ՓԻԼԻՊՊԵՑԻՍ 1:17 - Western Armenian New Translation - Armenian Catholicosate of Cilicia - New Testament

¹⁷ Իսկ անոնք որ հակառակասիրութենէ մղուած Քրիստոսը կը քարոզեն՝ անշուշտ բարի նպատակով չէ որ կ՚ընեն, այլ կը կարծեն թէ այդ ձեւով բանտարկութեանս մէջ առաւել վիշտ կը պատճառեն ինծի։

Արեւմտահայերէն Նոր Կտակարան հարմարցուած․ 2017

¹⁷ Իսկ ասոնք սիրոյ համար, վասն զի գիտեն թէ ես աւետարանին համար պատասխան տալու կեցեր եմ։

Western Armenian Bible 1853

¹⁷ Իսկ ասոնք սիրոյ համար, վասն զի գիտեն թէ ես աւետարանին համար պատասխան տալու կեցեր եմ։

ՓԻԼԻՊՊԵՑԻՍ 1:17 Cross References

ՂՈԻԿԱՍ 21:14

Այժմէն իսկ ձեր միտքերուն մէջ ըլլայ, որ սկիզբէն չմտածէ՛ք թէ ինչ պատասխան պիտի տաք,

ԳՈՐԾՔ ԱՌԱՔԵԼՈՑ 22:1

Մարդի՛կ, եղբայրներ եւ հայրեր, լսեցէ՛քինչ որ ձեզի պիտի ըսեմ՝ իբրեւ պատասխան ձեր ամբաստանութեանց։

ԳՈՐԾՔ ԱՌԱՔԵԼՈՑ 26:1

Ագրիպպաս ըսաւ Պօղոսի. –Արտօնուած ես քու մասիդ խօսելու։ Այն ատեն Պօղոս ձեռքը պարզելով՝ սկսաւ իր պաշտպանողականը ընել։ –

ԳՈՐԾՔ ԱՌԱՔԵԼՈՑ 26:24

Պօղոսի պաշտպանողական վերջին խօսքերուն վրայ՝ Ֆեստոս պոռաց. –Խելքդ թռցուցեր ես, Պօղո՛ս. շատ կարդալը խելքդ թռցուցեր տարեր է։

ՀՌՈՎՄԱՅԵՑԻՍ 2:8

իսկ բարկութիւն եւ զայրոյթ պիտի վերապահէ անոնց՝ որոնք հակառակութենէ տարուած՝ չեն հաւանիր ճշմարտութեան, այլ անիրաւութեան մէջ կը մնան։

ՓԻԼԻՊՊԵՑԻՍ 1:18

Սակայն ի՞նչ նշանակութիւն ունին ատոնք. շարժառիթը ի՛նչ ալ ըլլայ, պատրուակ թէ անկեղծ ցանկութիւն, կը բաւէ որ Քրիստոս կը քարոզուի, եւ ես ուրախ եմ ատոր համար, ուրախ ալ պիտի մնամ.

ՓԻԼԻՊՊԵՑԻՍ 1:7

Իրաւունք կը համարեմ այսպէս խորհիլ ձեր բոլորին մասին, եւ ձեզ սրտիս մէջ ունիմ, որովհետեւ բոլորդ ալ մասնակից եղաք ինծի վիճակուած շնորհքին, ըլլա՛յ բանտարկութեանս ընթացքին, ըլլա՛յ երբ ազատ վիճակով Աւետարանը կը պաշտպանէի ու կը հաստատէի։

ՓԻԼԻՊՊԵՑԻՍ 2:3

Մի՛ ընէք ոեւէ բան որ հակառակասիրութենէ կամ փառասիրութենէ մղուած ըլլայ. այլ՝ խոնարհ ոգիով՝ ձեր ընկերները աւելի լաւ համարեցէք քան դուք ձեզ։

ԱՌԱՋԻՆ ՏԻՄՈԹԷՈՍ 2:7

եւ նոյն այդ վկայութիւնը տալու համար է որ ես ալ քարոզիչ եւ առաքեալ կարգուեցայ, քրիստոնէական հաւատքը եւ ճշմարտութիւնը սորվեցնելու համար բոլոր հեթանոսներուն։ Եւ Քրիստոս ինք վկայ է՝ թէ ճշմարտութիւնը կ՚ըսեմ, առանց ստելու։

ԵՐԿՐՈՐԴ ՏԻՄՈԹԷՈՍ 2:9

Այդ Աւետարանին համար է որ կը չարչարուիմ ահա եւ նոյնիսկ բանտարկուած ալ եմ, չարագործի մը պէս։ Սակայն Աստուծոյ խօսքը կարելի չէ բանտարկել։

ԵՐԿՐՈՐԴ ՏԻՄՈԹԷՈՍ 4:16

Առաջին դատավարութեանս ոեւէ մէկը թիկունք չկանգնեցաւ ինծի. բոլորն ալ զիս լքեցին։ Աստուած թող իրենց մեղք չհամարէ ատիկա։