ଫିଲିପିୟ 4:9 - ମୁଣ୍ଡା ନାୱା ନିୟାମ୍

⁹ ଅକନ୍ କାଜିକୋ ଇଙ୍ଗ୍ଆଃ ତେ ସିଖାଅକାନାପେ, ହାର୍ ଗ୍ରାହାନ୍ କାଦାପେ, ହାର୍ ଆୟୁମ୍ କାଦାପେ, ହାର୍ ଇଙ୍ଗ୍ଆଃ ରେ ନେଲ୍ କାଦାପେ, ଏନାକୋକେଗି ମାନାତିଙ୍ଗ୍ କାତେପେ, ଏଣ୍ଡେ ପାର୍ମେଶ୍ଵାର୍ ଅକନିଃ ଜୀଉସୁକୁ ଏହେମ୍ ନିଈ ତାନିଃ ଆପେୟାଃ ଲୋଃ ତାଇନୋଗାଏ।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

⁹ ଆଇଁୟାଃ କାଜି ଆଡଃ କାମିତେ ଅକଆଃ ଇତୁକାନାପେ ଆଡଃ ନାମାକାଦାପେ, ଏନାକେ କାମିରେ ଉଦୁବେପେ । ଏନାରେ, ଜୀଉସୁକୁ ଏମଃ ପାର୍‌ମେଶ୍ୱାର୍‌ ଆପେଲଃ ତାଇନାଏ ।

ଫିଲିପିୟ 4:9 Cross References

ମାତ୍ତିଉ 1:23

“ନେଲେପେ, ମିହୋଡ଼୍ ଡିଣ୍ଡା କୁଡ଼ି ହୋଡ଼ମୋ ରେ ତାଇନାଏ, ହାର୍ ମିୟାଃ ହୋନ୍‍କଡ଼ା ଜାନାମିୟାଏ, ଆଡୋଃ ଇନିଜାଃ ନୁତୁମ୍ ଇମାନୁଏଲ୍ ମାଣ୍ଡାଅଃୱା, ଏନା ରାଃ ମାନେ, ‘ପାର୍ମେଶ୍ଵାର୍ ଆବୁୱାଃ ଲୋଃ।’ ”

ମାତ୍ତିଉ 28:20

ହାର୍ ଇନ୍‍କୁକେ ସବେନ୍ ଆନାଚୁ କୋକେ ଅକନାଃ ଇଙ୍ଗ୍ ଆପେକେ ଏମାକାଃ ପେୟାଇଙ୍ଗ୍, ମାନାତିଙ୍ଗ୍ ଶିଖାଅ କୋପେ, ହାର୍ ନେଲେପେ, ଇଙ୍ଗ୍ ଅତେଦିଶୁମ୍ ରାଃ ଟୁଣ୍ଡୁ ସାନ୍ତେ ଜାନାଓ ଆପେୟାଃ ଲୋଃ ମେନାଇଙ୍ଗ୍‍ୟା।”

ମାତ୍ତିଉ 7:21

ଅକଏ ଇଙ୍ଗ୍‍କେ, ହେ ପ୍ରାଭୁ! ହେ ପ୍ରାଭୁ! କାଜିୟାଏ, ଇନ୍‍କୁ ଏତେ ସବେନ୍‍କୋ ସିର୍ମାଦିଶୁମ୍ ରାଃ ରାଇଜ୍ ରେ ବୋଲୋ କାକୋ ଧାଡ଼ିୟା, ମେନ୍ଦୋ ଇନିଃଗି ଧାଡ଼ିୟାଏ ଅକଏ ଇଙ୍ଗ୍ଆଃ ସିର୍ମାଦିଶୁମ୍ ରେନ୍ ଆପୁ ରାଃ ସାନାଙ୍ଗ୍ ଲେକା ସେସେନ୍ ତାନାଏ।

ଲୁକା 6:46

“ଚିମ୍ତା ଆପେ ଇଙ୍ଗ୍ଆଃ କାଜି କାପେ ମାନାତିଙ୍ଗ୍ ୟା, ଏଣ୍ଡେ ଚିନାଃ ଲାଇ ହେ ପ୍ରାଭୁ, ହେ ପ୍ରାଭୁ, କାଜିୟାପେ?

ଲୁକା 8:21

ଇନିଃ ନେୟା କାଜିରୁଆଡ଼୍ କେଦାଏ, “ଇଙ୍ଗ୍ଆଃ ଏଙ୍ଗା ଆଡୋଃ ଇଙ୍ଗ୍ଆଃ ହାଗାକୋ ନିକୁଗି ତାନ୍‍କୋ ଅକନ୍‍କୋ ପାର୍ମେଶ୍ଵାର୍ ରାଃ ବାଚାନ୍ ଆୟୁମ୍ ତାନାକୋ ହାର୍ ମାନାତିଙ୍ଗ୍ ତାନାକୋ।”

ଯୋହାନ୍ 13:17

ଆପେ ନେ ବାକାଣ୍ ସାରିୟାପେ, ହାର୍ ଆଗାର୍ ନେଲେକା ଗି ରିକାୟାପେ ଆପେ ଆଶିଷ୍ ନାମେୟାପେ।

ଯୋହାନ୍ 15:14

ଅକନ୍ ଆନାଚୁ ଇଙ୍ଗ୍ ଆପେକେ ଏମ୍ ତାନିଙ୍ଗ୍, ଆଗାର୍ ଏନାକେ ମାନାତିଙ୍ଗ୍ ୟାପେ ଏଣ୍ଡେ ଆପେ ଇଙ୍ଗ୍ଆଃ ଗାତି ତାନ୍‍ପେ।

ଯୋହାନ୍ 2:5

ମେନ୍ଦୋ ଇନିଜାଃ ଏଙ୍ଗାକିନ୍ ଦାସୀକୋକେ କାଜିକେଃକୋୱାଏ, “ଅକନାଃ କୋ ଇନିଃ ଆପେକେ କାଜିୟାଏ, ଏନା ରିକାୟାପେ।”

କୁଲାକାନ୍ 9:6

ମେନ୍ଦୋ ନାଆ ବିରିଃ କେତେ ସାହାର୍ ତେ ସେନୋଃମେ, ହାର୍ ଅକନାଃକୋ ଆମ୍‍କେ ରିକା ମେନାଃ ଏନା ଆମ୍‍କେ କାଜିୟୋଗା।”

ରୋମ୍‍ରେନ୍ 15:33

ଶାନ୍ତି ରାଃ ପାର୍ମେଶ୍ଵାର୍ ଆପେ ସବେନ୍ କୋଲୋଃ ତାଇନ୍ ଚାଏ। ଆମୀନ୍।

ରୋମ୍‍ରେନ୍ 16:20

ଜୀଉସୁକୁ ଏମେନିଃ ପାର୍ମେଶ୍ଵାର୍ ଆପେୟାଃ କାଟା କୋତେ ଶାଏତାନ୍ କେ ସେକାଡ଼୍ ଗି ତିକା ସେରେଃୟାଏ। ଆବୁୱାଃ ପ୍ରାଭୁ ୟୀଶୁ ମାସୀହ୍ ରାଃ ଆନୁଗ୍ରାହ୍ ଆପେ ଲୋଃ ହୋବାକାତୋଃକା।

୧ କରିନ୍ଥିୟ 10:31

ଏନାମେନ୍ତେ ଆପେ ଜୋମେପେ ଚାହେ ନୁୱେପେ, ଚାହେ ଜାହାନାଃଗି ରିକାଏପେ, ସବେନାଃ ପାର୍ମେଶ୍ଵାର୍ ରାଃ ମାନାରାଙ୍ଗ୍ ନାଙ୍ଗ୍ ରିକାୟାପେ।

୧ କରିନ୍ଥିୟ 14:33

ଚିୟାଃଚି ପାର୍ମେଶ୍ଵାର୍ ଗାଡ଼୍‍ବାଡ଼ାଅ ନିଃ ନାହାଲାଏ, ମେନ୍ଦୋ ଶାନ୍ତି ରାଃ ପାର୍ମେଶ୍ଵାର୍ ତାନିଃ। ଜେଲେକା ପାବିତାର୍ ହୋଡ଼ୋକୋୱାଃ ସବେନ୍ କାଲିସିୟା ରେ ମେନାଃ।

୧ କରିନ୍ଥିୟ 4:16

ଏନାମେନ୍ତେ ଇଙ୍ଗ୍ ଆପେକେ ଆର୍ଜି ପେତାନିଙ୍ଗ୍ ଚି ଇଙ୍ଗ୍ଆଃ ଲେକା ସେସେନ୍ ପେ।

୨ କରିନ୍ଥିୟ 13:11

ଏନାତେ ହେ ହାଗାକୋ, ରାଶିକା ତେ ତାଇନ୍‍ପେ; ପୋକ୍ତା ବାଇ-ଇଦିନ୍ ପେ, ସାହାସ୍ ସାବେପେ; ମିୟାଃ ଗି ମୋନ୍ ମାଣ୍ତାଏପେ; ମେଶାତେ ତାଇନ୍‍ପେ। ହାର୍ ଦୁଲାଡ଼୍ ଆଡୋଃ ଶାନ୍ତି ଏହେମ୍ ନିଃ ପାର୍ମେଶ୍ଵାର୍ ଆପେ ଲୋଃ ତାଇନୋଗାଏ।

ଫିଲିପିୟ 3:17

ହେ ହାଗାକୋ, ଆପେ ସବେନ୍ ମେଶା କେତେ ଇଙ୍ଗ୍ଆଃ ଲେକା ସେସେନ୍‍ପେ, ଆଡୋଃ ଇନ୍‍କୁକେ ଉରୁମ୍ ମାଣ୍ଡାଅକୋପେ ଅକନ୍‍କୋ ନେଲେକା କୋ ସେସେନ୍ ତାନା ଅକନାଃ ରାଃ ଜୋନୋକା ଆପେ ଆଲେ ରେ ନାମ୍ ତାନାପେ।

ଫିଲିପିୟ 4:7

ଏଣ୍ଡେ ପାର୍ମେଶ୍ଵାର୍ ରାଃ ଜୀଉସୁକୁ, ଅକନାଃ ସବେନ୍ ସେଣାଏତେ ମାରାଙ୍ଗ୍ ତାନାଃ, ଆପେୟାଃ ମୋନ୍ ହାର୍ ଆପେୟାଃ ପାହୋମ୍ କୋକେ ମାସୀହ୍ ୟୀଶୁ ରେ ବାଞ୍ଚାଅ ମାଣ୍ଡାଅୟାଏ।

୧ ଥେସ୍‌ଲନିକା 1:6

ଆପେ ମାପ୍‍ରାଙ୍ଗ୍ ଦୁକୁ ରେ ପାବିତାର୍ ଆତ୍ମା ରାଃ ରାଶିକା ଲୋଃ, ବାଚାନ୍ କେ ମାନାତିଙ୍ଗ୍ କେତେ ଆଲେୟାଃ ହାର୍ ପ୍ରାଭୁ ଲେକା ସେସେନ୍ ସେନ୍ କେଦାପେ।

୧ ଥେସ୍‌ଲନିକା 2:14

ଏନାମେନ୍ତେ ଆପେ, ହେ ହାଗାକୋ, ପାର୍ମେଶ୍ଵାର୍ ରାଃ ଏନ୍ କାଲିସିୟା କୋୱାଃ ଲେକା ସେନ୍ ସେସେନ୍ କେଦାପେ, ଅକନ୍‍କୋ ୟାହୁଦୀୟା ଜିଲ୍ଲା ରେ ମାସୀହ୍ ୟୀଶୁ ରେ ମେନାକୋୱା, ଚିୟାଃଚି ଆପେ ହଗି ଆପେୟାଃ ହୋଡ଼ୋକୋ ଏତେ ଏନ୍‍ଲେକାଗି ଦୁକୁ ନାମ୍ କେଦାପେ, ଜେଲେକା ଇନ୍‍କୁ ୟାହୁଦୀ ହୋଡ଼ୋ କୋୱାଃ ତେ ନାମ୍ ଲେଦାକୋ।

୧ ଥେସ୍‌ଲନିକା 5:23

ଶାନ୍ତି ରାଃ ପାର୍ମେଶ୍ଵାର୍ ଆଏଃଗି ଆପେକୋକେ ପୁରାଃ ଲେକାତେ ପାବିତାର୍ କାଏ; ହାର୍ ଆବୁୱାଃ ପ୍ରାଭୁ ୟୀଶୁ ମାସୀହ୍ ରାଃ ହିଜୁଃ ସାନ୍ତେ ଆପେୟାଃ ପୁରା ଆତ୍ମା ହାର୍ ଜୀଉ ହାର୍ ହୋଡ଼ମୋ ନିର୍ଦୋଷ୍ ଗି ବାଞ୍ଚାଅ ତାଇନୋଃକା।

୨ ଥେସ୍‌ଲନିକା 3:4

ଆଲେକେ ପ୍ରାଭୁ ରେ ଆପେୟାଃ ଚେତାନ୍ ଭାରୋସା ମେନାଃ ଚି ଅକନ୍-ଅକନ୍ ଆନାଚୁ ଆପେକେ ଏମାପେ ତାନାଲେ, ଏନାକୋକେ ଆପେ ମାନାତିଙ୍ଗ୍ ତାନାପେ, ହାର୍ ମାନାତିଙ୍ଗ୍ କାତେୟାପେ।

୨ ତିମଥି 4:22

ପ୍ରାଭୁ ଆମାଃ ଆତ୍ମା ଲୋଃ ତାଇନ୍ କାଏ। ଆମାଃ ଚେତାନ୍ ରେ ଆନୁଗ୍ରାହ୍ ହୋବାଅଃକାତୋକା।

ୟାକୁବ୍ 1:22

ମେନ୍ଦୋ ପାର୍ମେଶ୍ଵାର୍ ରାଃ ବାଚାନ୍ ରେ ସେସେନ୍ ନିଃ ବାଇଏନ୍ ପେ, ଆଡୋଃ ଖାଲି ଆୟୁମ୍ ନିଃ କାହା ଅକନିଃ ଆଏଃ ଆପାନ୍ କେଗି ଲୋଗୋ ୟାଏ।

2 ପାତ୍ରାସ୍ 1:10

ନେୟାମେନ୍ତେ ହେ ହାଗାକୋ, ଆପେୟାଃ କେଡ଼ାକାନ୍ କେ ହାର୍ ସାଲାକାନ୍ କେ ପୋକ୍ତା ଲାଗିନ୍ ବୁଗିନ୍ ତେ କୋଷିସ୍ ରିକାଏପେ, ଚିୟାଃଚି ନେକା ରିକାୟାପେ ଏଣ୍ଡେ ଚିଉଲା ହ ଠୋକାର୍ କାପେ ଜୋମେୟା।

1 ଯୋହାନ୍ 3:22

ହାର୍ ଅକନାଃକୋ ଆବୁ ଆସିତାନାବୁ, ଏନା ଆବୁକେ ଇନିଃ ତାଃତେ ନାମୋଃତାନା, ଚିୟାଃଚି ଆବୁ ଇନିଜାଃ ଆନାଚୁ କୋକେ ମାନାତିଙ୍ଗ୍ ତାନାବୁ ହାର୍ ଅକନାଃ ପାର୍ମେଶ୍ଵାର୍ କେ ବେଶ୍ ସାନାଙ୍ଗ୍ଇ ତାନା ଏନାକୋଗି ରିକାତାନାବୁ।