Mikeyasi 1:1 - Emakhuwa Bible

¹ Masu Yave uulummaawe mwa Mikeyasi a oMorexeti mweehuhuni ya olamula wa Yotami, Ahazi ni Hezekiya, mamwene a oYuda. Nyoonelo owo oonnaawe singhima sa oSamariya ni oYerusaleemu.

Mikeyasi 1:1 Cross References

2 Mamwene 15:32

Yotami, mwaana mulopwana a Uziya, aavariwa omwene wa oYuda vayaakhani yanaaveeli ya olamula wa Peka, mwaana mulopwana a Remaliya, mwene a oYixrayeli.

2 Mamwene 15:5

Yave annamuhooxa mwene ni makokho mpaka nihuku na okhwawawe ni ehuhu yootheene aakhala empaawe meekhaawe. Yotami, mwaana mulopwana a mwene, ti aawehaweha empa ya mwene, alamulaka muloko.

2 Mamwene 16:1

Ahazi, mwaana mulopwana a Yotami, aavariwa omwene wa oYuda vayaakhani yanaamuloko niithannapiili ya olamula wa Peka, mwaana mulopwana a Remaliya.

2 Mamwene 18:1

Hizekiya, mwaana mulopwana a Ahazi, mwene a oYuda aavariwa omwene wa oYuda vayaakhani yanaararu ya olamula wa Hoxeya, mwaana mulopwana a Ela, mwene a oYixrayeli.

2 Nyaha 28:1

Ahazi aapaceraawe olamula, aarino iyaakha miloko miili sa oyariwawawe, analamula oYerusaleemu iyaakha muloko niithannamosa. Ohiyanawaya ni Davide nikholonawe, khaapanke yeeyo onaakhulelaawe Yave.

2 Nyaha 29:1

Hezekiya aapaceraawe olamula, aarino iyaakha miloko miili niithanu sa oyariwawawe, analamula oYerusaleemu iyaakha miloko miili niithanniixexe. Amayawe yiitthaniwa Abiya, mwaana muthiyana a Zakariya.

Yesaya 1:1

Moonelo mwaha wa oYuda ni oYerusaleemu Yesaya, mwaana mulopwana a Amozi aaraaweno, moolamulani mwa Uziya, Yotami, Ahazi ni Hezekiya, mamwene a oYuda.

Yesaya 1:2

Mwiiwe wiirimu; ngwiriyane elapo ya vathi, niwoko Yave eenre: “Miyo kohaapattuxa anamwane kinawunnuwiha, mene awosa aakirukunuwela.

Yesaya 7:1

Vano Ahazi, mwaana mulopwana a Yotami, mwaana mulopwana a Uziya, aaraawe mwene a oYuda, mwene Rezini a awArami ni Peka, mwaana mulopwana a Remaliya, mwene a oYixrayeli yaarowa weera ewaneno oYerusaleemu, mene khayaawenre owina.

Yesaya 7:9

Muru wa Efrayimi ti oSamariya ni muru wa oSamariya ti mwaana mulopwana a Remaliya. Nyuwo mwaahilipa munroromeloni, woohihovela khamulekela.’ ”

Yeremiya 26:18

“Mika a oMorexeti aathalihera otthuna wa Muluku mmahukuni a Hizekiya, mwene a oYuda, aneerela muloko wootheene wa aYuda: ‘Yave a ikuru sootheene oneera ha: Siyoni onoottipuriwa ntoko mmatta. Yerusaleemu onoothatuwa ettuxo, Empa ya Muluku nttumuxa, mwaako woophipa.’

Hoxeya 1:1

Yave aahuuluma ni Hoxeya, mwaana mulopwana a Beeri, moolamulani mwa Uziya, Yotami, Ahazi ni Hezekiya, mamwene a oYuda ni Yerobowami, mwaana mulopwana a Yehowaxi, mwene a oYixrayeli.

Hoxeya 4:15

Ii! Yixrayeli, naari nyuwo muraruwaka, Yuda ahikhaleno nthowa. Muhirowetho oGiligali; muhiwele oBet-Aveni, ni muheere: ‘Kinlipela mwa okumi wa Yave.’

Hoxeya 8:14

oYixrayeli woomuttiwala Mvuluxaaya, onateka impa sa emwene; oYuda woolipiha isidade sincipale. Vaheera Miyo kinoorumihela mooro musidadenimwaya oneera olalihe moolipamwaya.”

Amosi 1:1

Ala masu aakhenlaawe mmooneloni Amosi, mukukhuli mmoha a oTekowa, mwaha wa aYixrayeli, sivinreene iyaakha piili ehinaaye otetereya etthaya. Ehuhuweene yeele, Uziya aari mwene a oYuda ni Yerobowami, mwaana mulopwana a Yehowaxi, aari mwene a oYixrayeli.

Amosi 6:1

Ii! Nyuwosa munkhala muhipwatthaka etthu oSiyoni, ni muniixoona okhala oolipeene vamwaakoni wa oSamariya; nyuwosa atthu oosuwanyeyaxa mwiixuupuwelaka weera muri ooreerela eriyari ya miloko, mwa seiyo ontthimakelaayawo muloko wa oYixrayeli!

Mikeyasi 1:5

Sootheene iyo sineereela mwaha wa ovaanya wa Yakobe ni soottheka sa muloko wa oYixrayeli. Ovaanya heeni wa Yakobe? Weeraka khoohiyono oSamariya? Mapuro heeni a miluku sikina sa aYuda? Weeraka khoohiyono oYerusaleemu?

Mikeyasi 3:9

Mwiiwe yeela, nyuwosa muri asitokweene a ekhapira ya Yakobe, alamuli a muloko wa aYixrayeli anthanya ekhaikhai ni amvirikanyiha yeeyo eri yoororomeleya;

Habakuki 1:1

Ola mutthenga Muluku aamvanghaawe Habakuki.

2 Pedru 1:21

niwoko khaawowo masu a maprofeeti arwiiye ni otthuna wa mutthu, mene atthu, yeettihiwe ni Munepa Wootteela, yaahuuluma mpatta wa Muluku.