СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 3:10 - У Сугынь

¹⁰ Мый Христосым да Тудын ылыжмыжын куатшым палынем, Тудын орланымашкыже ушнынем да Тудын колымыж дене Тудын гай лийнем.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 3:10 Cross References

Мф 20:23

Иисус нунылан ойлен: «Мыйын йӱшаш чаше гыч теат йӱаш тӱҥалыда, Мыйын тынеш пурымем семын теат тынеш пуреда, но воктекем пурла але шола велыш шындаш Мый дечем огыл, а Ачам нине верым кӧлан ямдылен, нунын лийыт».

Ин 10:18

Мый дечем илышым нигӧ ок нал, Мый тудым Шке пуэм. Тудым пуаш властем уло, тудым мӧҥгеш налашат властем уло. Ачам Мылам тыге ышташ кӱштен».

Ин 17:3

А курымашлык илыш – тиде Тыйым, ик чын Юмым, да Тыйын колтымо Иисус Христосым палымаш.

РИМЛЯН-ВЛАКЛАН 8:17

Шочшыжо улына гын‚ тугеже тыгак наследник улына‚ Христос дене пырля Юмын наследникше улына. Ме Христос дене пырля орланена гын‚ Тудын дене пырля чапышкыжат шуына.

РИМЛЯН-ВЛАКЛАН 8:29

Эргыже шуко иза-шольо коклаште икымше шочшо лийже манын, ончылгоч пален налме еҥже-влакым Юмо Шкенжын Эргыж гай лияш ончылгоч палемден.

РИМЛЯН-ВЛАКЛАН 8:36

Тыге возымо: «Тылат верч мемнам кече мучко пуштедат‚ шӱшкылшаш шорыклан шотлат».

2 Кор 1:10

Юмо тыгай колымаш лӱдыкшӧ гыч мемнам утарен да утара. Теат мемнан верч кумалмыда дене мыланна полшеда гын, Тудо мемнам ончыкыжымат утараш тӱҥалеш манын, ме Тудлан ӱшаннам пыштенна. Тыгеже шуко еҥын кумалмыштлан кӧра мыланна ыштыме порылык верч Юмылан шукын таум ыштат.

2 Кор 1:5

Кузе Христосын орланымыже мыланна шукемеш, тугак лыпландарымашат Христос гоч мыланна шукемеш.

2 Кор 13:4

Вет Тудо вийдымылыкыште ыресеш пудалыме лийын гынат, Юмын куатше дене ила. Меат Христос дене ушнымаште вийдыме улына, но Христос дене пырля Юмын куатше дене тыланда илена.

ГАЛАТ-ВЛАКЛАН 2:20

да ынде мый огыл илем, а, мый денем ушнен, Христос ила. А кызыт капыште илымем годым мыйым йӧратыше да мыйын верч Шкенжым пуышо Юмын Эргылан ӱшанен илем.

ГАЛАТ-ВЛАКЛАН 6:17

Ончыкыжым тек мыланем нигӧ нелым ок ыште, вет мый Господь Иисусын сусыржым шке капыштем нумалам.

Еф 4:13

Тыгеракын, пытартышлан ме чылан ӱшанымаште да Юмын Эргыжым палымаште иктылыкыш шуына, кушкын шушо, Христосын тичмашлыкше дене келшыше кӱкшытыш шушо лийына.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 3:8

Туге, мый чылажымат оккӱллан шотлем, вет Христос Иисусым, мыйын Господьым, палымаш мылам чыла моло деч утларак чапле. Тудлан кӧра мый чылажымат кудалтенам. Христосым шкаланем муын налаш да Тудын дене тӱрыснек ушнен шогаш манын, мый чылажымат йӧрдымылан шотлем. Тыге мый шкаланем кӧра, законым шуктымо дене огыл, а Христослан ӱшаныме дене чын ыштышыш лектам. Тыгай чын ыштымаш ӱшанымылан кӧра Юмо деч лиеш.

СВЯТОЙ АПОСТОЛ ПАВЕЛЫН КОЛОССЯН-ВЛАКЛАН КОЛТЫМО СЕРЫШЫЖЕ 1:24

Тендан верч орланымемлан ынде куанем. Христосын йӧсланымаштыже мо але ок сите, тудым мый шке капем дене Тудын Капше верч темем, а Тудын Капше – Черке.

СВЯТОЙ АПОСТОЛ ПАВЕЛЫН КОЛОССЯН-ВЛАКЛАН КОЛТЫМО СЕРЫШЫЖЕ 2:13

Тендам, ондакшым сулыкланда да пӱчдымӧ улмыланда колышо-влакым, Христос дене пырля Юмо илышым ыштен. Тудо мемнан чыла сулыкнам касарен,

СВЯТОЙ АПОСТОЛ ПАВЕЛЫН КОЛОССЯН-ВЛАКЛАН КОЛТЫМО СЕРЫШЫЖЕ 3:1

Те Христос дене пырля ылыжында гын, тугеже кӱшылсым кычалза. Тушто Юмын пурла могырыштыжо Христос шинча.

1 Петр 1:3

Мемнан Господьна Иисус Христосын Юмыжо да Ачаже моктымо лийже! Иисус Христосын колымаш гыч ылыжмыж гоч Тудо мемнам Шкенжын кугу порылыкшо дене илыше ӱшанен вучымашке шочыктен,

2 Петр 1:13

А тиде капыште эше кунар лиям, тендам шарныктымаш дене помыжалтарымым чынлан шотлем.

1 Ин 2:3

А Юмым пален налмынам ме теве кушеч ужына: Тудын кӱштымыжым шуктена гын, Тудым палена.

1 Ин 2:5

А кӧ Юмын шомакшым шукта, тудын шӱмыштыжӧ Юмын йӧратымыже чынжымак тичмашлыкыш шуын. Юмо дене ушнен шогымынам ме тышечын палена.

Почм 1:18

да Илыше улам; Мый колышо лийынам, а теве Мый курым-курымеш илыше улам, аминь, да колымаш ден тамыкын сравочышт Мый денем.