ՓԻԼԻՊՊԵՑԻՍ 1:8 - Western Armenian New Translation - Armenian Catholicosate of Cilicia - New Testament

⁸ Միայն Աստուած գիտէ՝ թէ որքա՜ն կարօտցած եմ ձեզ, Քրիստոս Յիսուսի գորովովը։

Արեւմտահայերէն Նոր Կտակարան հարմարցուած․ 2017

⁸ Քանզի վկայ է Աստուած, որ շատ փափաքներ ունիմ ձեր ամենուն համար Քրիստոս Յիսուսին գութովը։

Western Armenian Bible 1853

⁸ Քանզի վկայ է Աստուած, որ շատ փափաքներ ունիմ ձեր ամենուն համար Քրիստոս Յիսուսին գութովը։

ՓԻԼԻՊՊԵՑԻՍ 1:8 Cross References

ՂՈԻԿԱՍ 1:78

որովհետեւ Աստուած իր գթառատ ողորմութեամբ իբրեւ Արեգակ՝ երկինքէն պիտի ծագի մեր վրայ,

ՀՌՈՎՄԱՅԵՑԻՍ 1:9

Աստուած, որուն կը ծառայեմ հոգիովս՝ իր Որդիին Աւետարանը քարոզելով, վկայ է՝ թէ անդադար կը յիշեմ ձեզ,

ՀՌՈՎՄԱՅԵՑԻՍ 9:1

Քրիստոսով ճշմարիտը կ՚ըսեմ, առանց ստելու, եւ խիղճս ալ Սուրբ Հոգիով կը վկայէ՝

ԵՐԿՐՈՐԴ ԿՈՐՆԹԱՑԻՍ 13:9

Ուրախութեամբ յանձն կ՚առնենք տկարանալ, միայն թէ դուք զօրանաք։ Ուստի կ՚աղօթենք որ հետզհետէ կատարեալ ըլլաք։

ԵՐԿՐՈՐԴ ԿՈՐՆԹԱՑԻՍ 6:12

Դուք ինչո՞ւ կը դժուարանաք արտայայտուելու։ Ո՛չ իմ պատճառովս հարկաւ, այլ պարզապէս՝ ձեր սէրը արտայայտելու կը քաշուիք։

ԵՐԿՐՈՐԴ ԿՈՐՆԹԱՑԻՍ 7:15

Գիտէ՞ք թէ որքան մեծ սիրով Տիտոս կը խօսէր ձեր մասին. կը յիշէր՝ թէ ինչպիսի՜ երկիւղած յարգանքով ընդուներ էք զինք։

ԳԱՂԱՏԱՑԻՍ 1:20

Այս գրածներուս մէջ ոեւէ սուտ բան չկայ, վկայ է Աստուած։

ԳԱՂԱՏԱՑԻՍ 3:26

որովհետեւ Յիսուս Քրիստոսի հաւատալով՝ բոլորդ ալ Աստուծոյ որդիներ եղաք։

ԳԱՂԱՏԱՑԻՍ 4:19

Իմ ձագուկներս էք դուք, բայց ահա դարձեալ մօր մը պէս երկունքի ցաւ կը քաշեմ ձեզի համար, մինչեւ որ Քրիստոսի հարազատ պատկերը դառնաք։

ՓԻԼԻՊՊԵՑԻՍ 2:1

Արդ, եթէ երբեք Քրիստոսի միացած ըլլալը մխիթարութիւն է, եթէ իր սէրը կը սփոփէ, եթէ Սուրբ Հոգին մարդիկը իրարու հաղորդակից կ՚ընէ՝ զանոնք իրարու հանդէպ գթած ու ողորմած դարձնելով,

ՓԻԼԻՊՊԵՑԻՍ 2:26

Ինքն ալ շատ կարօտցած է ձեզ բոլորդ, եւ կը մտահոգուէր, քանի որ լսեր էիք իր հիւանդութեան մասին։

ՓԻԼԻՊՊԵՑԻՍ 4:1

Ուստի, սիրելի եւ կարօտալի եղբայրներ, դուք՝ որիմ ուրախութիւնս էք եւ պսակս, այսպէս ամրօրէն Տիրոջ միացած մնացէք, սիրելինե՛ր։

ԿՈՂՈՍԱՑԻՍ 2:1

Կ՚ուզեմ որ գիտնաք, թէ ինչպիսի՜ մեծ նեղութիւն կը կրեմ ձեզի եւ Լաւոդիկիացիներուն համար, ինչպէս նաեւ բոլոր անոնց համար՝ որոնք անձամբ զիս չեն տեսած։

ԿՈՂՈՍԱՑԻՍ 3:12

Հետեւաբար, իբրեւ Աստուծոյ կողմէ ընտրուած ու սրբուած եւ իր սէրը վայելող մարդիկ՝ գթասիրտ եղէք. եղէք ողորմած, քաղցր, խոնարհ, հեզ եւ համբերատար։

ԱՌԱՋԻՆ ԹԵՍԱՂՈՆԻԿԵՑԻՍ 2:5

Ինչպէս լաւ գիտէք, ո՛չ շողոքորթութիւն ըրինք եւ ո՛չ ալ մեր շահը փնտռեցինք։ Աստուած վկայ է։

ԱՌԱՋԻՆ ԹԵՍԱՂՈՆԻԿԵՑԻՍ 2:8

այնպէս ալ մենք գորովանքով վերաբերեցանք ձեզի հետ. եւ ո՛չ միայն Աստուծոյ Աւետարանը ձեզի փոխանցելու պատրաստ էինք, այլ՝ մեր կեանքն ալ տալու, ա՛յնքան որ սիրելի եղաք մեզի։

ԵՐԿՐՈՐԴ ՏԻՄՈԹԷՈՍ 1:4

եւ կը փափաքիմ քեզ տեսնել — մանաւանդ երբ կը վերյիշեմ բաժանման պահուն թափած արցունքներդ— որպէսզի սիրտս ուրախութեամբ լեցուի։

ՓԻԼԻՄՈՆ 1:12

Զայն ետ քեզի ղրկեցի, եւ կ՚ուզեմ որ զայն ընդունիս որպէս իմ սրտիս մէկ մասը։

ՓԻԼԻՄՈՆ 1:20

Այո՛, եղբայրս, Տիրոջ սիրոյն այս բարիքը ըրէ՛ ինծի։ Հանգստացո՛ւր սիրտս, Քրիստոսի սիրոյն։

ԱՌԱՋԻՆ ՅՈՎՀԱՆՆՈՒ 3:17

Այն մարդը, որ նիւթական ամէն բարիք ունի, եւ տեսնելով հանդերձ թէ իր մէկ եղբայրը օգնութեան կարօտ է՝ իր գութը չի շարժիր, ի՞նչպէս կրնայ ըսել՝թէ Աստուծոյ սէրը ունի իր մէջ։