FILIPAI Midi umpang Pol wari Filipai amingga' yokiamgu' 2:14 - Anutuning midi totangka ingaʼni

¹⁴ Ka sidi iik a kanesi' ganang wa napa'ni mamareng ning kanga togurada tanga kabaksi' fama' guk mo' ira tinting, mokngang, sidi kafakafa sa' ira tinting.

FILIPAI Midi umpang Pol wari Filipai amingga' yokiamgu' 2:14 Cross References

MATYU Anutuning midi kareng Matyu wari yoku' 20:11

Ka adi uningkim u bema dabik ningsa' imota' u kanga aming girisi ka kane imota' waraga' kabaksi' kadagang nakngama arokngam tanga ning aninting,

MAK Anutuning midi kareng Mak wari yoku' 14:5

Wel kandang ka ning ya aming fam ga' ima uningkim mambong manggara tatafak aming arantagim u yotangkayabaro' wa karengsa' ning toging. Ning tanga taming u kafangani tiging.

MAK Anutuning midi kareng Mak wari yoku' 9:14

Ka Jisas guk ka arantagimni famineng guk adi kama bubo u kabinga afanga kadofinga anga arantagimni fam ibinga areging wara'ganang anga kadofiging. Anga kadofinga ning tanga yapking ka aming kabi'mo' wari bak girii tanga Juda ning sasuk aming fam wari Jisas ning arantagim guk arok fatiging.

LUK Anutuning midi kareng Luk wari yoku' 5:30

Ka Firisi guk ka adisining sasuk aming girisi fam guk wari Jisas wari aming kadagasi ka kadapmang didimeng mo' titisi wara'siguk nana kubap naging u yapma Jisas ning arantagimni u ning yangging, ai sidi aming kadagasi guk nana kubap ba mera faning. Indi aming kadagasi ka takis mamanggesi a aming ka sansaramik titisi adisigok nana kubap kabi'guk mo' natam.

Ap 15:2

Ka Pol ya Banabas ya adi midi ka waraga' bibi' naknga ning togumu', naktangka sigesa' tinting undu' girisa'. Ning tonga aming ka fuksi' giknim dudop ga' amanga yangging wara'siguk arok girii tiging. Ning tanga yong wara'ni naktangka aming arantagim bak wari midi mamareng ka u aranga tonga naknga tipdidima waraga' Pol ya Banabas ya guk ka naktangka aming fam guk ifakasireging, arantagim ka wari Jerusalem yong do aranga aposel arantagim guk ka aming girisi guk midi u tipdidima ga yangkareging.

Ap 15:39

Ning tanga Banabas guk arok tangkunang sini' tugumu'. Ning tanga tubo kidagang tanga dadawang ubu maunga Banabas adindu' midi itua kane tonga Jon Mak u nagira sip ganang aranga kama gwang bining ganang ka Saipras waraga' mugogumu'.

Ap 15:7

Midi u tonga anganga ning tanga Pita wari marara ning togu', o kuyane sidi kuma'sa' naking, tim Anutu wari aming fam indita' kane ka adining midi yangara itua waraga' u nimgu' ganang wa adi adining midi kareng aming arantagim nua'ni ga' anga ituaiminga naknga naktangka titi waraga' wa naga nipmigu'.

Ap 6:1

Ka Kasira Aming ning naktangka aming arantagim bak wari girii giranga giranga agu'. Ka wara'ganang Juda ning naktangka aming ka Grik midi toyaging wari naktangka aming arantagim ka Juda anasining Hibru midi u toyaging wara'guk barap kabi' tiging. Adi ning yangging, a sidi naktangka aming fam ka tatafak u yotangkayapma nana fasabaraiming wa sidi Grik indining tamkasa' yara'siga' guk mo' fasuking ning yangging.

ROM Midi umpang Pol wari Rom aming ga' yokiamgu' 12:18

Ka sidi aming fam guk kabaksi' kubaniksa' kufara iik wara'ning kadapmang u katua waraga'sa' tinting.

ROM Midi umpang Pol wari Rom aming ga' yokiamgu' 14:1

Ka aming ka naktangkani tangkunang guk mokngang wari naktangka aming arantagim sidining bining ganang abonga tinga wa sidi adining kadapmang fam wa kesini ning kanga arokngam guk mo' tinting. Mokngang sidi kafakafa sa' tanga sidining bining ganang u bema kami sa' tinting.

ROM Midi umpang Pol wari Rom aming ga' yokiamgu' 16:17

O kuyane na aming fam ka sidining bining ganang iking wari midi didimeng mo' ka Anutuning midi beng guk ka sidi kuma' naktangkaing u tipkadaga wara'ning ubu ma sanggekni' waraga' ning sangdidimotik, sidi aming ka midi kareng u tipfara tanga tonga naktangka aming ning bak kuguk kareng u udaima naktangkasi' ifakadagating wa sidi aming ka ningwara'siga' manda ukiamting.

1 Kor 10:10

Abanga adi kadapmang kadagang ka napa' ka Anutu wari kafakafa kuma' tiaminga adi a indi waraga' mo' nakem ning tonga igarang siamo' tiging, waraga' tanga Anutu wari adining ensel ka aming didipmi ning u anigareinga afanga dipmasasu'negu'. Ka sidindu' ningda'ning ma tini'.

2 Kor 12:20

Ka na sidi kadapmang didimengsa' titiga' siamo' nakitik, ka inga' na sidiganang u anga wa sidi kadapmang nua'ni ubu ma tinga sabok. Abanga sidindu' ningsa', sidi aming kusubang kareng ning ninap waraga'sa' naking, ka naga napa'ni tinga nua'ni ningda'ning ubu ma napni'. Ka na waraga' sura kabakna mamareng kabi' naknga ning torik, na sidiganang u anga wa sidi kadapmang kadagasi kuni' kuni' ka arok a aming nua'nining napa' kareng ga' kabaksi' kadagang ninak a barap a ganing fuka yotangka ga'sa' sasuk a yangkige a aming nua'ning wap tipkadaga a fuka bema ara ning kadapmang titi a sansaramik tiangara kadapmang kareng tipkadaga ning u ko ma tanga ikinga sabok.

GALESIA Midi umpang Pol wari Galesia amingga' yokiamgu' 5:15

Ka sidi kafakafa nakanting, sidi kabaksi'ganang kadapmang kareng ka ning u titi ningwara'guk mo' ira sidasa' kura' animbeng tanga kuyase ga' mamareng yamting wa kabaksi' kura' tipkadang tanga sidining bak u ma tipkadani'.

GALESIA Midi umpang Pol wari Galesia amingga' yokiamgu' 5:26

Ning tanga indi kadapmang ka fukni' bema aranga indisa' indi aming karesi ning tutugu ningda'ning wa mo' tantam. Abanga indi kadapmang fam ka kuyane ning kabaksi' ifikadaga a adisining kane a iiksi' kareng waraga' tanga sige yapgurada ning wa mo' tantam.

FILIPAI Midi umpang Pol wari Filipai amingga' yokiamgu' 2:3

Ka sidi kadapmang kareng wara'ning bining ganang wa sidi kadapmang ka gata'sa' sasuk a ganing wap bema ara a aming wari kareng gagap ningwara' u kabi'sini' guk mo' tinting, mokngang, sidi sidining kabaksi' bema afanga aming nua'nining kapmik ganang ikanting. Ning tanga sidi kadapmang ka aming nua'ni yotangka ga' sasuk wara'ning u tanga ikanting.

1 TESALONAIKA 5:13

Ning tanga sidi adisining kane ka sidi yotangkasap ga' titing waraga' sura adisita' siamo' naknga adisining midi u nakiam sa' tinting. Ning tanga naktangka aming dabiksa' sidi kabaksi' kubaniksa' kufara ikanting.

1 TESALONAIKA 5:15

A napa' girii nua'ni ka undu' ning sangtam, aming wari kadagang saramikinga wa sidi kura'bu guk mo' tiamting, mokngang, sidi fikifiki sasuk ka naktangka aming kuyase ning bining ganang a aming fam dabiksa' wara'siga' kadapmang karengsa' tiam waraga'sa' suktangkanga ira tinting.

HIBRU Midi umpang aming nua'ni wari Juda amingga' yokiamgu' 12:14

Sidi kadapmang ka aming guk kabaksi' dabiksa' iik wara'ning u yaranga ikanting. Ning tanga kadapmang kadagang kabi'guk mo' tanga didimengsa' ira au wara'ning sasuk guksa' ikanting. Beng guk sini' aming ka kadapmang ka napa' sansaramik kabi'guk mo' tota' adisa' Anutuganang anga gi' iro', wara' sidi waraga' sura sidining kadapmang u tipdidimanga ning tanga kadapmang kareng ka ningwara'sa' tanga ikanting.

Jems 1:20

Mokngang, kadapmang ka aming wari bane giptanga midi kagaya urapsa' tutugu wa Anutuning kane a kadapmang didimeng u tipkadofi ning guk mokngang.

Jems 3:14

A sidi a indi sasuk kareng guk giri ikem ning tonting, ka sidining kabaksi'ganang wa kadagang ka kuyase fam ga' nakadayam titi, a banaksi' gipta, a napa'napa' ka sidaning wap tipkadofi u titiga'sa' sasuk ningwara' u ko tanga ikanting wa sidi o indi sasuk aming karesi ning wa mandaga' giknanga sige tonting.

Jems 5:9

Ning tanga naktangka aming kuyase fam ga' kabaksi' kadagang naknga arokiam titining undu' mo' titing. Kama ka Anutu kigineng guk wari aming tagagarenip ning undu' kabi'sini' kuma' dudurera', ka kama wara'ning mamareng girii wari sidiganang ma kadofisamo' wara' sidi kuyase fam guk wa kafakafasa' tanga ikanting.

1 Pita 3:11

Ning tanga adi kadapmang kadagang ga' manda sini' ukngama kadapmang karengsa' ubu tanga irota'. Abanga adi kadapmang ka kaba kagaya ninakning u kabinga kadapmang ka kuyane famga' kaba kugurang kareng nakiam wara'ning unggungsa' yaranga tanga irota'.

1 Pita 4:9

Abanga naktangka aming kuyase fam wari sidining yak ganang u deronga abuinga wa sidi yapguruda mo' tinting, mokngang, sidi kafakafasa' tiapmanting.

JUT Midi umpang Jut wari yoku' 1:16

Aming arantagim ka wa napa' kareng ni tinga wa adi a kadagang ningsa' tuguting, abanga adi aming fam ning kadapmang u kanga undu' waraga' midi ararok siamo' titing. Nasi' kadapmang ka kabaksi' wari u titiga'sa' marakyabinga wa adi sasuksi' u yaranga titisa' titing. Ning tanga adi anasining fuksi' bema aranga anasining wap kareng wara'ning midi siamo' tonga yareting. Abanga adi aming dabiksa' wari kadapmang ka adi yareting unggungsa' yara waraga' yanggagarenga fiareting.