Daniyeli 9:14 - Emakhuwa Bible

¹⁴ Yave khaapinse oniruuhela erisa, niwoko Yave Mulukwaahu ti a ekhaikhai mwa sootheene ompakaawe; hata hiiho khanimwiiwelenle.

Daniyeli 9:14 Cross References

2 Nyaha 12:6

Ahooleli a oYixrayeli ni mwene yaahiiyevihasa eneera: “Yave ti oororomeleya.”

Ezera 9:15

Ii! Yave, Muluku a aYixrayeli, Nyuwo ti oororomeleya. Hiyo ninkhala olelo ntoko atthu ahalahanle. Hiyo nri vamaithoniwanyu ni nthowanahu nroosuwelaru weera khawowo a hiyo ongwera okhala vamaithoniwanyu ni nthowa nna.”

Nehemiya 9:33

Mwaari oororomeleya mwa sootheene saanikhumelela. Mweettenle moota woororomeleya naaroohiroromeleyaru.

Icipo 111:7

Miteko sa matataawe ti soororomeleya ni sa ekhaikhai; ikanosawe sootheene soophwanela ororomela.

Icipo 116:5

Yave ti a murima wooreera ni a ikharari; Mulukwaahu ti oopixa murima.

Icipo 119:137

Yave, Nyuwo ti oororomeleya ni malamulowaanyu ti a ekhaikhai.

Icipo 51:14

Ii! Muluku, Nyuwo munkoopola, mukivuluxe mmathowani a ephome ni nluminaka nnoolaleiya ororomeleyawanyu.

Okhuma 9:27

Vano Farawu* aarumiha wiitthaniwa Moisesi ni Aharoni aweerelaka: “Emaara ela koottheka. Yave ti oororomeleya ni miyo ni mulokwaaka nookhalano nthowa.

Yeremiya 12:1

Ii! Yave, khula emaara kinooruuhelaakani mulattu, Nyuwo munlakela ni ekhaikhai. Wa soothesene, kintthuna wuuluma ni Nyuwo mwaha wa ekhaikhayaanyu. Atakhali singweettelela heeni nnene? Anamavariha ootheene ahinkhalanela heeni milattu?

Yeremiya 31:28

Mooteene yoowo kaawehawenghaaka weera kiphele ni kinyaaye, weera kuuhe, kiphwate ni kaaruuhele erisa, kinimwaawehawehatho weera kiteke ni kiphatteye,” onghima Yave.

Yeremiya 4:17

Awosa anrica oYerusaleemu ntoko asilopwana anlipelelaaya ematta, niwoko esidade eyo yookivaanya Miyo,’ ” onghima Yave.

Yeremiya 44:27

Kinimwaawehaweha weera kaaruuhele erisa ohikhanle mpuha; aYuda a wExipitu anooriheya mwa ekatana ni mwa etala mpaka eneeraaya ephwateye ootheene.

Icipo Soolalamika 1:5

Awananaawe aathatuwa asitokweenaawe; amwiittaanaawe ahiimaaliha. Yave oomuruuhela othanana niwoko na sootthekasawe sincipale. Anamwanaawe asilopwana aaronghiwa wootthukiwani, anamatthukiwa a awanani.

Ezekiyeli 16:43

Mweenre muhuupuwelela mahuku a emiravowaanyu mutannyaka isarasaka ni itthu sootheene iya, woohihovela kinoomoroxela mmurumwanyu yeeyo mpankaanyu, onghima Yave onlamula sootheene. Nyuwo mohaandyeerera ohiroromeleya ni soopakasanyu sikina sootheene iya.

Daniyeli 4:34

Simalakaru ihuhusene seiye, miyo, Nebukadenezari, kaaweha wiirimu ni kaahoonelela weera muupuwelowaaka waahokolowa. Vano kaamuttottopela Muluku a Musulusulu; kaamuttittimiha ni kaamvuwiha. Olamulawawe ti woohimala; omwenaawe ompwaherera wa ikhapira sootheene.

Daniyeli 9:7

Yave, Nyuwo ti a ekhaikhai, mene olelo nohuulihiheyaxa muru niwoko na ohiroromeleyawahu ni Nyuwo – aani hiyo a oYuda, amaki a oYerusaleemu ni aYixrayeli ootheene ekhalaka vakhiviru naari ottaiwene, mweelaponi sootheene munimwaraxenlaanyu.