Daniyeli 9:15 - Emakhuwa Bible

¹⁵ Vano, Yave Mulukwaahu mukhumihale mulokwaanyu wExipitu ni Ntata Nooweraxa ni mwiipakenle Nsina nimpwaherera mpaka olelo, hiyo noottheka ni nookhalano nthowa.

Daniyeli 9:15 Cross References

1 Mamwene 8:51

Muupuwelele weeratho ti mulokwaanyu ni yoohiyeraanyu mwa yoowo mukhumihalalaanyu wExipitu, mmavihoni.

2 Mamwene 21:15

niwoko aapaka soonanara vamaithoniwaka etannyaka isarasaka okhuma nihuku makholowaaya yaakhummaaya wExipitu mpaka olelo.”

2 Nyaha 6:37

ni awosa yattheka mulaponi ekina mwa yeeyo aronghiwaaya, ni yarukunxa murima, enavekela mulaponi aakuxiwaaya: ‘Noottheka, noopaka yoonanara, nnakhala attiyamaaru,

Nehemiya 1:10

Awo ti arumeiyaanyu ni mulokwaanyu, mwa yaawo ngwooponlaanyu ni ikurusanyu sitokotoko ni Ntatananyu noolipaxa.

Nehemiya 1:6

Maaruwaanyu ewiriyaneke ni maithwaanyu ehuleyeke wa mavekelo murumeiyaanyu ompakaawe ohoolowanyu othana ni ohiyu aweerelaka arumeiyaanyu, aYixrayeli. Kinlapa soottheka hiyo, aYixrayeli, nootthekenlaahuni. Aani, miyo ni mulokwaaka noottheka.

Nehemiya 9:10

Mwaampakela ineneero ni sootikhiniha Farawu*, asitokweenaawe ootheene ni atthu ootheene a elapwaawe, niwoko mwaasuwela moota yaahasulaaya mulokwaanyu. Mwaawina epili etokotoko empwaherera mpaka olelo va.

Icipo 106:8

Hata hiiho Owo aahaavuluxa eerelaka Nsinanawe weera oonihere ikurusawe sitokotoko.

Okhuma 13:14

Muhoolommo anamwaniinyu yookohani: ‘entaphulela eheeni yeela?,’ vano mwaaleele: ‘Yave onikhuminghe wExipitu, elapo ya okaporo ni ntata nooweraxa.

Okhuma 13:16

Eyo eniyookhaleleni eneneero mmatatanimwanyu ni yoowuupuwelela vayuuciwanyu, weera Yave oonikhumiha wExipitu ni ntatanawe nooweraxa.”

Okhuma 13:3

Vano Moisesi aaheerela muloko: “Muupuwelele nihuku nna nyuwo mwaakhumalaanyu wExipitu, elapo ya okaporwaanyu, niwoko Yave ohookhumihani iwe ni ntatanawe nooweraxa. Muhiceru yooheliwa eferementu.

Okhuma 13:9

Eyo eniyookhaleleni eneneero mmatatanimwanyu ni yoowuupuwelela vayuuciwanyu, weera Nlamulo na Yave nikhale vayanoniwanyu, niwoko Yave ohookhumihani wExipitu ni ntatanawe nooweraxa.

Okhuma 14:18

awExipitu anoosuwela weera Miyo ti Yave kaavuwihiwaka moomphwatani Farawu*, ikaarosawe sa ekhotto ni anamweettiha a ikavalu*.”

Okhuma 32:11

Wa soothesene, Moisesi aamudyoonttelela Yave, Mulukwaawe, akhuwelaka: “Yave, heeni munnyoonyeriwaanyu mulokwaanyu owo, mwa yoowo mukhumihalaanyu wExipitu ni ikuru sitokotoko ni ntatananyu noolipaxa?

Okhuma 6:1

Yave aamweerela Moisesi: “Nyuwo mmoone yeeyo kineeraaka kimpakele Farawu*. Mwa Ntatanaka nooweraxa owo onootthunihera muloko orowa. Mwa Ntatanaka nooweraxa owo onimoomola muloko elapwaawe.”

Okhuma 6:6

Tivawo: Mwaaleele aYixrayeli: ‘Miyo ti Yave. Kinimootapuxani mwa miteko sooviha sa awExipitu. Miyo kinimootapuxani mpotthani ni kinoowoopolani ni moono woolipa ni miteko sitokotoko sa nthoriho.

Okhuma 9:16

Mene Miyo koowuurelani mpaka vaanaanova keerelaka owooniherani ikurusaka ni weera Nsinanaka nilaleiwe mweelaponi yootheene.

Yesaya 55:13

Mwiri wa epinyeiru* onimunnuwa vanipuroni na nyiiwa ni vanipuroni na rupulula onimunnuwa murta*. Eyo enoomuttittimiha Yave ntoko eneneero yoohimala eneera ehiphwatiwe.

Yesaya 64:4

Okhuma khalayi khawowo iiwale hata naaru niiwexenxe naari niitho naamoonne Muluku mukina muhikhanle Nyuwo munaavarela muteko yaale anoororomelani.

Yeremiya 14:20

Ii! Yave, nohoonelela sootakhalasahu ni nthowa na makholowaahu; vekhaikhai, nohootthekelani.

Yeremiya 32:10

Kaattitta, kinalipiha yoolempwa, kinaringa eparatha* vamuringoni, ohoolo wa anamoona kaawiitthannaaka.

Icipo Soolalamika 3:42

“Noottheka ni noovaanya, vano Nyuwo khamunilevelenle.

Ezekiyeli 5:6

Wa soothesene, mwa soonanarasaya, eyo yoovaanyera malamulowaaka ni ikanosaka opwaha miloko sikina sootheene sirukureenrewo. Eyo yookhootta malamulowaaka ni kheettharinghe ikanosaka.

Daniyeli 9:5

hiyo noottheka ni nookhalano nthowa. Naari atakhali ni anamavaanya; noohiya soolamulasanyu ni ikanosanyu.

Luuka 15:21

Mwaana aaweerela: ‘Tiithi, kootthekela wiirimu ni kohootthekelani nyuwo. Nkiphwanenle wiitthaniwa mwaninyu.’

Luuka 18:13

Namaliviha a musokotho aaheemela ottaiwene. Khaatthuna oweha osulu, mene amanaka ekakasa, aaheera: ‘Muluku, mukimorele ikharari, miyo kiri namattheka.’

2 aKorinto 1:10

Owo oonoopola wa woopiha otokotoko wa okhwa, ni anaapwaherere onoopola. Ninnimuroromela Yoowo weera anaapwaherere onoopola,

Deuteronomiyo 5:15

Muupuwelele weera mwaari ipottha wExipitu ni weera Yave Mulukwaanyu aahookhumihaniwo ni ntata noolipaxa ni moono wooweraxa. Tivawo Yave Mulukwaanyu oolamulenlaaweni ottittimihera nihuku na eSaabadu.