ՓԻԼԻՊՊԵՑԻՍ 2:15 - Western Armenian New Translation - Armenian Catholicosate of Cilicia - New Testament

¹⁵ որպէսզի անմեղադրելի եւ անարատ ըլլաք, Աստուծոյ իսկական որդիներ, որոնք անբիծ վարքով կ՚ապրին ապականած եւ այլասերած մարդկութեան մը մէջ։ Անոնց մէջ եղէք աստղերու պէս՝ որոնք կը փայլին երկնակամարին վրայ,

Արեւմտահայերէն Նոր Կտակարան հարմարցուած․ 2017

¹⁵ որպէս զի ըլլաք անբիծ ու անարատ, Աստուծոյ որդիներ առանց մեղադրանքի, կամակոր ու խոտորեալ ազգին մէջ, որոնց մէջ դուք լուսաւորներու պէս կը փայլիք աշխարհի մէջ,

Western Armenian Bible 1853

¹⁵ Որպէս զի ըլլաք անբիծ ու անարատ, Աստուծոյ որդիներ առանց մեղադրանքի, կամակոր ու խոտորեալ ազգին մէջ, որոնց մէջ դուք լուսաւորներու պէս կը փայլիք աշխարհի մէջ,

ՓԻԼԻՊՊԵՑԻՍ 2:15 Cross References

ՄԱՏԹԷՈՍ 10:16

Ահա կը ղրկեմ ձեզ իբրեւ ոչխարներ՝ գայլերու մէջ։ Ուստի խորագէտ եղէք օձերու պէս, եւ անմեղ՝ աղաւնիներու պէս։

ՄԱՏԹԷՈՍ 17:17

Յիսուս պատասխանեց. – Ո՜վ անհաւատ եւ մոլորեալ սերունդ, մինչեւ ե՞րբ ձեզի հետ պիտի ըլլամ, մինչեւ ե՞րբ պիտի հանդուրժեմ ձեզի։ Հո՛ս բերէք զայն։

ՄԱՏԹԷՈՍ 5:45

Այսպիսով դուք ձեր երկնաւոր Հօր զաւակները պիտի դառնաք, որովհետեւ ան իր արեւը կը ծագեցնէ թէ՛ չարերուն եւ թէ՛ բարիներուն վրայ եւ անձրեւ կը տեղացնէ թէ՛ արդարներուն եւ թէ՛ մեղաւորներուն վրայ։

ՄԱՏԹԷՈՍ 5:48

Արդ, դուք կատարեալ եղէք, ինչպէս որ ձեր երկնաւոր Հայրը կատարեալ է։

ՂՈԻԿԱՍ 1:6

Անոնք երկուքն ալ Աստուծոյ աչքին արդար էին եւ իրենց ամբասիր կեանքով կը հնազանդէին Տիրոջ պատուիրաններուն եւ օրէնքներուն։

ՂՈԻԿԱՍ 6:35

Ընդհակառակը, սիրեցէ՛ք ձեր թշնամիները եւ բարիք ըրէք անոնց. փոխ տուէք անոնց՝ որոնցմէ յոյս չունիք ձեր տուածը ետ առնելու։ Եւ այն ատեն առատ վարձատրութիւն պիտի ունենաք. այն ատեն՝ բարձրեալ Աստուծոյ որդիները պիտի ըլլաք, որովհետեւ անիկա գթասիրտ է չարերուն եւ ապերախտներուն հանդէպ։

ՅՈՎՀԱՆՆՈԻ 5:35

Յովհաննէս այն առկայծ ճրագն էր, որ կը շողար. եւ դուք ուզեցիք որոշ ատեն մը անոր լոյսով ուրախանալ։

ԳՈՐԾՔ ԱՌԱՔԵԼՈՑ 2:40

Եւ Պետրոս խօսքը շարունակելով՝ բազմաթիւ վկայութիւններ կը բերէր եւ զանոնք կը յորդորէր, ըսելով. –Դուք ձեզ փրկեցէք ներկայ մոլորած սերունդին վրայ գալիք դատապարտութենէն։

ԳՈՐԾՔ ԱՌԱՔԵԼՈՑ 20:30

Ձեր մէջէն եւս պիտի ելլեն մարդիկ, որոնք սխալ բաներ պիտի ուսուցանեն, հաւատացեալները իրենց ետեւէն տանելու համար։

ՀՌՈՎՄԱՅԵՑԻՍ 16:19

Ձեր հնազանդութեան համբաւը ամէն տեղ հասած է, եւ ես ձեզմով ուրախ եմ։ Բայց կ՚ուզեմ որ իմաստուն ըլլաք՝ բարի գործեր կատարելով, եւ անմեղադրելի ըլլաք՝ չար գործերէն հեռու մնալով։

ԱՌԱՋԻՆ ԿՈՐՆԹԱՑԻՍ 1:8

Եւ Աստուած մինչեւ վերջ հաստատուն պիտի պահէ ձեզ, որպէսզի անմեղադրելի ըլլաք մեր Տիրոջ Յիսուս Քրիստոսի դատաստանին օրը։

ԵՐԿՐՈՐԴ ԿՈՐՆԹԱՑԻՍ 6:17

Ահա թէ ինչո՛ւ Աստուած կը հրահանգէ մեզի.– «Անջատ եւ հեռո՛ւ կեցէք հեթանոսներէն. պիղծ բաներու մի՛ դպչիք, եւ ես ձեզ պիտի ընդունիմ։

ԵՓԵՍԱՑԻՍ 5:27

այնպէս մը՝ որ եկեղեցին իրեն ներկայանայ ամբողջական փառքով, առանց ոեւէ արատի կամ խորշոմի կամ ուրիշ թերութեան, այլ՝ ըլլայ սուրբ եւ անարատ։

ՓԻԼԻՊՊԵՑԻՍ 1:10

որպէսզի կարենաք լաւը ընտրել եւ Քրիստոս իր գալստեան օրը ձեզ գտնէ մաքուր եւ ամբասիր,

ՓԻԼԻՊՊԵՑԻՍ 3:6

Ա՛յնքան նախանձախնդիր էի, որ Քրիստոսի եկեղեցին կը հալածէի. եւ արդար էի այնքան՝ որքան Օրէնքին անթերի գործադրութիւնը կրնար տալ։

ԱՌԱՋԻՆ ԹԵՍԱՂՈՆԻԿԵՑԻՍ 5:23

Եւ Աստուած ինք, որ խաղաղութիւն կը պարգեւէ, թող կատարելապէս սրբէ ձեզ, եւ ձեր ամբողջ էութիւնը՝ հոգի, շունչ եւ մարմին, անարատ պահէ մինչեւ մեր Տիրոջ Յիսուս Քրիստոսի գալստեան Օրը։

ԱՌԱՋԻՆ ՏԻՄՈԹԷՈՍ 3:10

Ասոնքեւս նախ պէտք է փորձուին եւ ապա միայն, եթէ անմեղադրելի ըլլան, իրենց պաշտօնին անցնին։

ԱՌԱՋԻՆ ՏԻՄՈԹԷՈՍ 3:2

Արդ, եպիսկոպոսը պէտք է անմեղադրելի ըլլայ. մէկ կնոջ ամուսին, զուսպ, զգաստ, մեղմաբարոյ, հիւրասէր եւ ուսուցանելու ատակ։

ԱՌԱՋԻՆ ՏԻՄՈԹԷՈՍ 5:14

Հետեւաբար, կ՚ուզեմ որ երիտասարդ այրիները ամուսնանան, զաւակներ ծնանին, տուն պահեն, եւ ոեւիցէ առիթ չտան որ Հակառակորդը չարախօսէ.

ԱՌԱՋԻՆ ՏԻՄՈԹԷՈՍ 5:20

Իսկ այն երէցները որոնք մեղանչած են՝ բոլորին ներկայութեան յանդիմանէ, որպէսզի մնացեալները վախնան։

ԱՌԱՋԻՆ ՏԻՄՈԹԷՈՍ 5:7

Այնպիսիներուն այս պատուէրները տուր, որպէսզի անարատ ըլլան։

ՏԻՏՈՍԻՆ 1:6

Երիցութեան թեկնածուն պէտք է անմեղադրելի ըլլայ, մէկ կնոջ այր ըլլայ եւ հաւատացեալ զաւակներ ունենայ, որոնք անառակութեամբ եւ անհնազանդութեամբ ամբաստանուած չըլլան։

ՏԻՏՈՍԻՆ 2:10

ո՛չ գողնան. այլ՝ ճշմարիտ ու կատարեալ հաւատարմութիւն ցուցաբերեն, որպէսզի ամէն ինչով պատիւ բերեն մեր փրկչին՝ Աստուծոյ Աւետարանին։

ՏԻՏՈՍԻՆ 2:15

Այս բաները սորվեցուր հաւատացեալներուդ։ Քաջալերէ՛ զանոնք եւ ի հարկին յանդիմանէ՝ հեղինակութիւնդ գործածելով, այնպէս՝ որ ոեւէ մէկը քեզ չարհամարհէ։

ԵԲՐԱՅԵՑԻՍ 7:26

Արդարեւ այսպիսի Քահանայապետ մը պէտք է մեզի.– սուրբ, անմեղ, անարատ, մեղաւորներէն զատուած եւ երկինքներէն աւելի վեր բարձրացած։

ԱՌԱՋԻՆ ՊԵՏՐՈՍԻ 2:12

Նայեցէք որ պարկեշտ կենցաղ ունենաք հեթանոսներուն մէջ, որպէսզի իրենք, որ ձեզ կը բամբասեն իբրեւ չարագործ, ձեր բարի գործերը տեսնելով՝ փառաւորեն զԱստուած, իր Գալստեան Օրը։

ԱՌԱՋԻՆ ՊԵՏՐՈՍԻ 2:9

Գալով ձեզի, դուք ընտրուած ցեղ մըն էք, թագաւորելու կոչուած քահանաներ, սուրբ ազգ մը, Աստուծոյ սեփական ժողովուրդը. եւ ձեր պարտականութիւնն է քարոզել զօրութիւնը անոր՝ որ ձեզ խաւարէն իր սքանչելի լոյսին կանչեց։

ԵՐԿՐՈՐԴ ՊԵՏՐՈՍԻ 3:14

Հետեւաբար, սիրելիներ, դուք՝ որ այս բաներուն կը սպասէք, ջանացէք անբիծ եւ անարատ ըլլալ Աստուծոյ աչքին, եւ խաղաղութեամբ ապրիլ։

ՅԱՅՏՆՈՒԹԻՒՆ 2:5

Յիշէ՛, հետեւաբար, թէ ի՛նչ վիճակէ հոս ինկար, ապաշխարէ՛ եւ վերադարձի՛ր նախկին գործերուդ, ապա թէ ոչ՝ եթէ չապաշխարես՝ շուտով կու գամ եւ կը վերցնեմ քու ճրագարանդ իր տեղէն։

ՅԱՅՏՆՈՒԹԻՒՆ 3:9

Ահաւասիկ քեզի պիտի յանձնեմ Սատանային հետեւորդներէն կարգ մը մարդիկ, որոնք իրենք զիրենք Հրեայ կը նկատեն, բայց իրականութեան մէջ չե՛ն. անոնք կը ստեն։ Այնպէս մը պիտի ընեմ, որ անոնք գան եւ երկրպագեն ոտքերուդ առջեւ ու գիտնան՝ թէ ես քեզ սիրեցի։