ՓԻԼԻՊՊԵՑԻՍ 1:26 - Western Armenian New Translation - Armenian Catholicosate of Cilicia - New Testament

²⁶ Որպէսզի երբ յաջորդ անգամ ձեր մօտ գամ՝ Քրիստոս Յիսուսի միացած ըլլալնուդ համար աւելի պատճառ ունենաք ինձմով հպարտ ըլլալու։

Արեւմտահայերէն Նոր Կտակարան հարմարցուած․ 2017

²⁶ որպէս զի ձեր պարծանքը իմ վրայովս աւելի ըլլայ Քրիստոս Յիսուսով՝ իմ նորէն ձեզի գալուս պատճառով։

Western Armenian Bible 1853

²⁶ Որպէս զի ձեր պարծանքը իմ վրայովս աւելի ըլլայ Քրիստոս Յիսուսով՝ իմ նորէն ձեզի գալուս պատճառով։

ՓԻԼԻՊՊԵՑԻՍ 1:26 Cross References

ՅՈՎՀԱՆՆՈԻ 16:22

Նոյնն է ձեր պարագային. դուք այժմ տրտմած էք, բայց ես կրկին պիտի տեսնեմ ձեզ եւ ձեր սիրտերը ուրախութեամբ պիտի լեցուին. ուրախութեամբմը՝ որ ոչ ոք պիտի կարենայ խլել ձեզմէ։

ՅՈՎՀԱՆՆՈԻ 16:24

Մինչեւ հիմա իմ անունովս բան չխնդրեցիք։ Խնդրեցէք եւ պիտի ստանաք, որպէսզի ձեր ուրախութիւնը կատարեալ ըլլայ։ –

ԵՐԿՐՈՐԴ ԿՈՐՆԹԱՑԻՍ 5:12

Մեր նպատակը ձեր հաճութիւնը շահիլ չէ։ Ընդհակառակը, կ՚ուզենք ձեզի պարծանքի պատճառ մը տալ, որ դուք մեզմով պարծենաք անո՛նց դիմաց, որոնք, ի հեճուկս մեզի, արտաքին առաւելութիւններով կը պարծենան, փոխանակ նկարագրային առաւելութիւններով պարծենալու։

ԵՐԿՐՈՐԴ ԿՈՐՆԹԱՑԻՍ 7:14

Ձեզի համար պարծանքս յայտնած էի իրեն, եւ ամօթով չմնացի. եւ ինչպէս ձեզի խօսածներս բոլորը ճշմարիտ էին, նոյնպէս ալ Տիտոսի յայտնած պարծանքս ճշմարտուեցաւ։

ԵՐԿՐՈՐԴ ԿՈՐՆԹԱՑԻՍ 7:4

Մեծ վստահութիւն ունիմ ձեր վրայ. մեծապէս հպարտ եմ ձեզմով։ Մեր կրած բոլոր նեղութեանց մէջ ինքզինքս մեծապէս մխիթարուած եւ անսահմանօրէն ուրախ կը զգամ։

ԵՐԿՐՈՐԴ ԿՈՐՆԹԱՑԻՍ 7:6

Բայց Աստուած, որ կը մխիթարէ սրտաբեկները, Տիտոսի գալովը մեզ մխիթարեց։

ԳԱՂԱՏԱՑԻՍ 6:4

Ամէն մէկը թող իր գործը կշռէ եւ իր գոհունակութիւնը միայն ինքն իրեն պահէ, փոխանակ ինքզինք ուրիշներու հետ բաղդատելու։

ՓԻԼԻՊՊԵՑԻՍ 3:1

Հետեւաբար, եղբայրնե՛րս, Տիրոջմով ուրախացէք։ Նոյն բաները գրելը ինծի համար ձանձրոյթ չէ, բայց ձեզ ճշմարտութեան մէջ կը հաստատէ։

ՓԻԼԻՊՊԵՑԻՍ 3:3

Իսկական թլփատուածները մե՛նք ենք, որովհետեւ Աստուծոյ Հոգիով լեցուած պաշտամունք կը կատարենք եւ միայն Քրիստոս Յիսուսի միացած ըլլալով կը պարծենանք, եւ ո՛չ թէ Օրէնքին գործադրութեամբ կամ Աբրահամի մարմնաւոր զաւակը ըլլալով։

ՓԻԼԻՊՊԵՑԻՍ 4:10

Մեծապէս ուրախացայ Տիրոջմով, որ վերջապէս ձեր միտքը ինկայ եւ ինձմով հետաքրքրուեցաք։ Գիտեմ որ նախապէս ալ կը հետաքրքրուէիք ինձմով, բայց զայն արտայայտելու առիթը չունէիք։

ՓԻԼԻՊՊԵՑԻՍ 4:4

Միշտ ուրախ եղէք Տիրոջմով. դարձեալ կ՚ըսեմ՝ ուրախ եղէք։