Mikeyasi 3:5 - Emakhuwa Bible

⁵ Yave oneera ha: “Nyuwosa maprofeeti oowootha munghapuxa mulokwaaka! Mukina oovahakani yooca, munlaleiya, murettele, vaheera yaahoovahani yooca, munaalaleerela ekhotto.

Mikeyasi 3:5 Cross References

Masu a Miruku 28:21

Weetta nthalu khoonreera; mpaka wa yooca vakhaani mutthu onoopaka yoonanara.

Yesaya 3:12

Amiravo anghasula mulokwaaka; asithiyana anlamula yoowo. Ii! Mulokwaaka yaale anoohoolelani annoolokotthani ni anoohapuxani mphironi.

Yeremiya 23:27

Awosa anuupuwela weera sooloha anthaliheranaaya mukina ni mukhwaawe anoottiwaliha muloko Nsinanaka, hiiho ntoko makholowaaya yaattiwanlaaya Nsinanaka mwaha wa omulapa Bahali*.

Yeremiya 23:32

Vekhaikhai nkiniiwananano yaawo anthalihera sooloha soowootha,” oneera Yave. “Awo anghima ni anghapuxa mulokwaaka ni soowoothasaya soohimuteko. Miyo nkaaruminghe naari nkaalamulenle. Awosa khaanruuhelaru mureerelo muloko ola,” oneera Yave.

Yeremiya 6:14

Awosa anreherera makhwatta a mulokwaaka ehoonelakamo. Awosa aneera: ‘Murettele, murettele’ ohikhanleru murettele.

Yeremiya 6:4

“Mwiirehererele ongwanano! Mvenye, niwananeke nsuwa vamuru! Mene ii! Nsuwa noothetemana ni munttuusi wa oxekuwa woorakama.

Icipo Soolalamika 2:14

Nyoonelo sa maprofeetaawo saari soowootha ni soohivareleya muteko; awosa khaawoonihenre yootthekaawo weera osembe oronghiwa wootthukiwani. Mitthenga yoovahaaya saari soowootha ni soolokottha.

Ezekiyeli 13:9

Ntatanaka nnimwaawanano maprofeeti arino nyoonelo soolokottha ehimaka sootthoma soowootha. Awosa kheekhalela mpatta wa muthukumano wa mulokwaaka, naari khayaalikeleliwa munamalepelani a oYixrayeli, hata kheevolowa mulaponi mwa oYixrayeli. Hiiho, nyuwosa munoosuwela weera Miyo ti Yave onlamula sootheene.

Hoxeya 4:5

Nyuwosa munnikwattuliwa khula nihuku, ni maprofeeti ankwattulasiwa ni nyeenyu. Tivawo kineeraaka kaaphwate amayinyu.

Yoweli 3:9

Mwalaleiye yeeyo eriyari ya miloko: Mwiirehererele okhottoni! Ngweemexe anakhotto. Anakhotto ootheene yaattameleke weera ewane!

Mikeyasi 2:11

Namootha ni namalokottha arwa, aneera: ‘Miyo kohoolaleerani waatta wa eviinyu ni wa yoowura yoohapala,’ owo onookhala ti mprofeeteene a muloko ola!”

Mikeyasi 3:11

Ahoolelaaya anlakela yeerelaka makhwankwa, asaserdotaaya anxuttiha yeerelaka owina, ni maprofeetaaya antthoma yeerelaka musurukhu. Eyo eri hiiho, aniikhaviherano Yave, yeeraka: “Yave ori eriyaraahu. Kheenikhumelelaru erisa.”

Malekiya 2:8

Vaheera nyuwosa moohapuwa mphironi. Ni oxuttihawanyu mootannyera omora wa atthu ancipale; nyuwosa moonanariha wiiraana wa Leevi,” oneera Yave a ikuru sootheene.

Matheyo 15:14

Mwaahiye, awo ari ahooleli oohoona. Oohoona mmoha amweettiha oohoona mukina, ooweeli anoomorela mulittini.”

Matheyo 7:15

Mwiipasoope ni maprofeeti oolokottha. Awo angwa wa nyuwo ewanreene ixapala sa ikhondoolo, mene mpuwa ari miici soolumaxa.

aRooma 16:18

Vano atthweene yaawo khaanimurumeela Kristu Apwiyaahu, mene soohaawelasaya asineenaaya. Ni masu oosiva ni ooreera omokoni awo anlokottha mirima sa atthu oohisuwela.