Daniyeli 7:9 - Emakhuwa Bible

⁹ Miyo kiwehaka, saahiikaathiwa ihice sa emwene ni Muluku Oohimala aakilaathela. Yoowaraawe yaari yootteela ntoko etthabwe ni mayihaawe etteenleene ntoko mapururu a eputtiputthi. Ehicaawe ya emwene yaariciwa ni mooro ni mareekwaaya yaavarelatho.

Daniyeli 7:9 Cross References

1 Mamwene 22:19

Mikaya aapwaherera: “Mwiiwe masu a Yave: Koomoona Yave akilaantheene vahiceniwawe arukureeriweene ni anakhotto ootheene a wiirimu moonowaawe mulopwana ni muthiyana.

2 Nyaha 18:18

Mikaya aapwaherera: “Mwiiwe masu a Yave: Koomoona Yave akilaathiyeene vahiceniwawe, vamoha ni anakhotto ootheene a wiirimu ereene moonowaawe woolopwana ni woothiyana.

Icipo 45:8

Soowarasanyu sootheene sinunkhela makhura a emira*, alowe* ni kasiya*; mpaani mwa emwene sicaambuliweeneno maino a itthepo, oruma wa ikaruma sa ecipo onoohakalalelani.

Icipo 90:2

Nyaako sihinaaye okhala naari Nyuwo muhinaaye opattuxa wiirimu ni vathi, aani, okhuma ompacereroni mpaka ommaleloni Nyuwo ti Muluku.

Icipo 93:2

Ehicaanyu ya emwene yaakhalihiwa khalayi; Nyuwo munkhala okhuma ohinaaye ompacereroni.

Yesaya 6:1

Vayaakhani aakhwiiyaawe mwene Uziya, miyo kaamoona Yave akilaantheene vahiceni ya emwene – osulusulu ni oovuwihiweene, ni maleembe a mukaandyowaawe yaasarasara Mpaani mwa Muluku.

Yesaya 9:6

Wa hiyo nooyareliwa Mwaana; wa hiyo noovahiwa Mwaana Mulopwana ni olamula ori mmakhatanimwawe. Owo onimwiitthaniwa Namalaka Ooreeraxa, Muluku a ikuruxa, Tiithi Oohimala ni Mutokweene a murettele.

Yeremiya 49:38

Kinookhaliha wElami ehicaaka ya emwene ni kinoomphwata mwene ni asitokweenaawe,” onghima Yave.

Ezekiyeli 1:26

Vasulu wa erimu yaari mmurumwaya, yaakhala etthu yaalikana ni ehice ya safira* ni yoorakamelaxa, vahiceni, yaakhala ekhalelo yaalikana ni mutthu.

Daniyeli 7:13

Mmoonelonimwaka ohiyu kaaweha ni aakhala ohoolowaka mmoha aalikana ni mwaana a mutthu arwaaka mmahutteni a wiirimu. Owo aamwaattamela Muluku Oohimala, anaronghiwa vamaithoniwawe.

Daniyeli 7:22

mpaka Muluku a Musulusulu aaphiyalaawe, alaleiyaka nthorihelo aweerelaka ootteela a Muluku a Musulusulu. Yoophiya ehuhu awosa yookuxa omwene.

Mikeyasi 5:2

“Vaheera nyuwo Beteleheemu Efrata, murookhalaru mukhaani eriyari ya mahimo a oYuda, wa nyuwo onimoorwa wa Miyo mmoha aneera akhale mulamuli a oYixrayeli – mwa yoowo epacererowaawe ekhumale khalayixa.”

Habakuki 1:12

Ii! Yave! Vekhaikhai Nyuwo ti oohimala! Mulukwaaka ni Ootteelaaka, Nyuwo khamunkhwa. Ii! Yave! Mookhaliha muloko owo weera okwanihere nthorihelo. Ii! Mwala, Nyuwo mohaathanla aBabiloniya weera ettaruxe.

Matheyo 17:2

Vale Owo aatatuxiwa ohoolowaya. Ekhovaawe yaahaara ntoko nsuwa ni ikuwosawe saathatuwa sootteela ntoko waara.

Matheyo 28:3

Ekhalelowaawe yaari ntoko overinya ni ikuwosawe saari sootteela ntoko etthapwe.

Marku 9:3

Ikuwosawe saathatuwa sootteelaxa moota wooweera khawoworu namakattha eera awere otteeliha.

Miteko 2:30

Vano owo aari mprofeeti ni aasuwela weera Muluku aamuroromeliha ni nlipelo weera eera aamwiikaathi mmoha a ekhapiraawe vahiceniwawe.

Miteko 2:33

Avuwihiweene moono mulopwana wa Muluku, Owo aahaakhela wa Atiithi Munepa Wootteela woororomelihiwa, ni ooyeeha Yoowo ntoko nyuwo vano munoonaanyu ni muniiwaanyu.

aFilipi 3:9

ni kiphwanyiwe mwa Yoowo, kihikhalanaka ekhaikhaiyaaka enrweela munlamuloni, mene waakhuleliwa weiwe onrweela munroromeloni mwa Kristu, waakhuleliwa weiwe onrweela wa Muluku okhalihiweene munroromeloni.

1 Timootheyo 6:16

mmoharu oohikhwa ni onkhala ngwaarani woohiphiyeya, mwa Yoowo khaawo amoonne, naari ongwera omoona. Wa Yoowo nikhale nttittimiho ni ikuru soohimala. Ame*.

1 Yohaane 1:5

Ola mutthenga niiwalaahu wa Yoowo ni nnoothaliheraahuni: Muluku ti waara ni mwa Yoowo kheewowo epiphi.

Ethupululo 1:14

Muruwaawe ni mayihaawe yaari ootteelaxa ntoko mapururu a eputtiputthi, aani, ntoko etthapwe, ni maithwaawe yaari ntoko nlumi na mooro.

Ethupululo 19:18

weera mukhuure enama ya mamwene, asitokweene a anakhotto, alipa a ikuru ni ya ikavalu* ni anamweettihaaya, enama ya ootheene: maneethi ni ipottha, asikhaani ni asitokweene.”

Ethupululo 20:4

Kaahoona ihice, mwa seiye yaakilaathenlaaya yaale yaavahiwe ikuru weera ethorihe. Kaahoona okumi wa yaawo yaahitiwe niwoko na onamoona wa Yeesu ni na masu a Muluku. Awo khayaalampe enama, hata ecaambulowaaya ni khayaakhenle eneneerowaaya vayuuci, naari mmatatani. Awo yaavenyerera ni yaalamula vamoha ni Kristu wa iyaakha macira muloko.

Ethupululo 4:2

Wootutuxereya kaaphwanyaneya mMunepani, ni ohoolowaka yaakhala ehice wiirimu, ni Mukina akilaantheene vaavaawo.