СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 3:6 - У Сугынь

⁶ Юмын Черкым поктылмо марте тыршыше лийынам, законым шуктымо гыч лекше чын ыштымаш шотышто – шылталаш лийдыме айдеме.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 3:6 Cross References

Мф 23:25

Ойго тыланда, закон туныктышо ден фарисей-влак, сайла кояш тӧчышӧ-влак! Те корка ден кӱмыжын тӱжвал могыржым эрыктеда, туге гынат кӧргышт агымаш да чын огыл денак темын.

Мф 5:20

Тыланда ойлем: Юмын эрыкшым закон туныктышо ден фарисей-влак деч утларак ӱшанлын шуктен огыда шого гын, те Пылпомыш Кугыжанышыш пурен огыда керт.

Лк 1:6

Нуно коктынат Юмын ончылно чын ыштыше лийыныт, Господьын уло кӱштымыж да шӱдымыж почеш шылталаш лийдымын иленыт.

Ап.паш 21:20

Тудын ойлымыжым колыштмеке, нуно Юмым моктеныт да Павеллан ойленыт: «Ужат, иза, иудей коклаште ӱшанаш тӱҥалше-влак тӱжем дене улыт, нуно чыланат иудей закон верч тыршен шогат.

Ап.паш 22:5

Тидын нерген архиерей да калык кугурак-влак чылан таныклен ойлен кертыт. Мый Дамаскыште илыше иудей иза-шольына-влаклан серыш-шамычымат нунын дечак налынам, тусо-влакымат руалташ да, пидын, Иерусалимыш мут кучаш кондаш манын, тушко каенам.

Ап.паш 26:5

Мый фарисей лийынам да мемнан ӱшанымашнан эн пеҥгыде туныктымыж почеш иленам. Мыйым шукертсек палат; шонат гын, нуно тидым таныклен кертыт.

Ап.паш 8:3

А Савл черкым индырен, пӧрт гыч пӧртыш коштын, пӧръеҥ ден ӱдырамаш-влакым шӱдырен наҥгаен да казаматыш петырыктен.

РИМЛЯН-ВЛАКЛАН 7:9

Мый ондакше закон деч посна иленам‚ но кунам законысо кӱштымаш пуалтын‚ язык ылыжын‚

1 Кор 10:32

Иудей-влакланат, эллин-влакланат, Юмын черкыжланат шӱртняш амалым ида пу.

1 Кор 15:9

Мый Апостол-влак кокла гыч эн изиже улам да Апостол маналташ ом йӧрӧ, вет Юмын черкыжым поктылынам.