ՓԻԼԻՊՊԵՑԻՍ 2:9 - Western Armenian New Translation - Armenian Catholicosate of Cilicia - New Testament

⁹ Ատոր համար ալ Աստուած զայն շատ աւելի բարձրացուց եւ իրեն տուաւ այն անունը, որ վեր է բոլոր անուններէն.

Արեւմտահայերէն Նոր Կտակարան հարմարցուած․ 2017

⁹ Ասոր համար Աստուած ալ զանիկա խիստ բարձրացուց ու անոր անուն մը տուաւ՝ որ ամէն անունէ վեր է.

Western Armenian Bible 1853

⁹ Ասոր համար Աստուած ալ զանիկա խիստ բարձրացուց ու անոր անուն մը տուաւ՝ որ ամէն անունէ վեր է.

ՓԻԼԻՊՊԵՑԻՍ 2:9 Cross References

ՄԱՏԹԷՈՍ 11:27

Հայրս ամէն ինչ տուած է ինծի, եւ ոչ ոք կը ճանչնայ Որդին՝ բացի Հօրմէն, եւ ոչ ոք կը ճանչնայ Հայրը՝ բացի Որդիէն, կամ բացի անկէ՝ որուն յայտնել ուզէ Որդին։

ՄԱՏԹԷՈՍ 28:18

Յիսուս մօտենալով խօսեցաւ անոնց հետ։ Ապա ըսաւ. – Ամէն իշխանութիւն տրուեցաւ ինծի երկինքի մէջ եւ երկրի վրայ։ Ինչպէս որ Հայրը զիս ղրկեց, այնպէս ալ ես ձեզ կը ղրկեմ։

ՂՈԻԿԱՍ 10:22

Հայրս ամէն ինչ տուած է ինծի։ Ոչ ոք կը ճանչնայ Որդին՝ բացի Հօրմէն, եւ ոչ ոք կը ճանչնայ Հայրը՝ բացի Որդիէն, կամ բացի անկէ՝ որուն յայտնել ուզէ Որդին։

ՅՈՎՀԱՆՆՈԻ 13:3

Յիսուս գիտնալով հանդերձ որ Հայրը ամէն իշխանութիւն տուած է իրեն եւ թէ ինք Աստուծմէ եկած է եւ Աստուծոյ կ՚երթայ,

ՅՈՎՀԱՆՆՈԻ 17:11

Ահա արդէն քեզի կու գամ եւ այլեւս աշխարհի մէջ չեմ, բայց անոնք աշխարհի մէջ են։ Սո՛ւրբ Հայր, անվտանգ պահէ զանոնք քու անունիդ զօրութեամբ, որովհետեւ քու անունովդ զանոնք ինծի տուիր, որպէսզի մէկ ըլլան, ինչպէս ես եւ դուն մէկ ենք։

ՅՈՎՀԱՆՆՈԻ 17:12

Աշխարհի մէջ երբ անոնց հետ էի, ես կը պահէի զանոնք քու անունիդ զօրութեամբ, որովհետեւ քու անունովդ զանոնք ինծի տուիր։ Ես պահպանեցի զանոնք եւ անոնցմէ ո՛չ մէկը կորսուեցաւ, բացի անկէ՝ որ կորսուելու ճամբուն մէջ է, որպէսզի իրականանայ Սուրբ գիրքին մէջ ըսուածը։

ՅՈՎՀԱՆՆՈԻ 17:5

Եւ այժմ, ո՜վ Հայր, փառաւորէ՛ զիս այն փառքով որ ունէի քուհետդ՝ աշխարհի գոյութենէն առաջ։

ԳՈՐԾՔ ԱՌԱՔԵԼՈՑ 5:31

Աստուած իր աջով զայն բարձրացուց, որպէսզի մեր Առաջնորդն ու Փրկիչը ըլլայ, եւ Իսրայէլին ապաշխարութեան առիթ եւ մեղքերուն թողութիւն տայ։

ԵՓԵՍԱՑԻՍ 1:10

Եւ այդ ծրագիրը սա է, որ երբ ժամանակները իրենց լրումին հասնին՝ Քրիստոս իրմով պիտի բովանդակէ ամէն ինչ որ կայ երկինքի մէջ եւ երկրի վրայ։

ԿՈՂՈՍԱՑԻՍ 1:18

Ան է Գլուխը մարմնին, այսինքն՝ եկեղեցիին։ Ան է սկիզբը, որ անդրանիկ ծնունդն եղաւ՝ մեռելներէն, որպէսզի ինք առաջնութիւնն ունենայ ամէն, ամէ՛ն բանի մէջ։

ԵՐԿՐՈՐԴ ԹԵՍԱՂՈՆԻԿԵՑԻՍ 1:12

որպէսզի ձեզմով փառաւորուի մեր Տէր Յիսուս Քրիստոսի անունը, եւ դուք փառաւորուիք իրմով, մեր Աստուծոյն եւ Տիրոջ Յիսուս Քրիստոսի պարգեւած շնորհքովը։

ԵԲՐԱՅԵՑԻՍ 1:4

Անիկա շատ աւելի բարձր է հրեշտակներէն, ինչպէս Աստուծմէ իրեն տրուած գերազանց անունը ցոյց կու տայ.

ԵԲՐԱՅԵՑԻՍ 1:9

Արդարութիւնըկը սիրես եւ անիրաւութիւնը կ՚ատես։ Ահա թէ ինչու, ո՛վ Աստուած, քու Աստուածդ ուրախութեան իւղով օծեց քեզ, քու ընկերներէդ աւելի»։

ԵԲՐԱՅԵՑԻՍ 12:2

Մեր աչքերը յառենք Յիսուսի, մեր հաւատքի հիմնադիրին ու կատարելագործողին, որ գիտնալով թէ ի՛նչ ուրախութիւն կը սպասէ իրեն՝ արհամարհեց ամօթը, յանձն առաւ խաչի վրայ մեռնիլ, եւ Աստուծոյ աթոռին աջ կողմը նստաւ։

ԵԲՐԱՅԵՑԻՍ 2:9

Մինչդեռ «փառքով ու պատուով» պսակուած կը տեսնենք Յիսուսը, որ «հրեշտակներէն քիչ մը վար» դասուեցաւ՝ մահուան չարչարանքը յանձն առնելու համար, որպէսզի Աստուծոյ շնորհքով բոլոր մարդոց փոխարէն մահը ճաշակէ։

ԱՌԱՋԻՆ ՊԵՏՐՈՍԻ 3:22

որ երկինք երթալով Աստուծոյ աջակողմը նստաւ, իր իշխանութեան հնազանդեցնելով հրեշտակները եւ ոգեղէն աշխարհի իշխանութիւններն ու զօրութիւնները։

ԵՐԿՐՈՐԴ ՊԵՏՐՈՍԻ 1:17

երբ անիկա փառք եւ պատիւ ստացաւ Հօր Աստուծմէ, որ իր մեծավայելուչ եւ փառաւոր ձայնով անոր համար վկայեց, ըսելով. «Ասիկա է իմ սիրելի Որդիս, որուն ես հաճեցայ»։

ԵՐՐՈՐԴ ՅՈՎՀԱՆՆՈՒ 1:7

Որովհետեւ Քրիստոսի անունը տարածելու ելան, առանց հեթանոսներէն ոեւէ օգնութիւն ակնկալելու։

ՅԱՅՏՆՈՒԹԻՒՆ 1:5

եւ Յիսուս Քրիստոսէն՝ հաւատարիմ վկայէն, որ մեռելներէն յարութիւն առնողներուն առաջինն է եւ երկրի թագաւորութիւններուն Իշխանը։ Անիկա մեզ սիրեց եւ իր արիւնով մեր մեղքերուն շղթաները փշրեց,

ՅԱՅՏՆՈՒԹԻՒՆ 11:15

Երբ եօթներորդ հրեշտակը փողը հնչեցուց, երկինքի մէջ ուժգին ձայներ լսուեցան, որոնք կ՚ըսէին. «Այլեւս ամբողջ աշխարհի թագաւորութիւնը կը պատկանի մեր Տիրոջ եւ իր Օծեալին, որ պիտի թագաւորէ յաւիտեանս յաւիտենից»։

ՅԱՅՏՆՈՒԹԻՒՆ 19:16

Անոր պատմուճանին եւ ազդրին վրայ գրուած անուն մը կար «ԹԱԳԱՒՈՐՆԵՐՈՒ ԹԱԳԱՒՈՐ ԵՒՏԷՐԵՐՈՒՏԷՐ»։

ՅԱՅՏՆՈՒԹԻՒՆ 3:21

Ով որ յաղթանակէ՝ անոր իրաւունք պիտի տամ նստելու ինծի հետ իմ գահիս վրայ, այնպէս՝ ինչպէս որ ես յաղթեցի եւ բազմեցայ Հօրս հետ իր գահին վրայ»։

ՅԱՅՏՆՈՒԹԻՒՆ 5:12

որոնք բարձր ձայնով կ՚երգէին.– «Մորթուած Գառնուկը արժանի է ստանալու՝ զօրութիւն, հարստութիւն եւ իմաստութիւն, կարողութիւն ու պատիւ, փառք եւ օրհնութիւն»։