СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 2:7 - У Сугынь

⁷ а Шкенжым Шке ӱлык шынден, тарзын тӱсшым налын, айдеме гай лийын, Тудым чылан айдеме тӱсаным ужыныт.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 2:7 Cross References

Мф 12:18

«Теве Мыйын ойырен налме Шочшем, Мыйын Йӧратымем, Тудын дене Мыйын поро кумылем. Мый Тудын ӱмбаке Шӱлышем пыштем, да Тудо порын судитлымем калык-влаклан увертара.

Мф 20:28

Айдеме Эргат Шкаланже тарзыланыкташ огыл, а тарзе лияш да, шуко айдемым тӱлен налаш манын, шке чонжым пуаш толын».

Мк 9:12

«Чын, – вашештен Иисус, – Илия ондак толеш да чылажымат тӧрлен ямдыла. А возымо семын Айдеме Эрге шуко орланышаш да ӱлык шындыме лийшаш.

Лк 22:27

Кӧжӧ кугурак: ӱстелтӧрыштӧ улшо але тудым ончышо? Ӱстелтӧрысӧ огыл мо? Но теве Мый тендан коклаште тарзе гай улам.

Ин 1:14

Шомак капаҥын да мемнан коклаште илен. Ме Тудын чапшым, Ачан Ик Шкет Эргыжын гай чапшым, ужынна. Тудо порылык да чын дене темын улмаш.

РИМЛЯН-ВЛАКЛАН 1:3

тидыже Тудын Эргыж нерген ойла‚ Тудыжо кап могырым – Давидын урлыкшо деч шочшо‚

РИМЛЯН-ВЛАКЛАН 15:3

Христосат шкаланже огыл йӧраш тыршен, а возымо семын «Тыйым вурсен ойлышо-влакын мыскылымышт Мыйын ӱмбакем возын».

РИМЛЯН-ВЛАКЛАН 15:8

Мый тыланда ойлем: Юмын чынжылан кӧра, ача-влаклан пуымо сӧрымаш-влакым пеҥгыдемдаш манын, Иисус Христос пӱчман-влаклан служитлыше лийын,

РИМЛЯН-ВЛАКЛАН 8:3

Айдемын кап ден чонжо начар улмылан кӧра мом закон ыштен кертын огыл‚ Юмо тудым ыштен: язык верч Тудо шке Эргыжым языкан айдеме гайым колтен да тиде айдеме кап дене языкым титаканыш луктын.

2 Кор 13:4

Вет Тудо вийдымылыкыште ыресеш пудалыме лийын гынат, Юмын куатше дене ила. Меат Христос дене ушнымаште вийдыме улына, но Христос дене пырля Юмын куатше дене тыланда илена.

2 Кор 8:9

Вет те мемнан Господьна Иисус Христосын порылыкшым паледа: те Тудын йорлылыкшо дене пойыза манын, Тудо, поян, тендан верч йорлештын.

ГАЛАТ-ВЛАКЛАН 4:4

но жап шке тичмашышкыже шумеке, Юмо [Ик Шкет] Эргыжым колтен. Закон йымалсе-влакым тӱлен налаш да мыланна Юмын икшыве лияш манын, Эргыже закон кид йымалне ӱдырамаш деч шочын.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 2:6

Тудо, чын Юмо улмыж ӱмбач, Юмо дене тӧр лияш тӧчен огыл,

СВЯТОЙ АПОСТОЛ ПАВЕЛЫН ЕВРЕЙ-ВЛАКЛАН КОЛТЫМО СЕРЫШЫЖЕ 12:2

ӱшанымынам шочыктышо да тичмашлыкыш шуктышо Иисус ӱмбаке ончышаш улына. Намысым шотлыде, Тудым вучышо куан олмеш ыресым чытен лектын да Юмын престолжын пурла велышкыже шинчын.

СВЯТОЙ АПОСТОЛ ПАВЕЛЫН ЕВРЕЙ-ВЛАКЛАН КОЛТЫМО СЕРЫШЫЖЕ 13:3

Казаматыш петырыме-влакым шарныза, пуйто нунын дене пырля теат петырымаште улыда. Орландарымым чытыше-влакым шарныза, пуйто теат капда дене орланеда.

СВЯТОЙ АПОСТОЛ ПАВЕЛЫН ЕВРЕЙ-ВЛАКЛАН КОЛТЫМО СЕРЫШЫЖЕ 4:15

Вет мемнан Архиерейна вийдымылыкнам чаманен кертеш: мемнан семынак Тудым чыла шотыштат тергыме, но языкдыме улмаш.