Daniyeli 11:35 - Emakhuwa Bible

³⁵ Akina a anamiruku anookwakwathuwa weera awosa etteelihiwe, etotoxiwe ni epakiwe moota wookwanela mpaka ommaleloni wa ehuhu niwoko ommaleloni nlelo onoophiya mweehuhuni yoothanliwa.”

Daniyeli 11:35 Cross References

2 Nyaha 32:31

Vaheera alamuli a oBabiloniya yaarumihalaaya anamitthenga weera yamukohe mwaha wa eneneero yootikhiniha yeereiye mulaponi, Muluku aamuhiya weera amoote murima ni asuwele sootheene saari vamurimaniwawe.

Masu a Miruku 17:3

Eyuuma yoorikaxa ni eparatha* sinrehereriwa vayikho, vaheera ti Yave onoota mirima sa atthu.

Yesaya 27:9

Hiiho nthowa na Yakobe nnoomalihiwa ni soowiima sookwanela sa ovenxiwa wa sootthekasawe nsikhale ha: owo aapwexa altaari* a maluku ootheene mpaka othatuwa ntthupi khasihala nyiri soothipeleliwa Axera, hata altaari* a erubani*.

Daniyeli 11:27

Mamwene meeli awo, mirimasaya soosareya soonanara, anookilaathi vameesa mamoharu, elokotthanaka, mene kheephura etthu niwoko ommaleloni nlelo oneera orwe mweehuhuni yoothanliwa.

Daniyeli 11:29

Mweehununi yoothanliwa, onoovolowatho elapo ya ohitto, mene ehuhuweene yeeyo emalihero enoovirikana yoopacera.

Daniyeli 11:33

Yaale arino miruku animwaaxuttiiha ancipale, mene wa ehuhu ekinaawosa animwiiviwa ni ekatana, anoohisiwa, anoovariwa ni anoohuhuliwa.

Daniyeli 11:40

Mweehuhuni ya ommaleloni, mwene a ohitto onoovolowa mukhottoni ni mwene a ottuttuwani onoongwanano mwene a ohitto ni ikaaro sa ikavalu*, anamweettiha a ikavalu* ni makula matokotoko mancipale. Owo onoovolowa ilapo sincipale aviraka ntoko maahi oowuupaxa.

Daniyeli 12:3

Yaawosa ari a miruku animwaara ntoko waaraxa wa wiirimu ni yaawo angweettiha ancipale weera yaakhuleliwe ni Muluku, anooceremela ntoko ithenyeeri wa mahuku ootheene.

Daniyeli 12:4

Mene nyuwo, Daniyeli, ngwale ni mutthuke masu a elivuru mpaka ommaleloni wa ehuhu. Ancipale anooviravira moothemwene yaasaka miruku.”

Daniyeli 8:10

Naahunnuwa mpaka waatava anakhotto a wiirimu, nnavonyera vathi sikina sa ithenyeeri sa wiirimu, nnanyikalela.

Daniyeli 8:17

Owo aakaattamenlaawe, kaahoova, kinamorela vathi. Owo aakeerela: “Mwaana a mutthu, mwiiwexexe weera moonelo ola onthoonyera ihuhu sa ommaleloni.

Daniyeli 8:19

Owo aakeerela: “Miyo kinimoothaliherani yeeyo eneera ekhumelele muhoolo, mweehuhuni ya isara, niwoko moonelo ola onthoonyera ehuhu ya ommaleloni.

Daniyeli 9:27

Owo onoopaka wiiraana ni ancipale wa esimana emoha. Vano eriyari ya esimaneene yeeyo sinoomala sooveleela ni soovaha. Mpatta mmoha wa Empa ya Muluku onootekiwa muluku oohiira aneeraawe akhalewo mpaka ophiya ommaleloni olakeleliwaawe.”

Habakuki 2:3

Vanonto moonelo oniweereiye mweehuhuni yootthuneya; onghima sa ommaleloni ni ti wa ekhaikhai. Naari opisaka, ngweherere yoowo, niwoko vekhaikhai enoophiya ehuhuwaaya.

Zakariya 13:9

Mpatta wanaararu owo kinohela vayikho; kinootteelihamo ntoko eparatha*, aani ntoko eyuuma yoorikaxa. Awosa animwiitthana Nsinanaka ni Miyo kinoowaakhula, keeraka: ‘Awosa ti mulokwaaka’ ni awosa animweera: ‘Yave ti Mulukwaahu.’”

Matheyo 16:17

Yeesu aamwaakhula: “Ooreelihiwa ti nyuwo Simeyoni, mwaana a Yoonasi, niwoko yeeyo khamuleeliwe ni mutthu, mene ni Atithaka ari wiirimu.

Matheyo 26:56

Sootheenetho iya seereiye weera ekwaniheriwe Yoolempwa* ya maprofeeti.” Vano oohusera ootheene yaamuhiya ni yaatthawa.

Yohaane 15:2

Murai wootheene oreene mwa Miyo ohiimaka, Atiithi anoothikila ni wootheene oniima, Awo anooreherera weera wiimaxeke.

Yohaane 20:25

Oohusera akina yaamweerela: “Nowoona Apwiya!” Mene owo aaweerela: “Miyo kaahoona ineneero sa misomaari mmatatanimwaya, kaahivoleiha ekathaaka mwemmo saaraaya misomaari ni kaahivoleiha ntatanaka mpararinimwaya, nkinroromela.”

Miteko 13:13

Pawulo ni yaawo yaamuhoonle, yaavenya oPafo ni yaalapuwa munikulani erowaka oPerge oPanfiliya. Weiwo, Yohaane aahaahiya yaawo ni aahokoleela oYerusaleemu.

Deuteronomiyo 8:16

anoocihasani emana* munikareni, mwa yeeyo yahaasuwenlaaya makholowaanyu. Aapaka yeeyo weera ooyevihaseni awootakani murima, eerelaka sootheene siweettelaseni nnene.

Yakobe 1:2

Axunnaka, muupuwelele weera ti ohakalala otokotoko nyuwo mwaaviraka ngweereriwani woohiyanahiyana,

Ethupululo 14:15

Vano ndyelo mukina aakhuma wa Empa ya Muluku aamukhuwelela ni nsu ntokotoko Yoole aakilaathiye munihutteni, eeraka: “Mukuxe ecikwaakhwaanyu ni muhephe, niwoko ehuhu ya ohepha yoophiya, ni soohepha sa mweelaponi sohiitthwa.

Ethupululo 17:17

niwoko Muluku oohela mmurimanimwaya ohaawela opaka yeeyo ontthunaawe, aakhulelaka ovaha enama ele ikuru iyo sirinaaya weera elamule mpaka ekwaniheriwe masu a Muluku.

Ethupululo 2:10

Muhoove wa itthu muneeraanyu muhaawe. Miyo kinooleelani: Diyabu* anaavonyere akina a nyuwo mukaliposo weera aweerereni, ni nyuwo mmwihaawe osoondiwa woomalaka mahuku muloko. Mukhale oororomeleya mpaka okhwa ni Miyo nkoovaheeni ecireemba ya okumi.

Ethupululo 7:14

Miyo kaamwaakhula: “Apwiya nyuwo moosuwela.” Mutokweene ole eenre: “Awo ari yaawo avinre moosoondiwani otokotoko ni yaakattha mikaandyosaya ni yaatteeliha iyo mwa ephome ya Eputtiputthi.