Daniyeli 8:15 - Emakhuwa Bible

¹⁵ Miyo, Daniyeli kiwehexexaka moonelo ni keereraka wiiwexexa, ohoolowaka aakhumelela mmoha aalikana ni mutthu.

Daniyeli 8:15 Cross References

Yesaya 9:6

Wa hiyo nooyareliwa Mwaana; wa hiyo noovahiwa Mwaana Mulopwana ni olamula ori mmakhatanimwawe. Owo onimwiitthaniwa Namalaka Ooreeraxa, Muluku a ikuruxa, Tiithi Oohimala ni Mutokweene a murettele.

Daniyeli 10:16

Vanonto mmoha aalikana mutthu aatava eyanowaaka ni kaahula eyanowaaka, kinapacera wuuluma. Kaamweerela yoole eemenle ohoolowaka: “Pwiiyaaka, koothananaxa niwoko na moonelo ni kihanle vakhaani okhwa.

Daniyeli 10:18

Emaara ekinatho yoole aalikana ni mutthu aakitava, anakivaha ikuru.

Daniyeli 10:5

Kaaweha osulu ni aakhala ohoolowaka mulopwana awanreene eliinyu*, iiphitelenleene laamba a eyuuma yoorikaxa.

Daniyeli 12:8

Kaahiiwa, mene nkiiwenxenxe, tivawo kaamukonghaaka: “Pwiiyaaka, sootheene iyo emalihero heeni?”

Daniyeli 7:13

Mmoonelonimwaka ohiyu kaaweha ni aakhala ohoolowaka mmoha aalikana ni mwaana a mutthu arwaaka mmahutteni a wiirimu. Owo aamwaattamela Muluku Oohimala, anaronghiwa vamaithoniwawe.

Daniyeli 7:28

Ela emalihero ya moonelo. Miyo, Daniyeli kaathananaxa niwoko na soowuupuwelasaka ni ekhovaaka yaakimora, mene kaathokorora itthu iya vamurimani.”

Daniyeli 8:1

Vayaakani yanaararu ya olamula wa mwene Beltexazari, miyo, Daniyeli, kaakhalano moonelo mukina, ohiya woopacera.

Daniyeli 8:19

Owo aakeerela: “Miyo kinimoothaliherani yeeyo eneera ekhumelele muhoolo, mweehuhuni ya isara, niwoko moonelo ola onthoonyera ehuhu ya ommaleloni.

Zakariya 1:9

Miyo kaakoha: “Pwiiyaaka, iya iheeni?” Ndyelo uuluma ni miyo aakaakhula: “Kinoowooniherani seiyo.”

Matheyo 13:36

Vano Owo aahaahiya atthu ancipale ni aarowa owaani. Oohuseraawe yaamwaattamela Yoowo ni yaamweerela: “Munithalihere yoolikanyiha ya nakhwali mmatta.”

Matheyo 24:15

Hiiho, nyuwo moonaka yiikaathiweene vaNipuroni Nootteela* etthu yoonanaraxa yoowuulihaxa muru* mwa yeeyo uulumalaawe mprofeeti Daniyeli, – owo onsoma iiwexexeke!

Matheyo 24:30

Vano eniiwe wiirimu eneneero ya Mwaana a mutthu. Miloko sootheene sa elapo ya vathi nsilalamike, ni nsimoone Mwaana a mutthu arweelaka mmahutteni a wiirimu ni ikuru ni ovuwa otokotoko.

Marku 13:14

Nyuwo moonaka etthu yoonanaraxa yoowuulihaxa muru yiikaathiweene vanipuroni ehintthunihiwaaya – namasoma, iiwexexe – vano yaawo eneera ekhale oYudeiya, etthawele nnyaakoni.

Marku 4:12

weera: ‘hata yoonaka, khaanoonexexa, ni yiiwaka, khaaniiwexexa, weera ehirukunxe murima ni ehileveleliwe.’

Yoxuwa 5:14

Owo aamwaakhula: “Nkinthalu, kirwiiye ntoko mutokweene a anakhotto a Yave.” Yoxuwa aahuuramihela ekhovaawe vathi munttittimihoni, anamukoha: “Apwiyaaka mutthenga heeni araayano wa murumeiyaaya?”

Ethupululo 1:13

ni variyari wa iyo Mukina oolikana ni Mwaana a mutthu, ni mukaandyo woorakama ni angwanreene vakakasani laamba a eyuuma yoorikaxa.

Ethupululo 13:18

Va sintthuneya miruku. Yoole orino miruku, oonelele nuumuru na enama, niwoko nri nuumuru na mutthu. Nuumurunaya nri 666.