ՓԻԼԻՊՊԵՑԻՍ 3:12 - Western Armenian New Translation - Armenian Catholicosate of Cilicia - New Testament

¹² Չեմ ըսեր թէ արդէն յաջողած եւ կատարելութեան հասած եմ, բայց հասնելու կը ձգտիմ, որովհետեւ ճիշդ ատոր համար Քրիստոս Յիսուս զիս պահեց։

Արեւմտահայերէն Նոր Կտակարան հարմարցուած․ 2017

¹² Ոչ թէ ես արդէն առեր եմ, կամ արդէն կատարեալ եղեր եմ, հապա ետեւէն ինկած եմ որ բռնեմ մրցանակը, որուն համար ալ բռնուեցայ Քրիստոս Յիսուսէն։

Western Armenian Bible 1853

¹² Ոչ թէ ես արդէն առեր եմ, կամ արդէն կատարեալ եղեր եմ, հապա ետեւէն ինկած եմ որ բռնեմ մրցանակը, որուն համար ալ բռնուեցայ Քրիստոս Յիսուսէն։

ՓԻԼԻՊՊԵՑԻՍ 3:12 Cross References

ՄԱՏԹԷՈՍ 5:48

Արդ, դուք կատարեալ եղէք, ինչպէս որ ձեր երկնաւոր Հայրը կատարեալ է։

ԳՈՐԾՔ ԱՌԱՔԵԼՈՑ 9:15

Տէրը ըսաւ անոր. –Դուն գնա՛, որովհետեւ ես զայն իբրեւ գործիք ընտրեր եմ, որպէսզի իմ անունս ճանչցնէ հեթանոսներուն, թագաւորներու եւ Իսրայէլի զաւակներուն։

ՀՌՈՎՄԱՅԵՑԻՍ 8:39

ո՛չ վերին եւ ո՛չ ալ ներքին աշխարհները, ո՛չ ալ ուրիշ ստեղծագործութիւն մը կրնայ մեզ բաժնել Աստուծոյ սէրէն, որ մենք ճանչցանք մեր Տիրոջ Յիսուս Քրիստոսի միջոցաւ։

ԱՌԱՋԻՆ ԿՈՐՆԹԱՑԻՍ 13:10

Բայց երբ կատարեալը գայ, այս անկատարութիւնը վերջ պիտի գտնէ։

ԱՌԱՋԻՆ ԿՈՐՆԹԱՑԻՍ 13:12

Նոյնպէս ալ, մենք այժմ զԱստուած կը տեսնենք աղօտ կերպով, կարծես հայելիի մը մէջէն. բայց երբ ամէն բանի կատարումը գայ՝ զայն պիտի տեսնենք դէմ առ դէմ։ Այժմ միայն մասնակիօրէն կը ճանչնամ զԱստուած, բայց այն ատեն պիտի ճանչնամ ամբողջապէս, ճիշդ ինչպէս ի՛նք զիս կը ճանչնայ։

ԱՌԱՋԻՆ ԿՈՐՆԹԱՑԻՍ 9:24

Մրցադաշտին վրայվազքիմասնակցողներունօրինակը գիտէք, չէ՞։ Վազելը՝ բոլորն ալ կը վազեն, բայց մրցանակը մէկ հոգի կը շահի։ Դուք ալ, այնպէս վազեցէք՝ որ մրցանակինհասնիք։

ԵՐԿՐՈՐԴ ԿՈՐՆԹԱՑԻՍ 13:9

Ուրախութեամբ յանձն կ՚առնենք տկարանալ, միայն թէ դուք զօրանաք։ Ուստի կ՚աղօթենք որ հետզհետէ կատարեալ ըլլաք։

ԵՐԿՐՈՐԴ ԿՈՐՆԹԱՑԻՍ 7:1

Սիրելինե՛ր, այս խոստումները մեզի եղած են։ Ուստի հեռո՛ւ մնանք մարմնական եւ հոգեկան ամէն պղծութենէ, մենք մեզ կատարելապէս մաքրենք՝ Աստուծոյ երկիւղովը ապրելով։

ԳԱՂԱՏԱՑԻՍ 5:17

Որովհետեւ մեղանչական բնութիւնը Սուրբ Հոգիին ցանկացածին հակառակն է որ կը ցանկայ, իսկ Սուրբ Հոգին՝ մեղանչական բնութեան ցանկացածին հակառակը։ Ասոնք իրարու հակառակ են, եւ ա՛յդ է պատճառը որ դուք չէք կրնար ձեր ուզածը կատարել։

ԵՓԵՍԱՑԻՍ 1:4

Անիկա աշխարհի գոյութենէն իսկ առաջ մեզ ընտրած էր՝ Քրիստոսի միջոցաւ իրեն պատկանելու համար, որպէս սուրբ եւ անարատ ժողովուրդ,

ԵՓԵՍԱՑԻՍ 4:12

Աստուծոյ ժողովուրդը պատրաստելու եւ Աստուծոյ ծառայութեան մէջ դնելու համար, որպէսզի Քրիստոսի մարմինը՝ եկեղեցին աճի ու զօրանայ,

ՓԻԼԻՊՊԵՑԻՍ 1:1

Պօղոսեւ Տիմոթէոս, Քրիստոս Յիսուսի ծառա–ներս, կը գրենք ձեզի՝ Քրիստոս Յիսուսի միացած բոլոր հաւատացեալներուդ, որ Փիլիպպէի կողմերը կը բնակիք, ինչպէս նաեւ եպիսկոպոսներուն ու սարկաւագներուն։

ՓԻԼԻՊՊԵՑԻՍ 3:16

Ամէն պարագայի, միասնաբար քալենք այն կանոններով, որոնցմով ընթացանք մինչեւ հիմա։

ՓԻԼԻՊՊԵՑԻՍ 3:3

Իսկական թլփատուածները մե՛նք ենք, որովհետեւ Աստուծոյ Հոգիով լեցուած պաշտամունք կը կատարենք եւ միայն Քրիստոս Յիսուսի միացած ըլլալով կը պարծենանք, եւ ո՛չ թէ Օրէնքին գործադրութեամբ կամ Աբրահամի մարմնաւոր զաւակը ըլլալով։

ՓԻԼԻՊՊԵՑԻՍ 3:8

Եւ իրաւ, ամէն ինչ վնաս կը համարեմ՝ համեմատած այն գերազանց շահին հետ, որ մեր Տէրը՝ Յիսուս Քրիստոսը ճանչնալն է։ Այդ գիտութիւնը ունենալու համար՝ ամէն ինչ թողուցի, ոչնչութիւն սեպելով, որպէսզի Քրիստոսը շահիմ,

ԱՌԱՋԻՆ ԹԵՍԱՂՈՆԻԿԵՑԻՍ 5:15

Նայեցէք որ ոեւէ մէկը չարիք ընողին չարիք չհատուցանէ. այլ ջանացէք միշտ բարիք ընել՝ ըլլա՛յ իրարու, ըլլա՛յ բոլորին։

ԵՐԿՐՈՐԴ ԹԵՍԱՂՈՆԻԿԵՑԻՍ 2:13

Բայց մենք միշտ Աստուծոյ գոհութիւն պէտք է յայտնենք ձեզի համար, եղբայրներ, որովհետեւ Տէրըսիրեց ձեզ։ Աստուած ձեզ ընտրեց՝ որպէս փրկութեան առաջին պտուղները, որպէսզի իր սուրբ ժողովուրդը ըլլաք Սուրբ Հոգիին միջոցաւ եւ ճշմարտութեան հաւատալով։

ԱՌԱՋԻՆ ՏԻՄՈԹԷՈՍ 5:10

եւ բարի գործերով վկայուած են, այսինքն՝ զաւակներ մեծցուցած, հիւրասէր եղած, ճամբորդ հաւատացեալներուն խոնարհաբար ծառայած, նեղութեան մէջ եղողներուն օգնած, եւ իրենք զիրենք ամբողջութեամբ բարեգործութեան տուած են։

ԱՌԱՋԻՆ ՏԻՄՈԹԷՈՍ 6:19

Այդպիսով իրենք իրենց համար կ՚ամբարեն գանձ մը՝ որով ամուր հիմ նետած կ՚ըլլան հանդերձեալին մէջ, ճշմարիտ կեանքը ձեռք ձգելու համար։

ԵԲՐԱՅԵՑԻՍ 12:14

Ջանացէք բոլորին հետ խաղաղ ապրիլ եւ վարել սուրբ կեանք մը, առանց որուն՝ ոեւէ մէկը պիտի չտեսնէ Տէրը։

ԵԲՐԱՅԵՑԻՍ 12:23

Մօտեցած էք երկինքի մէջ արձանագրուած Աստուծոյ անդրանիկ զաւակներու ուրախական հաւաքոյթին. Աստուծոյ, որ բոլորին դատաւորն է, կատարելութեան հասած արդարներու հոգիներուն,

ՅԱԿՈԲՈՒ 3:2

որովհետեւ բոլորս ալ յանցանքներ ունինք։ Ան որ գիտէ իր խօսքերը կշռել՝ կատարեալ մարդ է, ինքզինքին իշխելու կարող։

ԱՌԱՋԻՆ ՊԵՏՐՈՍԻ 5:10

Եւ բոլոր շնորհքներուն պարգեւիչը՝ Աստուած, որ Քրիստոս Յիսուսի միջոցաւ իր յաւիտենական փառքին կանչեց ձեզ, նկատի ունենալով որ չափով մը մասնակից եղաք Յիսուսի չարչարանքներուն՝ պիտի կազդուրէ, զօրացնէ եւ ամուր հիմերու վրայ հաստատէ ձեզ։

ԵՐԿՐՈՐԴ ՊԵՏՐՈՍԻ 3:18

Այլ, մեր Տիրոջ եւ Փրկչին՝ Յիսուս Քրիստոսի շնորհքովն ու գիտութեամբը աճեցէք։ Անոր փառք, թէ՛ այժմ եւ թէ՛ յաւիտենական օրը։ Ամէն։