СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 2:9 - У Сугынь

⁹ Садлан Юмо Тудым кӱшкӧ нӧлтен, чыла лӱм дечат кӱшнӧ шогышо лӱмым пуэн.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 2:9 Cross References

Мф 11:27

Ачам чыла Мыйын кидышкем пуэн. Эргым Ача деч моло нигӧ ок пале, Ачамат Эрге да кӧлан Эрге палдарынеже, нунын деч моло нигӧ ок пале.

Мф 28:18

Иисус нунын деке лишемын да каласен: «Мылам пылпомышто да мландӱмбалне пӱтынь власть пуалтын.

Лк 10:22

Тунемшыж-влак деке савырнен, Тудо ойлен: «Ачам Мылам чыла пуэн. Эрге кӧ улмым Ача деч моло нигӧ ок пале, Ача кӧ улмым Эрге да кӧлан Эрге почаш шона, тудын деч моло нигӧ ок пале».

Ин 13:3

Иисус пален: Ача Тудын кидыш чылажымат пуэн, Тудо Юмо дечын толын да ынде Юмо декак кая.

Ин 17:11

Тылеч вара Мый тӱняште омыл, Тый декет мием, а нуно тӱняште кодыт. Святой Ачай! Кузе Ме икте улына, нунат тугак икте лийышт манын, Мылам пуымет-влакым шке лӱмешет арален кодо.

Ин 17:12

Тӱняште нунын дене лиймем годым Мылам пуымет-влакым лӱмешет Мый араленам да сакленам: Возымаш шукталтше манын кӧ йомшаш улмаш, тудак веле пытен, моло нигӧ йомын огыл.

Ин 17:5

Тӱня тӱҥалме деч ончыч Тый денет Мыйын могай чапем лийын, ынде тудо чап денак Тый, Ачай, Мыйым Шке ончылнет чапландаре.

Ап.паш 5:31

Израиль калыкым Шке велкыже савыраш да тудын языкшым кудалташ манын, Юмо Иисусым Вуйлатышылан да Утарышылан шогалтен да пурла кидше дене нӧлталын.

Еф 1:10

Жап тичмашлыкышкыже шумеке, Юмо тидым шукта: пылпомыштат, мланде ӱмбалнат чылажымат, Христосын кид йымакыже пуэн, уша.

СВЯТОЙ АПОСТОЛ ПАВЕЛЫН КОЛОССЯН-ВЛАКЛАН КОЛТЫМО СЕРЫШЫЖЕ 1:18

Тудо – капын, вес семынже Черкын, вуйжо. Тудо – тӱҥалтыш. Чыла шотыштат икымше лийже манын, колымаш гыч ылыжше кокла гыч эн ончычсо.

2 Фес 1:12

Мемнан Господьна Иисус Христосын лӱмжӧ тендан гоч чапланыже, мемнан Юмынан да Господь Иисус Христосын порылыкшо дене тыландат Тудын гоч чап лийже манын, ме кумалына.

СВЯТОЙ АПОСТОЛ ПАВЕЛЫН ЕВРЕЙ-ВЛАКЛАН КОЛТЫМО СЕРЫШЫЖЕ 1:4

Налме лӱмжӧ Суксо-влакын лӱмышт деч кунар кӱшнӧ, Суксо деч Тудо тунарак кугу лийын.

СВЯТОЙ АПОСТОЛ ПАВЕЛЫН ЕВРЕЙ-ВЛАКЛАН КОЛТЫМО СЕРЫШЫЖЕ 1:9

Тый чын ыштымым йӧратенат, закондымылыкым ужмышудымо лийынат. Сандене, Юмо, Юмет Тыйым куан ӱй дене пеленет улшо-влак деч утларак шӱрен».

СВЯТОЙ АПОСТОЛ ПАВЕЛЫН ЕВРЕЙ-ВЛАКЛАН КОЛТЫМО СЕРЫШЫЖЕ 12:2

ӱшанымынам шочыктышо да тичмашлыкыш шуктышо Иисус ӱмбаке ончышаш улына. Намысым шотлыде, Тудым вучышо куан олмеш ыресым чытен лектын да Юмын престолжын пурла велышкыже шинчын.

СВЯТОЙ АПОСТОЛ ПАВЕЛЫН ЕВРЕЙ-ВЛАКЛАН КОЛТЫМО СЕРЫШЫЖЕ 2:9

Но Суксо-влак деч изиш ӱлыкрак Волтымым, Иисусым, ме ынде колымашым чытымыжлан кӧра чап да пагалымаш дене леведмым ужына, вет Юмын порылыкшо дене Тудо чыла еҥ верч колышаш улмаш.

1 Петр 3:22

Христос пылпомышыш кӱзен да Юмын пурла могырыштыжо шинча. Суксо, власть да вий-влак Тудын кидше йымалне улыт.

2 Петр 1:17

Тудлан пеш кугу чап деч «Тиде Мыйын йӧратыме Эргым, Тудын дене Мыйын поро кумылем» манын каласыме йӱк шоктымо годым Тудыжо Юмо Ача деч пагалымашым да чапым налын.

3 Ин 1:7

Вет Юмым палыдыме-влак деч нимом налде, нуно Христосын лӱмжылан кӧра корнышко лектыныт.

Почм 11:15

Шымше Суксо пучым пуалтен. Тунам пылпомышто шуко йӱк йоҥгалтын, нуно виян ойленыт: «Тӱня кугыжаныш мемнан Господьнан да Тудын Христосшын лие! Тудо курым-курымеш кугыжаланаш тӱҥалеш».

Почм 19:16

Тудын вургемешыже да эрдешыже «Кугыжа-влакын Кугыжашт, господь-влакын Господьышт» манын возымо лӱм уло.

Почм 3:21

Сеҥышылан Мый пеленем престолышкем шинчаш эрыкым пуэм. Тугак Мыят сеҥенам да Ачам дене Тудын престолышкыжо шинчынам.

Почм 5:12

Нуно виян йӱк дене ойленыт: «Шӱшкылмӧ Пача вийымат, поянлыкымат, уш-акылымат, куатымат, чапымат, пагалымашымат, моктымашымат налаш йӧрышӧ».