Mikeyasi 4:1 - Emakhuwa Bible

¹ Mmahukuni ookisera, mwaako wa Empa ya Yave onookhalihiwa ntoko mutokweene eriyari ya nyaako; onoorakama opwaha mattumuxa, ni miloko sinootthimakelawo.

Mikeyasi 4:1 Cross References

Epacerero 49:1

Vano Yakobe aawiitthana anamwanaawe aweerelaka: “Mukisuseerelase va weera koothalihereni yeeyo eneera yookhumelelaseni mmahukuni a muhoolo.

Epacerero 49:10

Ekopo kheerwa ekuxiwa wa Yuda, aani ekopo yoolamula eniikhale eriyari ya nyettosawe mpaka aneeraawe arwe yoowo ori muneene a ekopweene yeeyo. Ni miloko nsimwiiwelele yoowo.

Icipo 110:3

Anakhottwaanyu anookhalano murima woolipa vanihukuni na ekhotto, ewarenleene soowara sootteela; okhuma oxeexelo amirawaanyu anoothukumana wa nyuwo ntoko nikame.

Icipo 22:27

Atthu a elapo ya vathi yootheene anoomuupuwelela, ehokoleeleke wa Yave, ni imusi sootheene sa miloko sinoomukokhorela,

Icipo 48:1

Mutokweene ti Yave omphwanela ottottopeliwa wootheene musidadeni mwa Mulukwaahu, vamwaakoniwawe wootteela.

Icipo 86:9

Miloko sootheene mpattunxaanyu sinoorowa weera silape ohoolowanyu; Ii! Yave seiyo sinoovuwiha Nsinananyu,

Yesaya 27:13

Nihuku nenenennotho ninooruma nipalapatta ntokotoko. Yaale yaariheenle wAsiriya ni yaale yaatthukingwe, eronghiwaka wExipitu animoowa weera emulape Yave vamwaako wootteela oYerusaleemu.

Yesaya 43:6

Kinimweerela mpatta wa ottuttuwani: ‘Ngwinnyerere yaawo!’ Ni wa ohitto: ‘Muhiwooceelihe ohokolowa.’ Ottai ottai mwaaruuhe anamwanaaka asilopwana ni ekotenle elapo anamwanaaka asithiyana –

Yesaya 49:6

Yave oneera: “Wa nyuwo khoonkwana okhala murumeiyaaka paahi weera mureherere ipuumba sa Yakobe ni mwaahokoloxe yaale a aYixrayeli kaathokoronraaka. Kinimootatuxanitho waara wa amalapo weera ovuluxawaka okwanele ekotenle elapo.”

Yesaya 54:2

“Munnuwihe nipuro na eheemaanyu, mukokhe nnenesene eluttu ya eheemaanyu; mwaandyeerere mikhoyisaya ni mulipihe ikhomosaya.

Yesaya 56:7

vano yaawo kinimwaaruuha vamwaakoniwaka wootteela ni kinimwaavaha ohakalala Mpaanimwaka wa mavekelo. Sooveleelasaya soohisa ni sikina sinimwaakhuleliwa valtaariniwaka; vanonto Empaaka eniitthaniwa Empa ya mavekelo wa miloko sootheene.”

Yeremiya 16:19

Ii! Yave! Ikurusaka ni Nipuronaka noolipaxa, Wootthawelawaka mweehuhuni yoowoopiha, vano miloko sinimoowa wa Nyuwo okhuma ekotenle elapo seeraka: “Makholowaahu yaakhalano miluku soowootha paahi, soohimuteko sihaapakenleru yooreera.

Yeremiya 26:18

“Mika a oMorexeti aathalihera otthuna wa Muluku mmahukuni a Hizekiya, mwene a oYuda, aneerela muloko wootheene wa aYuda: ‘Yave a ikuru sootheene oneera ha: Siyoni onoottipuriwa ntoko mmatta. Yerusaleemu onoothatuwa ettuxo, Empa ya Muluku nttumuxa, mwaako woophipa.’

Yeremiya 3:17

Ehuhuweene yeeyo animwiitthana oYerusaleemu ‘Ehice ya Emwene ya Yave’ ni miloko sootheene sinoothukumana oYerusaleemu weera sittittimihe Nsina na Yave. Seiyo khasirwatho sitthara ettiyamaarwaaya.

Yeremiya 31:12

Awosa animoona ni animwiipa ni ohakalala vasulu oSiyoni; anoohakalalela sooreela sincipale eneeraaya evahiwe ni Yave: etrigu, eviinyu enyowani, makhura ooreera ni axaana a ikhondoolo ni a imombe. Anookhala ntoko nttimbe noohelelaxiwa, ni kheethananatho.

Yeremiya 48:47

Wa soothesene, kinooreherera oreereliwa wa Mowabe muhoolommo,” onghima Yave. Nthorihelo na oMowabe ninkotela va.

Ezekiyeli 38:16

Nyuwo mmwaathataanele aYixrayeli, mulokwaaka, ntoko nihutte ninkhuneela elapo. Ii! Gogi, mmahukuni a muhoolo, kinimooruuhani weera ngwaneno elapwaaka, weera miloko sikisuwele Miyo kiixooniheraka ootteeleene mwa nyuwo vamaithoniwaya.

Ezekiyeli 40:2

Mmooneloni wa Muluku, Owo aakikunxe elapo ya oYixrayeli ni aakiikaathi vamwaakoni woorakamela osulu, mwa yoowo mpattaaya wa ohitto, saakhala impa saalikana ni esidade.

Ezekiyeli 43:12

Vano, nlamulo na Empa ya Muluku ti nna: ettima yootheene erukureenre vasulu mwaako enookhala yootteela. Nna ti nlamulo na Empa ya Muluku.

Daniyeli 10:14

Vano kirweenle woothaliherani yeeyo eneera yeereeliwe mulokwaanyu mweehuhuni mwa muhoolo, niwoko moonelo onthoonyera ehuhu ya muhoolo.”

Daniyeli 2:28

Mene ookhala Muluku wiirimu onthupulula mitikhinelo. Owo oomoonihera mwene Nebukadenezari yeeyo eneera yeereye mmahukuni a muhoolo. Yooloha ni nyoonelo moonnaanyu mukonaka ti iya:

Daniyeli 2:35

Vano eyuuma, oloko, ebronze*, eparatha* ni eyuuma yoorikaxa saanyaanyiwa sinakhala ntthupi ntoko makamba vanipuroni nimveeriwa* etrigu ehuhu ya elimwe. Epheyo yaavaviha seiyo sihihiyaka eneneero ya okhalawaya. Vaheera nluku naaswannye ecaambulo naathatuwa mwaako woorakamelaxa osulu ni waasareya elapo ya vathi yootheene.

Daniyeli 2:44

Mweehuhuni ya mamwene awo, Muluku a wiirimu onookhaliha omwene oneera ohiphwatiweru hata ohilamuliwe ni miloko sikina. Omwene owo onoophwata imwene sootheene sikina iyo, vaheera owo onoopwaherera wa mahuku ootheene.

Daniyeli 7:14

Owo aavahiwa olamula, ovuwa ni omwene; miloko sootheene ni atthu a muulumo ootheene yaamulapa. Olamulawawe ti woohimala ni khoorwa omala ni omwenaawe khoorwa ophwatiwa.”

Daniyeli 7:18

Vaheera ootteela a Muluku a Musulusulu animwaakhela omwene ni anookuxa yoowo wa mahuku ootheene – aani, wa mahuku ootheene.’

Daniyeli 7:22

mpaka Muluku a Musulusulu aaphiyalaawe, alaleiyaka nthorihelo aweerelaka ootteela a Muluku a Musulusulu. Yoophiya ehuhu awosa yookuxa omwene.

Daniyeli 7:27

Vano olamula, ikuru ni ovuwa wa omwene wootheene wa vathi onimwinnyereriwa mmatatani mwa ootteela, muloko wa Muluku a Musulusulu. Omwenaawe onookhala woohimala ni anamalamula ootheene anoomulapa emwiiwelelaka.’

Hoxeya 3:5

Vahoolowaya, aYixrayeli anoohokolowa, emwaaseke Yave, Mulukwaaya, ni Davide mwenaaya. Mmahukuni ookisera animoowa ethukumelaka vamaithoni wa Yave ni wa mareelihowaawe.

Mikeyasi 3:12

Tivawo niwoko na nyuwosa, oSiyoni oneeraaya ottipuriwe ntoko ematta, oYerusaleemu onoothatuwa ettuxo, ni nttumuxa na Empa ya Muluku nnoosareya maphuwa.

Zakariya 14:10

Elapo yootheene okhuma oGeba mpaka oRimoni, mpatta wa ohitto wa oYerusaleemu enookhala ntoko wAraba. Vaheera oYerusaleemu onookhalihiwa ni onookhala vanipuroniwaya, okhuma mulako wa Benyamini mpaka nipuro waaraayawo Mulako Woopacera, mpakatho Mulako wa oNloothoni ni okhuma etoore* ya Hananeli mpaka nipuro emvottiwa eviinyu ya mwene.

Zakariya 2:11

“Miloko sincipale sinoothukumanyihiwa nihuku nenenenno ni Yave, sithatuwaka mulokwaaka. Miyo kinookhala variyariwanyu ni munoosuwela weera Yave a ikuru sootheene ti okiruminghe wa nyuwo.

Zakariya 8:3

Yave oneera ha: ‘Kinghokoleela oSiyoni, kakhaleke oYerusaleemu. Vano oYerusaleemu onimwiitthaniwa esidade ya ekhaikhai ni mwaako wa Yave a ikuru sootheene onimwiitthaniwa mwaako wootteela.’

Malekiya 1:11

Vano okhuma ninkhuma nsuwa mpaka ninkelaayawo, eriyari ya miloko, Nsinanaka nnookhala noottittimihiwaxa. Mipatta sootheene erubani* soovaha sootteela sinoohiseriwa Nsinanaka, niwoko Nsinanaka nnookhala noottittimihiwaxa eriyari ya miloko,” oneera Yave a ikuru sootheene.

Miteko 2:17

‘Mahuku ookisera, Muluku eenre, nkihelele Munepaaka miloko sootheene. Anamwanaaya asilopwana ni asithiyana eniithalihe otthuna wa Muluku; amiravo eniyoone nyoonelo ni asitokweene eniilohe sooloha.

aHeberi 1:2

mahukutho ookisera ala uulumale ni hiyo mwa Mwaana, mwa Yoowo aamukhalinghe Namwaakhela a itthu sootheene, ni mwa Yoowo Muluku opankaawe ephattuwelo yootheene.

2 Pedru 3:3

Musuwele toko iya, weera wa mahuku oomalihera eniikhumelele anamaveiha, eveihaka ni ettharaka soohaawelasaya asineenaaya,

Ethupululo 11:15

Ndyelo anaathanneeli aahiipa nipalapattanawe, ni yaakhumelela masu matokotoko wiirimu, yeeraka: “Omwene wa elapo ya vathi woothatuwa omwene wa Apwiyaahu ni wa Kristuwaawe, ni Awo eniilamule mahuku ootheene.”

Ethupululo 15:4

Taani aneera ahiwooveni, Apwiya, ni aneera ahivuwihe Nsinananyu? Vano, Nyuwo paahi ti ootteela. Ilapo sootheene nsirwe ni nsilape ohoolowanyu, niwoko mitekosanyu sa ekhaikhai sohooniheriwa.”

Ethupululo 20:4

Kaahoona ihice, mwa seiye yaakilaathenlaaya yaale yaavahiwe ikuru weera ethorihe. Kaahoona okumi wa yaawo yaahitiwe niwoko na onamoona wa Yeesu ni na masu a Muluku. Awo khayaalampe enama, hata ecaambulowaaya ni khayaakhenle eneneerowaaya vayuuci, naari mmatatani. Awo yaavenyerera ni yaalamula vamoha ni Kristu wa iyaakha macira muloko.