ଫିଲିପିୟ 4:19 - ମୁଣ୍ଡା ନାୱା ନିୟାମ୍

¹⁹ ଇଙ୍ଗ୍ଆଃ ପାର୍ମେଶ୍ଵାର୍ ହଗି ମାସୀହ୍ ୟୀଶୁ ରାଃ ହୋରାତେ ମାନାରାଙ୍ଗ୍ ରେ ଆୟାଃ ଏନ୍ କିଶାଣେନ୍ ଲେକାତେ, ଆପେୟାଃ ସବେନ୍ ଲେକାନ୍ ଦାର୍‍କାର୍ କୋକେ ଫେରେଃପେୟାଏ।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

¹⁹ ଖ୍ରୀଷ୍ଟ୍‌ଆଃ ହରାତେ ଆଇଁୟାଃ ପାର୍‌ମେଶ୍ୱାର୍‌ ଆୟାଃ ପୁରାଃ ମାନାରାଙ୍ଗ୍‌ତେ ଆପେୟାଃ ସବେନ୍‌ ଲାଗାତିଙ୍ଗ୍‌ତେୟାଃକ ଏମାପେୟାଏ ।

ଫିଲିପିୟ 4:19 Cross References

ମାତ୍ତିଉ 6:32

ଚିୟାଃଚି ଏଟାଃଜାତିକୋ ନେ ସବେନ୍ ଜିନିଷ୍‍କୋ ରାଃ ଦାଣା ରେ ତାଇନାକୋ, ମେନ୍ଦୋ ଆପେୟାଃ ସିର୍ମାଦିଶୁମ୍ ରେନ୍ ଆପୁ ସାରିୟାଏ ଚି ଆପେକେ ନେ ସବେନ୍ ଜିନିଷ୍‍କୋ ରାଃ ଦାର୍‍କାର୍ ମେନାଃ।

ଯୋହାନ୍ 20:17

ୟୀଶୁ ଇନିଃକେ କାଜିକିଜାଏ, “ଇଙ୍ଗ୍ଆଃ କାଟା ସାବ୍ କେତେ ଆଲୋମ୍ ରୋକାୱିଙ୍ଗ୍‍ୟା, ଚିୟାଃଚି ଇଙ୍ଗ୍ ନାଆ ସାନ୍ ଆବା ତାଃ ଚେତାନ୍ କାଇଙ୍ଗ୍ ସେନ୍ କାନା, ମେନ୍ଦୋ ଇଙ୍ଗ୍ଆଃ ହାଗା କୋତାଃ ସେନ୍ କେତେ କାଜିୟାକୋମେ, ଚି ଇଙ୍ଗ୍ ଇଙ୍ଗ୍ଆଃ ଆବା ହାର୍ ଆପେୟାଃ ଆବା ହାର୍ ଇଙ୍ଗ୍ଆଃ ପାର୍ମେଶ୍ଵାର୍ ହାର୍ ଆପେୟାଃ ପାର୍ମେଶ୍ଵାର୍ ତାଃ ଚେତାନ୍ ସେନ୍ ତାନିଙ୍ଗ୍।”

ଯୋହାନ୍ 20:27

ଇମ୍ତାଙ୍ଗ୍ ଇନିଃ ଥୋମା କେ କାଜିକିଜାଏ, “ଆମାଃ ସାର୍ସାର୍ ଆୟୁର୍ କେତେ ଇଙ୍ଗ୍ଆଃ ତିଈ କେ ଜୁଟିଃ କେତେ ନେଲେମ୍ ହାର୍ ଆମାଃ ତିଈ ଆୟୁର୍ କେତେ ଇଙ୍ଗ୍ଆଃ ପାଞ୍ଜ୍ରା ରେ ଜୁଟୀଦେମ୍ ହାର୍ ଆବିଶ୍ଵାସୀ କାହା ମେନ୍ଦୋ ବିଶ୍ଵାସୀ ବାଇୟେନ୍ ମେ।”

ରୋମ୍‍ରେନ୍ 1:8

ସିଦାତେ ଇଙ୍ଗ୍ ସବେନ୍ କୋ ଲାଗିନ୍ତେ ୟୀଶୁ ମାସୀହ୍ ରାଃ ହୋରାତେ ଇଙ୍ଗ୍ଆଃ ପାର୍ମେଶ୍ଵାର୍ ରାଃ ଧାନ୍ୟାବାଦ୍ ତାନିଙ୍ଗ୍, ଚିୟାଃଚି ଆପେୟାଃ ବିଶ୍ଵାସ୍ ରାଃ କାଜି ଗୋଟା ଦିଶୁମ୍ କୋରେ ଆୟୁମୋଃ ତାନା।

ରୋମ୍‍ରେନ୍ 11:33

ଆହା! ପାର୍ମେଶ୍ଵାର୍ ରାଃ ଧାନ୍ ହାର୍ ବୁଦ୍ଧି ହାର୍ ସେଣା ଚିମିନ୍ ଈକିର୍ ମେନାଃ! ଇନିଜାଃ ବିଚାର୍ କାଥେବାଗୋଃୱା, ହାର୍ ଇନିଜାଃ ହୋରା କାସାରିଲେକା ମେନାଃ!

ରୋମ୍‍ରେନ୍ 2:4

ଚିନାଃ ଆମ୍ ପାର୍ମେଶ୍ଵାର୍ ରାଃ ଦାୟା, ହାର୍ ସାହାତିଙ୍ଗ୍, ହାର୍ ସାହାଅ ପେଡ଼େଏ ଲେକା ଗୋନୋଙ୍ଗାନ୍ କାଜି କୋକେ ହିଲାଙ୍ଗ୍ ତାନାମ୍? ହାର୍ ଚିନାଃ ନେୟା କାମ୍ ଆଟ୍‍କାର୍ ତାନା ଚି ପାର୍ମେଶ୍ଵାର୍ ରାଃ ଦାୟା ଆମ୍‍କେ ପାପ୍ କାମି ବାଗେ ଲାଗିନ୍ ଶିଖାଅ ତାନାଏ?

ରୋମ୍‍ରେନ୍ 8:18

ଚିୟାଃଚି ଇଙ୍ଗ୍ ସାର୍ତିଗୀ ଆଟ୍‍କାର୍ ତାନିଙ୍ଗ୍ ଚି ନେ ସାମାୟ୍ ରାଃ ଦୁକୁ ଆଡୋଃ ସାସାତି ଏନ୍ ମାନାରାଙ୍ଗ୍ ରାଃ ନାଡ଼େଏ ରେ ଏନା ଜାହାନାଃ ହ ନାହାଲା, ଅକନାଃ ଆବୁ କେ ନେଲୋଗା।

ରୋମ୍‍ରେନ୍ 9:23

ହାର୍ ଦାୟା ରାଃ ବାସାନ୍ କୋକେ, ଅକନାଃକେ ଇନିଃ ମାନାରାଙ୍ଗ୍ ଲାଗିନ୍ତେ ସିଦା ଏତେଗି ବାଇସେକାଡ଼୍ କେଦାଏ, ଆଜାଃ ମାନାରାଙ୍ଗ୍ ରାଃ ଧାନ୍ କେ ଉଦୁବ୍ ଲାଗିନ୍ ସାନାଙ୍ଗ୍ କେଦାଏ?

୨ କରିନ୍ଥିୟ 12:21

ହାର୍ ନେଲେକା ଆଲୋକା ହୋବାଅଃକା ଚି ଇଙ୍ଗ୍ଆଃ ପାର୍ମେଶ୍ଵାର୍ ଇଙ୍ଗ୍ଆଃ ଆଡୋଃ ମିଶା ଆପେତାଃ ହିଜୁଃ ରେ ଇଙ୍ଗ୍‍କେ ହୁଡିଙ୍ଗିଙ୍ଗ୍ ୟାଏ ହାର୍ ଇଙ୍ଗ୍ ଥିମ୍ବାଗି ହୋଡ଼ୋକୋ ଲାଗିନ୍ ଦୁକୁଅଃ ୱାଇଙ୍ଗ୍, ଅକନ୍ କୋଚି ସିଦା ପାପ୍ ଲେଦାକୋ ହାର୍ ଶିତୃ କାମି ହାର୍ ବ୍ୟାଭିଚାର୍ ହାର୍ ଏତ୍କାନ୍ ହାୟା ତେ, ଅକନାଃ ଇନ୍‍କୁ ରିକାଲେଦାକୋ, ଏନ୍ ପାପ୍ ରିକା କାକୋ ବାଗେ କେଦା।

୨ କରିନ୍ଥିୟ 4:17

ଚିୟାଃଚି ଆଲେୟାଃ ନେ ଘାଡ଼ିକାଃ ରାଃ ହୁଡିଙ୍ଗ୍ କାଲାଙ୍ଗ୍ ଦୁକୁ ଆଲେୟାଃ ଲାଗିନ୍ତେ ଥିମ୍ବାଗି ଖାସ୍ ଆଡୋଃ କାଟୁଣ୍ଡୁ ମାନାରାଙ୍ଗ୍ ବାଇ ଇଦିତାନାଏ;

ଏଫିସିୟ 1:18

ହାର୍ ଆପେୟାଃ ମୋନ୍ ରାଃ ମେଏଃ ମାସ୍କାଲ୍ ତେ ଫେରେଜୋଃକା ଏନାତେ ଆପେ ସାରିଲେପେ ଚି ଇନିଜାଃ କେନେଡ଼ା ରାଃ ଆଶ୍ରା ଚିନାଃ ତାନାଃ, ହାର୍ ପାବିତାର୍ ହୋଡ଼ୋକୋ ରେ ଇନିଜାଃ ହାନାଟିଙ୍ଗ୍ ରାଃ ମାନାରାଙ୍ଗ୍ ରାଃ ଧାନ୍ ଚିଲ୍‍କା ମେନାଃ।

ଏଫିସିୟ 1:7

ଆବୁ କେ ଇନିଃରେ ଇନିଜାଃ ମାୟୋମ୍ ହୋରାତେ ଛୋଡ଼ାଓ, ମାନେ ପାପ୍ କୋରାଃ ଛାମା, ଇନିଜାଃ ଏନ୍ ଆନୁଗ୍ରାହ୍ ରାଃ ଧାନ୍ ରାଃ ଲେକାତେ ନାମ୍ କାନା,

ଏଫିସିୟ 2:7

ଏନାତେ ଇନିଃ ଆଜାଃ ଏନ୍ ଦାୟାତେ ଅକନାଃ ମାସୀହ୍ ୟୀଶୁ ରେ ଆବୁ ଲୋଃ ମେନାଃ, ହିଜୁଃତାନ୍ ଯୁଗ୍ ରେ ଆଜାଃ ଆନୁଗ୍ରାହ୍ ରାଃ କାସୋଙ୍ଗ୍ ଧାଡ଼ିୟୋଃ ଧାନ୍ ଦେଖାଅ ବୁୱାଏ।

ଏଫିସିୟ 3:16

ଇଙ୍ଗ୍ ବିନ୍ତି ତାନିଙ୍ଗ୍ ଚି ଇନିଃ ଆଜାଃ ମାନାରାଙ୍ଗ୍ ରାଃ ଧାନ୍ ରାଃ ଲେକାତେ ଆପେକେ ନେୟା ଦାନ୍ ଏମେକାଏ, ଏନାତେ ଆପେ ଇନିଜାଃ ଆତ୍ମା ତେ ଆପେୟାଃ ଭିତାର୍ ହୋଡ଼ ରେ ପେଡ଼େଏ ନାମ୍ ଇଦିପେ;

ଏଫିସିୟ 3:8

ଇଙ୍ଗ୍ଆଃ ଚେତାନ୍ ରେ ଅକନିଃଚି ସବେନ୍ ପାବିତାର୍ ହୋଡ଼ୋ କୋଏତେ ହୁଡିଙ୍ଗ୍ ଏତେହୁଡିଙ୍ଗ୍ ତାନିଙ୍ଗ୍, ନେୟା ଆନୁଗ୍ରାହ୍ ହୋବାଜାନା ଚି ଇଙ୍ଗ୍ ଏଟାଃଜାତି କୋକେ ମାସୀହ୍ ରାଃ କାଆଟ୍‍କାର୍ ଉରୁମ୍ ଧାଡ଼ିୟୋଃ ଧାନ୍ ରାଃ ସୁସାମାଚାର୍ ଉଦୁବାକୋୱାଇଙ୍ଗ୍।

ଫିଲିପିୟ 4:7

ଏଣ୍ଡେ ପାର୍ମେଶ୍ଵାର୍ ରାଃ ଜୀଉସୁକୁ, ଅକନାଃ ସବେନ୍ ସେଣାଏତେ ମାରାଙ୍ଗ୍ ତାନାଃ, ଆପେୟାଃ ମୋନ୍ ହାର୍ ଆପେୟାଃ ପାହୋମ୍ କୋକେ ମାସୀହ୍ ୟୀଶୁ ରେ ବାଞ୍ଚାଅ ମାଣ୍ଡାଅୟାଏ।

କୁଲୁସିୟୋରେନ୍ 1:27

ଅକନ୍ କୋୱାଃ ରେ ପାର୍ମେଶ୍ଵାର୍ ଉଦୁବ୍ ସାନାଙ୍ଗ୍ କେଦାଏ ଚି ହିନ୍‍କୁ ସାରିକେକାକୋ ଚି ଏଟାଃଜାତି କୋରେ ଏନ୍ ମୁଣ୍ଡି ରାଃ ମାନାରାଙ୍ଗ୍ ଚିକ୍‍ନାଃ ତାନାଃ, ହାର୍ ଏନା ନେୟା ତାନାଃ ଚି, ମାସୀହ୍ ଅକନିଃ ମାନାରାଙ୍ଗ୍ ରାଃ ଆଶ୍ରା ତାନିଃ ଆପେ ରେ ତାହିନୋଃ ତାନାଏ।

କୁଲୁସିୟୋରେନ୍ 3:16

ମାସୀହ୍ ରାଃ ବାଚାନ୍ କେ ଆପାନାଃ ମୋନ୍ ରେ ଥିମ୍ବାଗି ମାଣ୍ଡାଏପେ, ହାର୍ ବୁଗିନ୍ ସେଣାନ୍ ଲୋଃ ମିହୋଡ଼୍ ଏଟାଃନିଃ କେ ସିଖାଏପେ ହାର୍ ଚେତାଅକୋପେ, ହାର୍ ଆପାନାଃ-ଆପାନାଃ ମୋନ୍ ରେ ଆନୁଗ୍ରାହ୍ ଲୋଃ ପାର୍ମେଶ୍ଵାର୍ ନାଙ୍ଗ୍ ଭାଜାନ୍ ହାର୍ ଦୁରାଙ୍ଗ୍ ହାର୍ ଆତ୍ମାନ୍ ଦୁରାଙ୍ଗ୍-ଦୁରାଙ୍ଗ୍ଏପେ।

୧ ଥେସ୍‌ଲନିକା 2:12

ଏନାତେ ଆପେୟାଃ ଚାଲ୍-ଚାଲାନ୍ ପାର୍ମେଶ୍ଵାର୍ କେ ସୁକୁଇ ଲେକା ହୋବାଅଃକା, ଅକନିଃ ଆପେକେ ଆଜାଃ ରାଇଜ୍ ଆଡୋଃ ମାନାରାଙ୍ଗ୍ ରେ କେଡ଼ାପେ ତାନାଏ।

୧ ତିମଥି 6:17

ନେ ଅତେଦିଶୁମ୍ ରେନ୍ କିଶାଣ୍ କୋକେ ଆଚୁକୋମ୍ ଚି ଇନ୍‍କୁ ଘାମାଣ୍ଡ୍ ଆଲୋ ହୋବାଅଃ କାକୋ ହାର୍ ଇମ୍ତାଗି କାନେଲୋଃ ଧାନ୍ ଚେତାନ୍ ରେ ଆଶ୍ରା ଆଲୋ ମାଣ୍ଡାଅକାକୋ, ମେନ୍ଦୋ ପାର୍ମେଶ୍ଵାର୍ ଚେତାନ୍ ରେ ଆଶ୍ରା କାକୋ ଅକନିଃ ଆବୁୱାଃ ସୁକୁଲାଗିନ୍ ସବେନାଃ ଥିମ୍ବାଏତେ ଥିମ୍ବା ଏମ୍ ବୁତାନାଏ।

ଫିଲେମୋନ୍ 1:4

ଇଙ୍ଗ୍ ସବେନ୍ ଇମ୍ତା ପାର୍ମେଶ୍ଵାର୍ ରାଃ ଧାନ୍ୟାବାଦ୍ ରିକାତାନିଙ୍ଗ୍, ହାର୍ ଇଙ୍ଗ୍ଆଃ ବିନ୍ତି କୋରେ ହ ଆମ୍‍କେ ପାହୋମେୟାଇଙ୍ଗ୍,

1 ପାତ୍ରାସ୍ 5:1

ଆପେ ଥାଲା ରେ ଅକନ୍ କୋ ମାରିହୋଡ଼ୋକୋ ତାନ୍‍କୋ, ଇଙ୍ଗ୍ ଇନ୍‍କୁୱାଃ ଲେକା ମାରିହୋଡ଼ ଆଡୋଃ ମାସୀହ୍ ରାଃ ଦୁକୁ କୋରାଃ ଗୋୱା ହୋବାକେତେ ହାର୍ ହିଜୁଃ ତେୟା ମାନାରାଙ୍ଗ୍ ରେ ମେନେଶା ହୋବାକେତେ ହିନ୍‍କୁକେ ନେୟା ବୁଝାଅକୋ ତାନିଙ୍ଗ୍।

1 ପାତ୍ରାସ୍ 5:10

ନାଆ ପାର୍ମେଶ୍ଵାର୍ ଅକନିଃ ସବେନ୍ ଆନୁଗ୍ରାହ୍ ରାଃ ଏହେମ୍ ନିଈ ତାନିଃ, ଅକନିଃ ଆପେକେ ମାସୀହ୍ ରେ ଆଜାଃ ଜାନାଓ-ଜାନାଓ ମାନାରାଙ୍ଗ୍ ଲାଗିନ୍ କେଡ଼ାକେଃପେୟାଏ, ଆପେୟାଃ ହୁଡିଙ୍ଗ୍ ସାମାୟ୍ ରାଃ ଦୁକୁ ସାହାଅ ତାୟୋମ୍ତେ ଆଏଃ ଗି ଆପେକେ ପୋକ୍ତା ହାର୍ କେଟେଃ ଆଡୋଃ ପେଡ଼େଜାନ୍ ବାଇପେୟାଏ।