ՓԻԼԻՊՊԵՑԻՍ 2:12 - Western Armenian New Translation - Armenian Catholicosate of Cilicia - New Testament

¹² Հետեւաբար, սիրելինե՛րս, դուք՝ որ ձեր մէջ ներկայ եղած ատենս միշտ հնազանդ եղաք ինծի, հիմա որ ձեզմէ հեռու եմ՝ աւելի չափով հնազանդ եղէք եւ երկիւղած բարեպաշտութեամբ ձեր փրկութեան համար աշխատեցէք։

Արեւմտահայերէն Նոր Կտակարան հարմարցուած․ 2017

¹² Ուստի, իմ սիրելիներս, ինչպէս ամէն ատեն հնազանդ եղաք՝ ո՛չ միայն իմ ներկայութեանս, հապա ա՛լ աւելի հիմա, իմ բացակայութեանս ատեն, ահով ու դողով անձերնուդ փրկութիւնը գործեցէք.

Western Armenian Bible 1853

¹² Ուստի, իմ սիրելիներս, ինչպէս ամէն ատեն հնազանդ եղաք՝ ո՛չ միայն իմ ներկայութեանս, հապա ա՛լ աւելի հիմա, իմ բացակայութեանս ատեն, ահով ու դողով անձերնուդ փրկութիւնը գործեցէք.

ՓԻԼԻՊՊԵՑԻՍ 2:12 Cross References

ՄԱՏԹԷՈՍ 11:12

Յովհաննէս Մկրտիչի քարոզութեան օրերէն մինչեւ այսօր մարդիկ երկինքի արքայութիւնը ձեռք ձգելու համար ոյժ կը բանեցնեն, եւ զօրաւորները ձեռք կը ձգեն զայն։

ՄԱՏԹԷՈՍ 11:29

Ձեր վրայ առէք իմ լուծս եւ ինձմէ սորվեցէք, որովհետեւ հեզ եմ եւ սրտով խոնարհ, եւ դուք ձեր հոգեկան հանգստութիւնը պիտի գտնէք։

ԳՈՐԾՔ ԱՌԱՔԵԼՈՑ 16:29

Բանտապետը լոյս ուզեց եւ ներս խուժելով՝ դողալով ինկաւ Պօղոսի եւ Շիղայի առջեւ։

ԳՈՐԾՔ ԱՌԱՔԵԼՈՑ 9:6

Հիմա ոտքի՛ ել եւ քաղաք մտիր. հոն քեզի պիտի ըսուի ինչ որ պիտի ընես։

ՀՌՈՎՄԱՅԵՑԻՍ 2:7

Յաւիտենական կեանք պիտի տայ անոնց՝ որոնք բարի գործերու մէջ յարատեւելով փառք ու պատիւ եւ անմահութիւն կը փնտռեն.

ԱՌԱՋԻՆ ԿՈՐՆԹԱՑԻՍ 15:58

Ուստի, սիրելի՛ եղբայրներս, ամուր եւ հաստատուն մնացէք, միշտ աւելիով աշխատեցէք Տիրոջ գործին համար, գիտնալով որ ձեր յոգնութիւնը առանց վարձատրութեան չի մնար Աստուծոյ առջեւ։

ԱՌԱՋԻՆ ԿՈՐՆԹԱՑԻՍ 2:3

Եւ ձեր քով եկած ատենս ալ տկար էր, սաստիկ վախ ու դողի մէջ,

ԱՌԱՋԻՆ ԿՈՐՆԹԱՑԻՍ 4:14

Այս բաները կը գրեմ՝ ո՛չ թէ ձեզ ամօթով ձգելու, այլ՝ խրատելու համար ձեզ, որպէս իմ սիրելի որդիներս։

ԵՐԿՐՈՐԴ ԿՈՐՆԹԱՑԻՍ 7:15

Գիտէ՞ք թէ որքան մեծ սիրով Տիտոս կը խօսէր ձեր մասին. կը յիշէր՝ թէ ինչպիսի՜ երկիւղած յարգանքով ընդուներ էք զինք։

ԵՓԵՍԱՑԻՍ 6:5

Ծառանե՛ր, ձեր մարմնաւոր տէրերուն հնազանդեցէք պատկառանքով ու երկիւղածութեամբ եւ անկեղծ սիրտով, ճիշդ ինչպէս Քրիստոսի պիտի հնազանդէիք։

ՓԻԼԻՊՊԵՑԻՍ 1:27

Արդ, նայեցէք որ Քրիստոսի Աւետարանին վայել ձեւով ապրիք. որպէսզի, եթէ կարենամ գալ՝ անձամբ տեսնեմ, իսկ եթէ չկարենամ գալ՝ ձեր մասին իմանամ, թէ հաստատուն կը մնաք, մէկ շունչ մէկ հոգի, եւ միասնաբար կը պայքարիք Աւետարանի հաւատքին համար։

ՓԻԼԻՊՊԵՑԻՍ 1:29

Եւ ատիկա Աստուծմէ է. որովհետեւ Աստուած ո՛չ միայն Քրիստոսի հաւատալու շնորհքը տուաւ ձեզի, այլ նաեւ՝ անոր համար չարչարուելու շնորհքը,

ՓԻԼԻՊՊԵՑԻՍ 1:5

որովհետեւ առաջին օրէն մինչեւ հիմա ձեր մասնակցութիւնը բերիք աւետարանչութեան գործին։

ՓԻԼԻՊՊԵՑԻՍ 1:6

Եւ վստահ եմ՝ թէ Աստուած, որ այդ բարի գործը սկսաւ ձեր մէջ, զայն իր կատարումին պիտի հասցնէ մինչեւ Քրիստոս Յիսուսի օրը գայ։

ՓԻԼԻՊՊԵՑԻՍ 2:19

Կ՚ուզէի ձեր լուրերը ունենալ, որպէսզի իմ ալ սիրտս հանգիստ ըլլայ։ Ահա թէ ինչու, եթէ Տէր Յիսուս կամենայ, կը յուսամ շուտով Տիմոթէոսը ղրկել ձեր մօտ,

ՓԻԼԻՊՊԵՑԻՍ 4:1

Ուստի, սիրելի եւ կարօտալի եղբայրներ, դուք՝ որիմ ուրախութիւնս էք եւ պսակս, այսպէս ամրօրէն Տիրոջ միացած մնացէք, սիրելինե՛ր։

ՓԻԼԻՊՊԵՑԻՍ 4:15

Դո՛ւք ալ գիտէք, ո՜վ Փիլիպպեցիներ, թէ սկիզբը երբ ես Մակեդոնիա եկայ Աւետարանը քարոզելու, ձեզմէ զատ ուրիշ ոեւէ եկեղեցի չմտածեց իր ստացած հոգեւոր բարիքներուն փոխարէն նիւթապէս ինծի օգնելու մասին.

ԱՌԱՋԻՆ ԹԵՍԱՂՈՆԻԿԵՑԻՍ 1:3

Հօր Աստուծոյ առջեւ միշտ կը յիշենք՝ թէ ի՛նչպէս կեանքի կը վերածէք ձեր հաւատքը, սէրէն մղուած կը ծառայէք ուրիշներուն, եւ մեր Տիրոջ Յիսուս Քրիստոսի յուսալով՝ նեղութիւններու կը համբերէք։

ԵՐԿՐՈՐԴ ՏԻՄՈԹԷՈՍ 2:10

Ատոր համար ալ ամէն բանի կը համբերեմ՝ Աստուծոյ ընտրեալներուն սիրոյն, որպէսզի անոնք եւս Քրիստոս Յիսուսի միանալով՝ հասնին փրկութեան եւ յաւիտենական փառքին։

ԵԲՐԱՅԵՑԻՍ 12:1

Ուրեմնմենքալ, որայսքանբազմաթիւվկաներով շրջապատուած ենք, վանե՛նք ամէն խոչնդոտ եւ մէկ կողմ ձգենք մեղքը, որ մեզ դիւրաւ կը պաշարէ, եւ համբերատարութեամբ պայքարինք մեզի ներկայացող փորձութիւններուն դէմ։

ԵԲՐԱՅԵՑԻՍ 4:1

Հետեւաբար, մինչ Աստուծոյ կողմէ՝ իր պատրաստած հանգիստը մտնելու խոստումը ի զօրու կը մնայ, չափազանց զգոյշ ըլլանք որ ոեւէ մէկը անկէ չզրկուի։

ԵԲՐԱՅԵՑԻՍ 4:11

Ուստի փութանք այդ հանգիստին հասնելու, որպէսզի ոեւէ մէկը անկէ չզրկուի, ինչպէս եղաւ՝ անհնազանդ այդ սերունդը։

ԵԲՐԱՅԵՑԻՍ 5:9

Եւ այսպէս, կատարեալ ըլլալէ ետք, յաւիտենական փրկութեան պատճառ եղաւ բոլոր անոնց համար՝ որոնք իրեն կը հնազանդին,

ԱՌԱՋԻՆ ՊԵՏՐՈՍԻ 2:11

Կ՚աղաչեմ, սիրելինե՛ր, իբրեւ աշխարհի մէջ պանդուխտներ եւ օտարականներ՝ հեռո՛ւ մնացէք մարմնական ցանկութիւններէն, որոնք հոգիին դէմ կը պատերազմին։

ԵՐԿՐՈՐԴ ՊԵՏՐՈՍԻ 3:18

Այլ, մեր Տիրոջ եւ Փրկչին՝ Յիսուս Քրիստոսի շնորհքովն ու գիտութեամբը աճեցէք։ Անոր փառք, թէ՛ այժմ եւ թէ՛ յաւիտենական օրը։ Ամէն։