СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 3:8 - У Сугынь

^8-9 Туге, мый чылажымат оккӱллан шотлем, вет Христос Иисусым, мыйын Господьым, палымаш мылам чыла моло деч утларак чапле. Тудлан кӧра мый чылажымат кудалтенам. Христосым шкаланем муын налаш да Тудын дене тӱрыснек ушнен шогаш манын, мый чылажымат йӧрдымылан шотлем. Тыге мый шкаланем кӧра, законым шуктымо дене огыл, а Христослан ӱшаныме дене чын ыштышыш лектам. Тыгай чын ыштымаш ӱшанымылан кӧра Юмо деч лиеш.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 3:8 Cross References

Лк 1:43

Мый декем Господемын Аваже толын. Кушеч мылам тыгай пиал!

Лк 11:20

А Мый Юмын кидше дене иям поктен луктам гын, тыгеже Юмын Кугыжаныш тендан деке ынде шуын.

Ин 14:20

Тудо кечын те умыледа: Мый Ачам дене ушнен шогем, те Мый денем ушнен шогеда, а Мый тендан дене ушнен шогем.

Ин 14:7

Те Мыйым паледа ыле гын, Ачамат паледа ыле. Тиде жап гыч те Тудым паледа, Тудым ужында».

Ин 16:3

Ачамат, Мыйымат огыт пале, садлан нуно тыге ыштат.

Ин 17:3

А курымашлык илыш – тиде Тыйым, ик чын Юмым, да Тыйын колтымо Иисус Христосым палымаш.

Ин 17:8

Мо ойлышашым Мылам пуэнат, чыла нунылан каласкаленам, тидым нуно порын вашлийыныт, Тый дечет толынам манын, нуно чынжымак умылат, да Мыйым Тыйын колтымылан ӱшанат.

Ин 20:13

Нуно йодыныт: «Ӱдырамаш, тый молан шортат?» Тудыжо вашештен: «Мыйын Господем наҥгаеныт, да кушко Тудым пыштеныт, мый ом пале».

Ин 20:28

Фома вашештен: «Мыйын Господем да мыйын Юмем!»

Ап.паш 20:24

Туге гынат мый шке илышем шкаланем шергаканлан ом шотло. Эн ондак шке пашам – Господь Иисусын мылам ӱшанен пуымо служитлыме пашам – куанен вораҥдарынем: Юмын порылыкшо нерген Поро Уверым каласкалымым шуктынем.

РИМЛЯН-ВЛАКЛАН 8:18

Мый ӱшанем: мемнан илышыште почылтшаш чап дене таҥастарена гын, кызытсе жапыште орланыме – нимо.

1 Кор 2:2

Вет тендан дене лиймем годым мый Иисус Христос, пудален сакыме Иисус Христос, деч молым нимом палаш огыл манын шонен пыштенам.

1 Кор 9:10

Але тыгай мут мемнан верч огыл? Тидым мемнан верч возымо, вет вучымым налаш ӱшанен, куралше куралшаш, шийше шийшаш.

2 Кор 4:4

Нине ӱшаныдыме-влакын ушыштым тиде курымысо юмо сокырым ыштен. Тыгеракын, Христосын чапше нерген каласкалыше Поро Уверын волгыдыжо нунылан ок йолгалт. Христосшо – [ужаш лийдыме] Юмын тӱсшӧ.

2 Кор 4:6

Пычкемыш гыч волгыдылан йолгалташ кӱштышӧ Юмо шӱмышкына волгыдым пуэн. Тыге Юмын чапшым – Иисус Христосын чурийже гоч йолгалтше чапшым – палымаш мемнам волгалтара.

Еф 4:13

Тыгеракын, пытартышлан ме чылан ӱшанымаште да Юмын Эргыжым палымаште иктылыкыш шуына, кушкын шушо, Христосын тичмашлыкше дене келшыше кӱкшытыш шушо лийына.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 1:1

Иисус Христосын Павел ден Тимофей тарзыже-влак деч Христос Иисус дене ушнен шогышо, Филиппыште улшо чыла святой-влаклан, тыгак епископ ден диакон-влаклан.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 3:10

Мый Христосым да Тудын ылыжмыжын куатшым палынем, Тудын орланымашкыже ушнынем да Тудын колымыж дене Тудын гай лийнем.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 3:12

Мый кушко кайышаш улам, тушко шуынам але тичмашлыкыш толынам манын ом ойло, но, кузе Христос Иисус мый декем шуын, тугак, шуаш тыршен, вийым пыштен, ончыко каем.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 3:7

Но мо мыланем сеҥымаш лийын, тидым Христослан кӧра йомдарымашлан шотлем.

2 Тим 4:6

Вет мыйым надырлан пуаш жап шуын, кайышаш шагатем лишемын.

СВЯТОЙ АПОСТОЛ ПАВЕЛЫН ЕВРЕЙ-ВЛАКЛАН КОЛТЫМО СЕРЫШЫЖЕ 3:14

Вет ме тӱҥалтыш ӱшанымашым мучаш марте пеҥгыдын арален кодена гын веле, Христос дене ушнен шогена.

1 Петр 2:7

Тугеже, тыланда, ӱшаныше-влаклан, тиде кӱ шергакан, а ӱшаныдыме-влаклан тудо – «чоҥышо-влакын йӧрдымыш лукмо, но пусакын негызше лийше кӱ», нунылан тудо – «шӱртньымӧ кӱ, алгаштаралтме кӱ».

2 Петр 1:2

Юмо ден Господьна Христос Иисусым палыме гоч тек тыланда порылык да тыныслык шукемыт.

2 Петр 1:3

Мемнам шке чапше да моткоч кугу порылыкшо дене Ӱжшым палыме гоч Тудын пылпомышсо кӱдыратле куатше илышлан да Юмым пагален илымылан чыла кӱлешым мыланна пӧлеклен.

2 Петр 1:8

Чыла тиде тендан уло да шукем шога гын, тугеже мемнан Господьна Иисус Христосым палымаште пашадыме огыда лий да саска деч посна огыда код.

2 Петр 3:18

Мемнан Господьна да Утарышына Иисус Христосын порылыкыштыжо да Тудым пален шогымаште кушкын толза. Тудлан кызытат, курым-курымаш кечынат эре чап лийже! Аминь.

1 Ин 1:3

Теат мемнан дене ушнен шогыза манын, мом ме ужынна да колынна, тыланда увертарена. А ме Ача дене да Тудын Эргыже Иисус Христос дене ушнен шогена.

1 Ин 2:19

Нуно мемнан кокла гыч лектыныт, но мемнан лийын огытыл. Нуно мемнан лийыт ыле гын, мемнан дене кодыт ыле. Но чылан огыл мемнан улыт. Тиде палыме лийже манын, нуно лектыныт.

1 Ин 5:20

А тыгак палена: Юмын Эрге толын да мыланна чын Юмым пален налашлан [волгыдым да] шонен моштымашым пуэн, да ме Тудын дене да Иисус Христос Эргыж дене ушнен илена. Тудо чын Юмо да курымашлык илыш.