ՓԻԼԻՊՊԵՑԻՍ 1:5 - Western Armenian New Translation - Armenian Catholicosate of Cilicia - New Testament

⁵ որովհետեւ առաջին օրէն մինչեւ հիմա ձեր մասնակցութիւնը բերիք աւետարանչութեան գործին։

Արեւմտահայերէն Նոր Կտակարան հարմարցուած․ 2017

⁵ աւետարանին հաղորդ ըլլալնուդ համար առաջին օրէն մինչեւ հիմա.

Western Armenian Bible 1853

⁵ Աւետարանին հաղորդ ըլլալնուդ համար առաջին օրէն մինչեւ հիմա.

ՓԻԼԻՊՊԵՑԻՍ 1:5 Cross References

ԳՈՐԾՔ ԱՌԱՔԵԼՈՑ 2:42

Յարատեւ կերպով անոնք Քրիստոսի վարդապետութիւնը կը սորվէին առաքեալներէն եւ կը մասնակցէին հաւաքական ճաշերուն, հաց բեկանելու արարողութեան եւ աղօթքներուն։

ՀՌՈՎՄԱՅԵՑԻՍ 11:17

Ճիշդ է որ այդ ճիւղերէն ոմանք կտրուեցան, եւ դուն՝ որ վայրի ձիթենի մըն էիր՝ անոնց տեղ պատուաստուեցար եւ այդ ձիթենիին արմատներէն եկող հարուստ աւիշը ըմպեցիր։

ՀՌՈՎՄԱՅԵՑԻՍ 12:13

Կարիքի մէջ եղող եղբայրներուն օգնեցէք եւ միշտ հիւրասէր եղէք։

ՀՌՈՎՄԱՅԵՑԻՍ 15:26

Որովհետեւ Մակեդոնիայի եւ Աքայիայի եղբայրները յօժարակամ ուզեցին իրենց նուէրներով մասնակից դառնալ Երուսաղէմի աղքատ հաւատացեալներու կարիքներուն։

ԱՌԱՋԻՆ ԿՈՐՆԹԱՑԻՍ 1:9

Վստահեցէ՛ք Աստուծոյ, որ ձեզ կանչեց՝ հաղորդակից դառնալու իր Որդիին, մեր Տիրոջ՝ Յիսուս Քրիստոսի։

ԵՐԿՐՈՐԴ ԿՈՐՆԹԱՑԻՍ 8:1

Եղբայրնե՛ր, կ՚ուզեմ որ գիտնաք՝ թէ Աստուծոյ շնորհքը ի՛նչպէս ինքզինք կը յայտնէ Մակեդոնիայի եկեղեցիներուն մէջ։

ԵՓԵՍԱՑԻՍ 3:6

Եւ Աստուծոյ ծրագիրը սա է, որ Աւետարանին միջոցաւ բոլոր ազգերն ալ Աստուծոյ ժողովուրդին ժառանգակից ըլլան, դառնան նոյն մարմինին անդամ, եւ բաժնեկից այն խոստումին՝ որ Աստուած իրագործեց Քրիստոս Յիսուսով։

ՓԻԼԻՊՊԵՑԻՍ 1:12

Կ՚ուզեմ որ գիտնաք, եղբայրնե՛ր, թէ գլխուս եկած բոլոր պատահարները աւելի եւ աւելի նպաստեցին Աւետարանի տարածման։

ՓԻԼԻՊՊԵՑԻՍ 1:16

Անոնք որ սէրէն մղուած կը քարոզեն, այդպէս կ՚ընեն՝ որովհետեւ գիտեն թէ Աւետարանի պաշտպանութեան համար բանտարկուած կը մնամ։

ՓԻԼԻՊՊԵՑԻՍ 1:27

Արդ, նայեցէք որ Քրիստոսի Աւետարանին վայել ձեւով ապրիք. որպէսզի, եթէ կարենամ գալ՝ անձամբ տեսնեմ, իսկ եթէ չկարենամ գալ՝ ձեր մասին իմանամ, թէ հաստատուն կը մնաք, մէկ շունչ մէկ հոգի, եւ միասնաբար կը պայքարիք Աւետարանի հաւատքին համար։

ՓԻԼԻՊՊԵՑԻՍ 1:7

Իրաւունք կը համարեմ այսպէս խորհիլ ձեր բոլորին մասին, եւ ձեզ սրտիս մէջ ունիմ, որովհետեւ բոլորդ ալ մասնակից եղաք ինծի վիճակուած շնորհքին, ըլլա՛յ բանտարկութեանս ընթացքին, ըլլա՛յ երբ ազատ վիճակով Աւետարանը կը պաշտպանէի ու կը հաստատէի։

ՓԻԼԻՊՊԵՑԻՍ 2:12

Հետեւաբար, սիրելինե՛րս, դուք՝ որ ձեր մէջ ներկայ եղած ատենս միշտ հնազանդ եղաք ինծի, հիմա որ ձեզմէ հեռու եմ՝ աւելի չափով հնազանդ եղէք եւ երկիւղած բարեպաշտութեամբ ձեր փրկութեան համար աշխատեցէք։

ՓԻԼԻՊՊԵՑԻՍ 2:22

Դո՛ւք ալ գիտէք իր հաւատարմութիւնը, որովհետեւ ինչպէս զաւակ մը պիտի օգնէր իր հօր՝ այնպէս հետս աշխատեցաւ Աւետարանին համար։

ՓԻԼԻՊՊԵՑԻՍ 4:3

Դո՛ւն ալ, ո՜վ հաւատարիմ լծակիցս, կը խնդրեմ որ օգնես այս երկու կիներուն, որովհետեւ ինծի հետ պայքարեցան Աւետարանին տարածման համար, Կղեմէսի եւ միւս գործակիցներուս հետ միասին, որոնց անունները կեանքի գիրքին մէջ արձանագրուած են։

ՓԻԼԻՄՈՆ 1:17

Հետեւաբար, եթէ զիս բարեկամ կը նկատես՝ ընդունէ՛ զայն, այնպէս՝ ինչպէս զիս պիտի ընդունէիր։

ԵԲՐԱՅԵՑԻՍ 3:14

որովհետեւ այլեւս Քրիստոսի մաս կը կազմենք, եթէ մինչեւ վերջ անխախտ պահենք սկիզբէն մեր ձեռք բերած վստահութիւնը։

ԵՐԿՐՈՐԴ ՊԵՏՐՈՍԻ 1:1

Ես՝ Սիմոն Պետրոս, Յիսուս Քրիստոսի ծառան եւ առաքեալը, կը գրեմ ձեզի՝ որ մեր Աստուծոյն եւ Փրկչին՝ Յիսուս Քրիստոսի արդար տնօրինութեամբը արժանի եղաք մեզի հետ բաժնելու հաւատքը։

ԱՌԱՋԻՆ ՅՈՎՀԱՆՆՈՒ 1:3

Ինչ որ տեսանք ու լսեցինք՝ կը պատմենք ձեզի, որպէսզի դո՛ւք ալ մասնակից դառնաք այն հաղորդակցութեան որ մենք ունինք Հօրը եւ անոր Որդիին՝ Յիսուս Քրիստոսի հետ,

ԱՌԱՋԻՆ ՅՈՎՀԱՆՆՈՒ 1:7

Իսկ եթէ լոյսի մէջ քալենք, ինչպէս ինք լոյսի մէջ է, այն ատեն ճշմարտապէս հաղորդակից կ՚ըլլանք իրարու, եւ իր Որդւոյն Յիսուսի արիւնը կը սրբէ մեզ ամէն մեղքէ։