СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 3:2 - У Сугынь

² Пий-влак деч, осал пашаче-влак деч шекланыза, пӱчкедыше-влак деч шекланыза.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 3:2 Cross References

Мф 24:10

Тунам шукышт кораҥыт, икте-весым кучыктен пуаш тӱҥалыт, икте-весым ужмышудымо лийыт.

Мф 7:15

Шояк пророк-влак деч шекланыза. Нуно тендан деке шорык коваштым чиен толыт, а кӧргыштышт опкын пире улыт.

Мф 7:6

Нимо святойым пий-влаклан ида пу, сӧсна-влак ончыко ракывотшердам ида кышке, уке гын, тудым йолышт дене тошкат, ӱмбакыда кержалтын, тендам пурын кӱрыштыт.

РИМЛЯН-ВЛАКЛАН 2:28

Тудо огыл иудей‚ кӧ тӱжвач ончымаште иудей‚ пӱчмашат тудо огыл, мо капыште коеш‚

2 Кор 11:13

Тыгай-влак шояк апостол, Христосын Апостолжо улына манын ӱшандарыше чоя пашаеҥ улыт.

ГАЛАТ-ВЛАКЛАН 5:13

Те, иза-шольо-влак, эрыкыш ӱжмӧ улыда. Но эрыкда кап ден чонын йодмыштлан йӧным ынже ыште, а икте-весыланда йӧратен полышкалыза.

ГАЛАТ-ВЛАКЛАН 5:15

А икте-весыдам пурыда да кочкыда гын, ваш-ваш пытарыме деч шекланыза.

ГАЛАТ-ВЛАКЛАН 5:6

Ме Христос Иисус дене ушнен шогена гын, мыланна пӱчмӧ йӱлам эртарыме але уке – садиктак, йӧратымаш гоч саскам пуышо ӱшанымаш гына кӱлешан.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 3:19

Нунын мучашышт – пытымаш, нунын юмышт – кочмаш-йӱмаш, а чапышт – намысан койыш. Нуно мланде ӱмбалсе нерген шонат.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 3:3

Ме, шӱлыш дене Юмылан служитлыше, Христос Иисус дене кугешныше да каплан огыл ӱшаным пыштыше-влак, чынжымак пӱчман улына.

1 Тим 1:19

ӱшанымаште шого, поро совестьым кучо. Икмынярышт совестьыштым колыштмым чарненыт, да нунын ӱшанымашышт кӱ ӱмбаке логалше корабль семын шаланен.

СВЯТОЙ АПОСТОЛ ПАВЕЛЫН ТИТЛАН КОЛТЫМО СЕРЫШЫЖЕ 1:16

Нуно Юмым палена маныт, но пашашт дене Юмым палыдымыштым ончыктат, йырнык да мут колыштдымо, нимогай порым ыштен моштыдымо улыт.

2 Петр 2:22

Нунын дене чын калыкмутышто ойлымо семын лийын: «Пий шке укшинчышыж деке пӧртылеш», да «Мушмо сӧсна лавыраште пӧрдалеш».

СВЯТОЙ АПОСТОЛ ИУДАН УЛО ЧЕРКЫЛАН КОЛТЫМО СЕРЫШЫЖЕ 1:4

Вет шукертак судлан палемдыме да Юмым пагалыдыме еҥ-влак коклашкыда шолып пуреныт. Нунышт мемнан Юмынан порылыкшым пужлен илаш йӧным пуышо амалыш савырат, Юмо – ик шкет Кугыжа – да мемнан Иисус Христос Господьна деч кораҥыт.

Почм 2:9

Тыйын пашатым, орлыкетым, йорлылыкетым палем – туге гынат тый поян улат. Шкеныштым иудей манше-влакын тыйым кузе вурсымыштым палем, а нуно иудей огытыл, сатанан тӱшкаже улыт.

Почм 21:8

Но лӱдшӧ, ӱшанымаш деч кораҥше, шакше, еҥым пуштшо, яжарланыше ден юзо-влакын, шояк юмылан кумалше-влакын да чыла шоячын ужашышт – йӱлышӧ кишан ер. Тиде – кокымшо колымаш».

Почм 22:15

А пий да юзо-влак, яжарланыше, еҥым пуштшо, шояк юмылан кумалше-влак, шоям йӧратыше да тудым ыштыше-влак чылан тӱжвалан кодыт.

Почм 3:9

Теве Мый тыланет сатанан тӱшкаж гыч шкеныштым иудей манын лӱмдышӧ-влакым пуэм – но нуно иудей огытыл, а шойыштыт веле. Нуным тыге ыштыктем: нуно толыт, тыйын йол воктекет кумык возыт да тыйым йӧратымем пален налыт.