СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 2:3 - У Сугынь

³ Тавалымылан але чапланаш тыршымылан кӧра нимом ида ыште, а ӱҥышын икте-весым шке дечда кугураклан шотлыза.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 2:3 Cross References

Лк 18:14

Тыланда ойлем, фарисей огыл, а йозак погышо мӧҥгыжӧ чыныш лукмо пӧртылын. Вет шкенжым кӱшкӧ шындыше кеч-кӧат волтымо лиеш, а шкенжым ӱлыкӧ волтышо нӧлтымӧ лиеш».

РИМЛЯН-ВЛАКЛАН 12:10

Икте-весыдам иза-шольо семын ныжылгын йӧратыза‚ пагалымаште икте-весыдам ончылтыза.

РИМЛЯН-ВЛАКЛАН 13:13

кечывал кечысе семын шкенам сайын кучен илаш тӱҥалына‚ орен‚ аракам йӱын‚ яжарланен‚ аташланен‚ ӱчашен да кӧранен огына иле.

РИМЛЯН-ВЛАКЛАН 2:8

а шкаланже пайдам кычалшылан‚ чыным колыштдымо‚ но чын огылым колыштшылан кугу шыдым пуа.

1 Кор 15:9

Мый Апостол-влак кокла гыч эн изиже улам да Апостол маналташ ом йӧрӧ, вет Юмын черкыжым поктылынам.

1 Кор 3:3

те алят кап ден чон йодмо почеш илыше улыда. Тендан коклаште кӧранымаш, ӱчашымаш да келшыдымаш гын, кап ден чон йодмо почеш огыда иле мо, тӱнясе чыла айдеме семын огыл мо те ыштеда?

2 Кор 12:20

Мый лӱдам: мийымекем, могайым ынем уж, тугайым тендам ужам, теат мыйым тугайым ужыда, могайым ынеда уж. Келшыдымым, кӧранымым, шыдешкымым, ӱчашымым, еҥ ӱмбак ойлымым, коклазе лиймым, кугешнымым, шотдымылыкым ужам манын лӱдам.

ГАЛАТ-ВЛАКЛАН 5:15

А икте-весыдам пурыда да кочкыда гын, ваш-ваш пытарыме деч шекланыза.

ГАЛАТ-ВЛАКЛАН 5:26

Яра чапым кычалше, икте-весым сырыктыше, икте-весылан кӧраныше лийшаш огынал.

Еф 4:2

Эре ӱҥышӧ, тыматле да чытыше лийза, икте-весыдам йӧратен чытыза.

Еф 5:21

Юмо деч лӱдын, икте-весыдам колыштын илыза.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 2:14

Локтылалтше да пужлышо тукым коклаште те шылталаш амалдыме, яндар, Юмын титакдыме икшывыже лийза манын, чылажымат ӧпкелыде да кокыте шоныде ыштыза. Тыгай тукым коклаште те тӱняште шӱдыр семын йолгалтыда,

СВЯТОЙ АПОСТОЛ ПАВЕЛЫН КОЛОССЯН-ВЛАКЛАН КОЛТЫМО СЕРЫШЫЖЕ 3:12

Тыгеже, Юмын ойырен налме, святой да йӧратыме еҥ-влак семын, шӱм чаманымаш, порылык, ӱҥышылык, тыматле улмо, шуко чытыме дене вӱдылалтса.

СВЯТОЙ АПОСТОЛ ПАВЕЛЫН КОЛОССЯН-ВЛАКЛАН КОЛТЫМО СЕРЫШЫЖЕ 3:8

А ынде те чылажымат ӧрдыжкӧ кораҥдыза: шыдым, ажгынымым, еҥлан осалым шонымым, еҥ ӱмбаке ойлымым, умша гыч лекше шакше мутым.

1 Тим 6:4

тудо кугешна, нимом ок пале, но ӱчашыме да мут нерген тавалыме чер дене черланен, тидыж дечын пужлышо ушан, чыным йомдарыше еҥ-влак коклаште кӧранымаш, келшыдымаш, вурсен ойлымаш, осал йолам ыштымаш да ӱчашымаш лектыт. Тыгай еҥ-влак Юмым пагалыме дене пояш лиеш манын шонат. Нунын деч кораҥ.

1 Петр 3:8

Мучашлан, чылан икгай шонымашан, чаманыше, иза-шольо-влакым йӧратыше, поро шӱман, келшен илыше, ӱҥышӧ лийза.

1 Петр 5:5

Самырык-влакат, пресвитер-влакым колыштса. Чыланат, икте-весым колыштын, икте-весе деке тыматле шонымашан лийза, вет «Юмо кугешныше-влак ваштареш шога, а ӱҥышӧ-влаклан порылыкым пуа».