Mikeyasi 7:12 - Emakhuwa Bible

¹² Nihuku nno, atthu animoorwa wa nyuwo okhuma wAsiriya mpaka wExipitu, ni okhuma wExipitu mpaka wEfratesi, ni okhuma ophareiya mpaka ophareiya ni omwaako mpaka omwaako.

Mikeyasi 7:12 Cross References

Yesaya 11:11

Vanihukuni nenenenno Yave onimookolatho moono weera aahokoloxere oohalahala a mulokwaawe ahiiwe wAsiriya, wExipitu, oPatrosi, oKuxe, wElami, oBabiloniya, oHamati ni icirumba sa mphareiya.

Yesaya 11:16

Onuukhale musewe mutokotoko wa oohalahala a mulokwaawe ohiiwe wAsiriya, ntoko waaraaya wa aYixrayeli ehuhuweene yeele yaakhumaaya wExipitu.

Yesaya 43:6

Kinimweerela mpatta wa ottuttuwani: ‘Ngwinnyerere yaawo!’ Ni wa ohitto: ‘Muhiwooceelihe ohokolowa.’ Ottai ottai mwaaruuhe anamwanaaka asilopwana ni ekotenle elapo anamwanaaka asithiyana –

Yesaya 49:12

Moone, awosa eniirweele ottaiwene – akina okhuma mpatta wa ottuttuwani, akinaawo ninkhuma nsuwa ni akinatho mweelaponi mwa wAsewani.”

Yeremiya 23:3

Miyo muneenaaka kinimwaathukumanyiha yaawo ahalahanle a muhuwaaka mweelaponi sootheene kiwoomolenlaakawo ni kinimwaahokoloxera yaacaayamo. Wu animunnuwa erelaneke.

Yeremiya 3:18

Mmahukuni awo ikhapira sa Yakobe sinoothukumanano seiyo sa aYixrayeli ni vamoha sinoohokolowa elapo ya ottuttuwani, sirowaka wa elapo kaavanghaaka makholowaanyu ntoko yoohiyeriwa.

Yeremiya 31:8

Moone Miyo kinimwaaruuha mweelaponi ya ottuttuwani ni kinimwaathukumanyiha ekotenle elapo. Eriyaraaya onookhala oohoona ni oorakala, asithiyana oorupala ni angyara; nakupa mutokotoko onoohokolowa.

Yeremiya 46:27

“Wa nyuwo murumeiyaaka Yakobe – muhoove! Ii! Yixrayeli, muhituthuwe! Miyo kinimoovuluxani mulaponi yoorakamela, ni ekhapiraanyu mulaponi mutthukiwaanyu. Yakobe onoohokolowa ni onookhala mmuretteleni; oolipeene ni khaawo eniimuungurumihe.

Ezekiyeli 29:21

Nihuku nno, kinimwaandyeerera ikuru sa muloko wa oYixrayeli ni eriyaraayasa, kinoohula eyanowaanyu. Hiiho, awosa anoosuwela weera Miyo ti Yave.”

Ezekiyeli 37:21

ni mwaaleelase weera Yave onlamula sootheene, oneera ha: Kinimwaakhumiha aYixrayeli mmilokoni arongwaayamo. Kinimwaathukumanyihasa mmapuroni moothemwene yaarukureenre, kaahokoloxereke mulaponimwaya.

Hoxeya 11:11

Eniirweele ethukumelaka wExipitu, evavaka ntoko ipalame, ekhumaka wAsiriya ntoko ikhunda; Miyo kinimwaatekiha mmatthokonimwaya,” onghima Yave.