aFilipi 4:3 - Emakhuwa Bible

³ Aani miyo kinoovekelani nyuwo mukhwaaka oororomeleya weera mwaakhavihere, niwoko awo aawana vamoha ni miyo niwoko na masu ooreeraxa vamohatho ni Klemente ni anamitekwaaka akina. Masinaaya ari mulivuruni ya okumi.

aFilipi 4:3 Cross References

Icipo 69:28

Awosa evenxiweke mulivuruni ya okumi, ehaalikeleliwe vamoha ni oororomeleya.

Okhuma 32:32

Vanonto, dyoontte, mulevelele yootthekaaya. Mwaahilevelela, mucipihe nsinanaka mulempaanyu mulivurinimwanyu.”

Yesaya 4:3

Yaale eneera ehale oSiyoni, enakhala oYerusaleemu animwiitthaniwa ootteela: ootheene alepeliwe weera emake oYerusaleemu.

Ezekiyeli 13:9

Ntatanaka nnimwaawanano maprofeeti arino nyoonelo soolokottha ehimaka sootthoma soowootha. Awosa kheekhalela mpatta wa muthukumano wa mulokwaaka, naari khayaalikeleliwa munamalepelani a oYixrayeli, hata kheevolowa mulaponi mwa oYixrayeli. Hiiho, nyuwosa munoosuwela weera Miyo ti Yave onlamula sootheene.

Daniyeli 12:1

“Mweehuhuni yeeyo Mikayeli, Namwaakiha a mulokwaanyu onoovenya. Enookhala ehuhu ya othanana moota ohitonke wooniwa okhuma epacerero ya miloko mpaka ehuhuweene yeeyo. Vaheera ehuhu eyo mulokwaanyu – ootheene masinaaya alempwale mulivuruni – onoovuluxiwa.

Luuka 10:20

Wa soothesene, muhihakalale niwoko minepa soonanara sinoowiiwelelani, mene muhakalale niwoko masinaanyu aalempwa wiirimu.”

aRooma 12:1

Tivawo axunnaka, kinoodyoonttelelani niwoko na ikharari sa Muluku, weera mwiileve ntoko yooveleela ya okumi, yootteela ni yoomusiveliha Muluku, niwoko wu ti omurumeelawanyu Muluku woowaakhuleleya.

aRooma 16:12

Mmuulumihe Trifana ni Trifosa, asithiyana amvara muteko woovihaxa mwa Apwiya. Mmuulumihe Persida oosiveleya, mukina ovanre muteko woovihaxa mwa Apwiya.

aRooma 16:9

Mmuulumihe Urbano, ori namuteko vamoha ni miyo mwa Apwiya, ni munnaka oosiveleya Staki.

aFilipi 1:12

Kintthuna weera musuwele, axunnaka, weera yeeyo yaakikhumelenle, yookhavihera opwahereriha masu ooreeraxa.

aFilipi 1:16

Ookisera anlaleiya ni osivela esuwelaka weera miyo kinkhala va kaakihaka masu ooreeraxa.

aFilipi 1:27

Yookhala etthu emoha paahi yoopwattha: mweettelowaanyu okhale moota woophwanelela masu ooreeraxa a Kristu. Hiiho, hata miyo karowa ni kiwoonakani, hata kiiwa paahi sa nyuwo kihikhalakawo, kisuwele weera nyuwo mukhale oolipa mwa munepa mmoha paahi, ngwanaka ni murima mmoharu niwoko na nroromelo na masu ooreeraxa,

aFilipi 1:5

niwoko na wiiwananawanyu ni masu ooreeraxa, okhuma nihuku noopacera mpaka olelo.

aFilipi 1:7

Ti wooreera miyo koonaka hiiha sa nyuwo, woonaka weera nyuwo muri mmurimanimwaka, niwoko, hata kikhalaka moonyooroni, hata kikhalaka oowiixaakiha ni oolipihera masu ooreeraxa, ootheene nyuwo munkhala ni miyo mmahalani mwa Muluku.

aFilipi 4:2

Kinimdyoonttelela Ewodiya ni Sintikho weera yuupuwele etthu emoha mwa Apwiya.

aKolosi 1:7

Nyuwo mwaaxuttihiwa ni Epafra, mukhwiihu oosiveleya, murumeiyi oororomeleya a Kristu niwoko na nyuwo,

Ethupululo 13:8

Atthu ootheene ankhala elapo ya vathi eniilape enama ele, ootheene yaawo masinaaya khaalempwale okhuma ephattuwelo ya elapo mulivuruni ya okumi ya Eputtiputthi yiiviwe.

Ethupululo 17:8

Enama ele moonnaanyu yaari, vanotho kheehiyono, ni ehanle vakhaani okhuruwela ngwiixerani, erooke wooriheyani. Atthu a elapo ya vathi, mwa yaawo masinaaya ahilempwale mulivuruni ya okumi okhuma ephattuwelo ya elapo, eniitikhine yoonaka enama, niwoko eyo yaari, kheehiyono, nitho ehanle orwa.

Ethupululo 20:12

Kaawoonatho akhwiiye – asitokweene ni asikhaani – yeemenleene ohoolo wa ehice, ni ilivuru saahuleya. Elivuru ekina yaahuleya, elivuru ya okumi. Akhwiiye yaathorihiwa mwaha wa mitekosaya, ntoko saalempwale mulivuruni.

Ethupululo 20:15

Nsina na mukina nahaaphwanyiwe mulivuruni ya okumi, owo aavonyeriwa vantthiyani na mooro.

Ethupululo 21:27

Mwa yeeyo kheerwa evolowa etthu yoohitteela, hata mukina ompaka etthu yoowuuliha muru, naari yoolokottha, mene paahi yaawo masinaaya alempwale mulivuruni ya okumi ya Eputtiputthi.

Ethupululo 3:5

Namawina anaawaretho ikuwo sootteela. Nkirwa kicipiha nsinanawe mulivuruni ya okumi, mene nkimwaakhulele vamaithoni wa Atithaka ni andyelowaaya.