կատարեալ ենք՝ ասիկա խորհինք եւ եթէ բան մը ուրիշ կերպով խորհելու ըլլաք, զայն ալ Աստուած ձեզի պիտի յայտնէ։

ՓԻԼԻՊՊԵՑԻՍ 3:15 Cross References

ՄԱՏԹԷՈՍ 5:48

Արդ, դուք կատարեալ եղէք, ինչպէս որ ձեր երկնաւոր Հայրը կատարեալ է։

ՂՈԻԿԱՍ 11:13

Արդ, եթէ դուք որ չար էք՝ գիտէք ձեր զաւակներուն լաւ պարգեւներ տալ, ձեր երկնաւոր Հայրը որքա՜ն աւելի լաւ պարգեւ մը՝ Սուրբ Հոգին պիտի տայ անոնց, որոնք իրեն կը դիմեն։

ՅՈՎՀԱՆՆՈԻ 6:45

Մարգարէութիւններուն մէջ գրուած է. «Ամէն մարդ Աստուծմէ սորված պիտի ըլլայ»։ Ով որ Հօրմէս կը լսէ եւ իրմէ կը սորվի՝ ինծի կու գայ։

ՅՈՎՀԱՆՆՈԻ 7:17

Ով որ կ՚ուզէ Աստուծոյ կամքը կատարել, պիտի հասկնայ՝ թէ Աստուծմէ՞ է այս վարդապետութիւնը, թէ ես իմ հեղինակութեամբս կը խօսիմ։

ՀՌՈՎՄԱՅԵՑԻՍ 15:1

Մենք, հաւատքով զօրաւոր եղողներս, պէտք է համբերութեամբ տանինք տկարներու տկարութիւնները, եւ միայն մենք մեր մասին չմտածենք։

ԱՌԱՋԻՆ ԿՈՐՆԹԱՑԻՍ 14:20

Եղբայրնե՛ր, միտքով երեխայ մի՛ ըլլաք. երեխաներու պէս եղէք միայն չարիք խորհելու մէջ. իսկ անկէ դուրս՝ հասուն մարդու պէս խորհեցէք։

ԱՌԱՋԻՆ ԿՈՐՆԹԱՑԻՍ 2:6

Սակայն հոգեւոր կատարելութեան հասածներուն իմաստութիւն ալ կը քարոզենք։ Բայց մեր քարոզածը ո՛չ այս աշխարհի իմաստութիւնն է, ո՛չ ալ այս աշխարհը կառավարող ոյժերունը, որոնց իշխանութիւնը շուտով պիտի խափանուի։

ԳԱՂԱՏԱՑԻՍ 5:10

Բայց ես Տիրոջմով վստահ եմ՝ որ ինձմէ տարբեր չէք խորհիր դուք ալ. իսկ ձեր միտքը պղտորողը ո՛վ որ ալ ըլլայ՝ իր պատիժը պիտի ստանայ Աստուծմէ։

ԵՓԵՍԱՑԻՍ 1:17

որպէսզի մեր Տիրոջ Յիսուս Քրիստոսի Աստուածը, Հայրը՝ որուն կը պատկանի փառքը, ձեզի տայ իմաստութիւն եւ յայտնութիւն պարգեւող Հոգին, որպէսզի կարենաք զինք ճանչնալ։

ԿՈՂՈՍԱՑԻՍ 1:28

Ուստի մենք Քրիստոսը կը քարոզենք, հոգեւոր իմաստութեան բոլոր միջոցներով խրատելով բոլոր մարդիկը եւ ուսուցանելով բոլոր մարդոց, որպէսզի բոլորն ալ Աստուծոյ դիմաց կանգնեցնենք՝ Յիսուս Քրիստոսի միացած եւ հոգեւորապէս կատարեալ։

ԿՈՂՈՍԱՑԻՍ 4:12

Ձեզի բարեւ կ՚ընէ ձեր հայրենակիցը՝ Եպաֆրասը, Քրիստոս Յիսուսի ծառան, որ շարունակ իր աղօթքներով կը տքնի ձեզի համար, որպէսզի հոգեւորապէս կատարեալ ըլլաք, կատարելապէս տեղեակ Աստուծոյ կամքին։

ԱՌԱՋԻՆ ԹԵՍԱՂՈՆԻԿԵՑԻՍ 4:9

Գալով եղբայրսիրութեան, մեր գրելուն պէտք չունիք, որովհետեւ ինքնին դուք Աստուծմէ սորված էք իրար սիրել,

ԵՐԿՐՈՐԴ ՏԻՄՈԹԷՈՍ 3:17

որպէսզի Աստուծոյ նուիրուած մարդը կատարեալ ըլլայ, ամէն տեսակի բարի գործերու պատրաստ։

ԵԲՐԱՅԵՑԻՍ 5:14

Մինչդեռ կարծր կերակուրը չափահասներուն համար է, որոնք վարժութեան ճամբով կրթած են չարն ու բարին զանազանելու իրենց զգայարանքը։

ԱՌԱՋԻՆ ՅՈՎՀԱՆՆՈՒ 2:5

Իսկ ով որ կը կատարէ անոր խօսքը, ատով իսկ ցոյց կու տայ՝ թէ իրապէս իր մէջ կատարեալ է Աստուծոյ հանդէպ սէրը։ Ահա այսպէ՛ս կրնանք գիտնալ թէ Քրիստոսի միացած կը մնանք։