СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 1:5 - У Сугынь

⁵ вет те икымше кече гычак таче мартеат Поро Уверым шарымаште полшеда.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 1:5 Cross References

Ап.паш 2:42

Ӱшаныше-шамыч, Апостол-влакын туныктымыштым колыштын, изак-шӱжаракла иленыт, киндым тодылын кочкаш да кумалаш погыненыт.

РИМЛЯН-ВЛАКЛАН 11:17

Олив пушеҥгын южо укшыжо тодылмо улыт гын‚ тый‚ ир оливын укшыжо‚ тудын укш коклашкыже ушымо лийынат да вожшо ден вӱдшӧ дене пайдаланет гын‚

РИМЛЯН-ВЛАКЛАН 12:13

Кӱлешышт годым святой-влаклан полшыза‚ корныеҥ-влакым кумылын ончыза.

РИМЛЯН-ВЛАКЛАН 15:26

Македоний ден Ахаийысе черке-влак Иерусалимыште илыше святой-влак кокласе йорло-влаклан полышым погаш сайлан шотленыт.

1 Кор 1:9

Шке Эргыж деке, мемнан Господь Иисус Христос деке, ушнымашке тендам ӱжшӧ Юмо – ӱшанле.

2 Кор 8:1

Иза-шольо-влак, Македонийысе черке-влаклан Юмо могай порылыкым ыштыме нерген тыланда увертарена.

Еф 3:6

А тайныже теве тыште: чын Юмым палыдыме-влак Поро Увер гоч иудей-влак дене пырля наследник да ик капын ужашыже лийшаш улыт, сӧрымым нунат Христос Иисус дене ушнымаште налыт.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 1:12

Иза-шольо-влак, палыза шонем: мо мый денем лийын гын, Поро Уверлан пайдам конден.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 1:16

икымшышт ару огыл чон дене, шкалан пайдам кычалмылан кӧра Христос нерген увертарат, тидын дене мылам петырен шинчымаште нелылыкым ыштынешт,

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 1:27

Ончыза, Христосын Поро Увержылан йӧрышӧ илыш дене илыза. Мый тендам ужаш мием але тендан деч тораште лиям, те ик шӱлыш дене икоян улыда да Евангелиеш негызлалтше ӱшанымаш верч пеҥгыдын шогеда манын колнем.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 1:7

Чыланда нерген мыйын тыге шонымем чын. Те шӱмыштем улыда. Петырымаште лиям але Поро Уверым арален ойлем, але тудын верч ӱшандарен каласкалем, чылан мый денем пырля Юмын порылыкыштыжо улыда.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 2:12

Тыгеракын, йӧратыме иза-шольым-влак, тендан дене лиймем годым кузе мыйым эре колыштында, ынде тендан деч тораште улмем годым эшеат утларак колыштса: шкендан утаралтмашдам лӱдын да тыршен шуктыза.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 2:22

А Тимофейлан ӱшанаш лиеш манын, те паледа: Поро Уверлан тудо мый денем ачаж дене эрге пырля ыштыме семын ыштен.

СВЯТОЙ АПОСТОЛ ПАВЕЛЫН ФИЛИППЫШТЕ ИЛЫШЕ-ВЛАКЛАН КОЛТЫМО СЕРЫШЫЖЕ 4:3

Туге, тыйымат йодам, пашаште ӱшанле йолташем: нине ӱдырамашлан полшо, нуно мый денем пырля, тыгак Климент да мый денем ыштыше моло еҥ дене пырля Поро Увер верч тыршеныт. Нунын лӱмышт – илыш книгаште.

СВЯТОЙ АПОСТОЛ ПАВЕЛЫН ФИЛИМОНЛАН КОЛТЫМО СЕРЫШЫЖЕ 1:17

Тыгеракын, мыйым ӱшанымаште изалан шотлет гын, шке декет мыйым пуртымо семын тудым пурто.

СВЯТОЙ АПОСТОЛ ПАВЕЛЫН ЕВРЕЙ-ВЛАКЛАН КОЛТЫМО СЕРЫШЫЖЕ 3:14

Вет ме тӱҥалтыш ӱшанымашым мучаш марте пеҥгыдын арален кодена гын веле, Христос дене ушнен шогена.

2 Петр 1:1

Иисус Христосын тарзыже да Апостолжо Симон-Петр деч – мемнан Юмынан да Утарыше Иисус Христосын чын улмышт гоч шкенан ӱшанымашна гай шергакан ӱшанымашым налше-влаклан.

1 Ин 1:3

Теат мемнан дене ушнен шогыза манын, мом ме ужынна да колынна, тыланда увертарена. А ме Ача дене да Тудын Эргыже Иисус Христос дене ушнен шогена.

1 Ин 1:7

Но Юмо волгыдышто улмо семын меат волгыдышто коштына гын, тыгеже икте-весына дене ушнымо кыл уло да Тудын Эргыжын, Иисус Христосын, Вӱржӧ мемнам кеч-могай язык дечат эрыкта.