ଫିଲିପିୟ 4:17 - ମୁଣ୍ଡା ନାୱା ନିୟାମ୍

¹⁷ ନେୟା ଇଙ୍ଗ୍ କାଇଙ୍ଗ୍ କାଜିତାନା ଚି ଆପେ ଇଙ୍ଗ୍‍କେ ପାଇସା ଦେଙ୍ଗା ଏମାଇଙ୍ଗ୍ ପେ ମେନ୍ଦୋ ଇଙ୍ଗ୍ ନେଲେକାନ୍ ଯଅ ସାନାଙ୍ଗ୍ ତାନିଙ୍ଗ୍ ଅକନାଃ ଆପେୟାଃ ଲାଭ୍ ଲାଗିନ୍ ହାରା ଇଦିଅଃକା।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

¹⁷ ମେନ୍‌ଦ ଆପେତାଃଏତେ ଆଇଙ୍ଗ୍‌ ଦାନ୍‌ ଏସ୍‌କାର୍‌ ନାମେ ନାଗେନ୍ତେ କାଇଙ୍ଗ୍‌ ସାନାଙ୍ଗ୍‌ତାନା, ମେନ୍‌ଦ ଆପେ ଜେ'ଲେକା ପୁରାଃ ଆଦ୍‌କା ନାଲାପେ ନାମେୟାଁ, ମେନ୍ତେ ଆଇଁୟାଃ ସାନାଙ୍ଗ୍‌ ।

ଫିଲିପିୟ 4:17 Cross References

ଯୋହାନ୍ 15:16

ଆପେ ଇଙ୍ଗ୍‍କେ କାପେ ସାଲା କାଦିଙ୍ଗା ମେନ୍ଦୋ ଇଙ୍ଗ୍ ଆପେକେ ସାଲା କାଦିଙ୍ଗ୍ ଆଡୋଃ ଆପେକେ କାମି ଲାଗିନ୍ ଦୋହୋ କାପେୟାଇଙ୍ଗ୍ ଏନାତେ ଆପେ ସେନ୍‍କେତେ ଯଅ ଆଉୱେପେ, ହାର୍ ଆପେୟାଃ ଯଅ ବାଇ ତାଇନୋଃକା, ଚିୟାଃଚି ଆପେ ଇଙ୍ଗ୍ଆଃ ଚେଲା ତାନ୍‍ପେ ଆପେ ଇଙ୍ଗ୍ଆଃ ନୁତୁମ୍ ରେ ଜାହାନାଃ ହ ଆବା କେ ଆସିୟାପେ, ଇନିଃ ଏନା ଆପେକେ ଏମାପେୟାଏ।

ଯୋହାନ୍ 15:8

ଇଙ୍ଗ୍ଆଃ ଆବା ରାଃ ମାନାରାଙ୍ଗ୍ ନେୟା ତେଗି ହୋବାଅଃୱା ଚି ଆପେ ଥିମ୍ବାଗି ଯଅ ଯୋୟୋପେ, ହୋଲେ ଦୋ ଇଙ୍ଗ୍ଆଃ ଚେଲା ବାଇୟୋଃୱାପେ।

ରୋମ୍‍ରେନ୍ 15:28

ଏନାମେନ୍ତେ ଇଙ୍ଗ୍ ନେ କାମି ପୁରା କେତେ ହାର୍ ଇନ୍‍କୁକେ ନେ ଚାନ୍ଦା ଜିମା କେତେ ଆପେୟାଃ ତାଃ ବୋଲୋ ତୋରା ସ୍ପେନ୍ ଦିଶୁମ୍ ତେଇଙ୍ଗ୍ ସେନା।

୨ କରିନ୍ଥିୟ 11:16

ଇଙ୍ଗ୍ ଆଡୋଃ ମିଶା କାଜିତାନିଙ୍ଗ୍, ଜେତାଏ ଇଙ୍ଗ୍‍କେ ଭାକୁୱା ଆଲୋ ପାହୋମେ କାଏ; ମେନ୍ଦୋ ଆଗାର୍ ଇଙ୍ଗ୍‍କେ ଏନ୍‍କା ପାହୋମ୍ ତାନାଏ ଏଣ୍ଡେ ଏନ୍‍କା ଗି ମାନାତିଙ୍ଗ୍ କାଏ, ଏନାତେ ଇଙ୍ଗ୍ ହଗି କାଟିଃ ଲେକା ଘାମାଣ୍ଡ୍ ଧାଡ଼ିୟାଇଙ୍ଗ୍।

୨ କରିନ୍ଥିୟ 9:5

ଏନାମେନ୍ତେ ଇଙ୍ଗ୍ ବିଶ୍ଵାସୀ ହାଗାକୋକେ ନେୟା ଆର୍ଜି ରିକା ଜାରୁରୀ ସାନାଙ୍ଗ୍ କେଦାଇଙ୍ଗ୍ ଚି ଇନ୍‍କୁ ସିଦା ତେ ଆପେ ନାଡ଼େଏ ସେନ୍ ଚାକୋ, ହାର୍ ଆପେୟାଃ ସୁକୁ ମୋନ୍ ତେ ଏମାକାନ୍ ଯଅ ଅକନାଃ ବିଷାୟ୍ ରେ ସିଦାତେଗି କାଜି ଏମ୍ ଲେନା, ସେକାଡ଼୍ କେତେ ମାଣ୍ଡାଅ କାକୋ ଏନାତେ ଏନା ଜାବ୍ରାଇ କେତେ କାହା ମେନ୍ଦୋ ସୁକୁ ମୋନ୍ ତେ ଏମାକାନ୍ ଯଅ ଲେକା ହୋବାଅଃକା।

ଫିଲିପିୟ 1:11

ଆଡୋଃ ଏନ୍ ଧାରାମ୍ ହୋରା ରାଃ ଯଅ ଏତେ ଅକନାଃ ୟୀଶୁ ମାସୀହ୍ ରାଃ ହୋରାତେ ହୋବାଅଃୱା, ଫେରେଃ ଇଦିଅଃପେ ଏନାତେ ପାର୍ମେଶ୍ଵାର୍ ରାଃ ମାନାରାଙ୍ଗ୍ ଆଡୋଃ ସ୍ତୁତି ହୋବା କାତୋଃକା।

ଫିଲିପିୟ 4:11

ନେୟା କାହା ଚି ଇଙ୍ଗ୍ ଇଙ୍ଗ୍ଆଃ ଘାଟି ମେନ୍ତେ ନେୟା କାଜିତାନିଙ୍ଗ୍: ଚିୟାଃଚି ଇଙ୍ଗ୍ ନେୟା ଶିଖାଅକାନିଙ୍ଗ୍ ଚି ଇଙ୍ଗ୍ ଜାଲେକାଗି ମେନାଇଙ୍ଗ୍‍ୟା, ଏନା ରେଗି ଖୁସ୍ ମେନାଇଙ୍ଗ୍‍ୟା।

୧ ଥେସ୍‌ଲନିକା 2:5

ଚିୟାଃଚି ଆପେ ସାରିୟାପେ ଚି ଆଲେ ଚିଉଲାଅ ଚାପ୍‍ଲୁଶି ରାଃ ବାକାଣ୍ କାଲେ ବାକାଣ୍ ତାଇକେନା, ହାର୍ ହାୟା ଲାଗିନ୍ କାଲେ ବାହାନା ବାଡ଼ା ତାଇକେନା, ଏନାରେ ପାର୍ମେଶ୍ଵାର୍ ଗୋୱା ତାନିଃ।

୧ ତିମଥି 3:3

ବୁଲୋଃନିଃ ହାର୍ ବିପିଡ଼ାନିଃ କାତାଇନ୍ ଚାହି, ମେନ୍ଦୋ ଲେବେଃ, ହାର୍ କାଏପେଗେର୍ ନିଃ, ଆଡୋଃ ଟାକା ପାଇସା ରାଃ ହାୟା କାତାଇନ୍ ଚାହି।

୧ ତିମଥି 6:10

ଚିୟାଃଚି ଟାକା-ପାଇସା ରାଃ ହାୟା ସବେନ୍ ଲେକାନାଃ ଏତ୍କାନାଃ ରାଃ ରେହେଃ ତାନାଃ। ଅକନାଃକେ ନାମେ ରାଃ ଆଶ୍ରା ରେ ଥିମ୍ବାଗି ହୋଡ଼ୋକୋ ବିଶ୍ଵାସ୍ ରାଃ ହୋରାଏତେ ଆଃ କେତେ ଆକୋ-ଆକୋକେଗି ସବେନ୍ ରାକାମ୍ ରାଃ ଦୁକୁ ରେ ମୋନ୍ କେ ସୋବୋଃ କେଦାକୋ।

ତିତସ୍‌ 1:7

ଚିୟାଃଚି ବିଶାପ୍ କେ ପାର୍ମେଶ୍ଵାର୍ ରାଃ କାମି ଜିମାକାନା ଏନାମେନ୍ତେ ଇନିଃକେ ନିର୍ଦୋଷ୍ ହୋବାଅଃ ଚାହି; ଜୀଦ୍ଧି ହୋଡ଼ କାହା, ଖିସୋଃନିଃ କାହା, ବୁଲୋଃନିଃ କାହା, ଲାପ୍ଡ଼ାଇନିଃ କାହା, ଆଡୋଃ ଟାକା-ପାଇସା ହାୟାନିଃ କାହା,

ତିତସ୍‌ 3:14

ଆବୁୱାଃ ହୋଡ଼ୋକୋ ହଗି ଦାର୍‍କାର୍ ଜିନିଷ୍‍କୋକେ ପୁରା ଲାଗିନ୍ତେ ବୁଗିନ୍ କାମି ରେ ତାଇନୋଃ ଶିଖାଅନ୍ କାକୋ ଏନାତେ କାଯୋକାନ୍ ଲେକା କାକୋ ହୋବାଅଃୱା।

ଇବ୍ରାନୀୟୋରେନ୍ 6:10

ଚିୟାଃଚି ପାର୍ମେଶ୍ଵାର୍ ଆନ୍ୟାୟ ରିକାନିଃ ନାହାଲି ଚି ଆପେୟାଃ କାମି, ହାର୍ ଏନ୍ ଦୁଲାଡ଼୍ କେ ରିଡ଼ିଙ୍ଗ୍ ତାଆଏ, ଅକନାଃ ଆପେ ଇନିଜାଃ ନୁତୁମ୍ ଲାଗିନ୍ ନେଲେକାତେ ଦେଖାଅ କେଦାପେ, ଯେଚି ପାବିତାର୍ ହୋଡ଼ୋକୋୱାଃ ସେୱା କେଦାପେ ଆଡୋଃ ରିକା ତାନାପେ ହଗି।

1 ପାତ୍ରାସ୍ 5:2

ଚି ପାର୍ମେଶ୍ଵାର୍ ରାଃ ଏନ୍ ଗୋଟ୍ ରାଃ, ଅକନାଃ ଆପେୟାଃ ଥାଲା ରେ ମେନାଃ ଏନାକେ ହୋରୋୟେପେ; ଆଡୋଃ ନେୟା ଦାବାବ୍ ଏତେ କାହା ମାଗାର୍ ପାର୍ମେଶ୍ଵାର୍ ରାଃ ସାନାଙ୍ଗ୍ ଲେକାତେ ରାଶିକାତାନ୍ ଲୋଃ, ଆଡୋଃ ଟାକା-ପାଇସା ହାୟା ଲାଗିନ୍ତେ କାହା ମାଗାର୍ ମୋନ୍ ଲାଗାଅ କେତେ ରିକାଏପେ।

2 ପାତ୍ରାସ୍ 2:15

ଇନ୍‍କୁ ସୋଜ୍ ହୋରା କେ ବାଗେ କେତେ ଆଦା କାନାକୋ, ଆଡୋଃ ବାଓର୍ ରାଃ ହୋନ୍ ବିଲାମ୍ ରାଃ ହୋରା କେ ସାବ୍ କାଦାକୋ, ଅକନିଃ ଆଧାର୍ମ୍ ରାଃ ନାଲା କେ ଦୁଲାଡ଼୍ କେଦାଏ।

2 ପାତ୍ରାସ୍ 2:3

ଇନ୍‍କୁ ପାଇସା ଟାକା ରାଃ ହାୟା ତେ କାଜିକୋକେ ବାଇକେତେ ଆପେକେ ଆକୋୱାଃ ଫାଏଦା ଲାଗିନ୍ ବାଇପେୟାକୋ, ଆଡୋଃ ଅକନ୍ ଦାଣ୍ଡ୍ ରାଃ ଆନାଚୁ ଇନ୍‍କୁୱାଃ ରେ ସିଦା ଏତେ ଗି ହୋବାଚୁକାଅକାନା ଏନାରାଃ ହିଜୁଃ ରେ ଜାହାନ୍ ଦେରି ବାନୋଗା, ଆଡୋଃ ଇନ୍‍କୁୱାଃ ବିନାଶ୍ କାଏ ଦୁଣୁମୋଃୱାଏ।

ଯିହୁଦା 1:11

ଇନ୍‍କୁୱାଃ ରେ ହାୟ୍! ଚିୟାଃଚି ଇନ୍‍କୁ କୈନ୍ ଲେକା ସେସେନାକୋ, ଆଡୋଃ ନାଲା ନାମେ ଲାଗିନ୍ ବିଲାମ୍ ଲେକା ବାଗ୍‍ଡ଼ାଅ ଜାନାକୋ, ହାର୍ କୋରାହ୍ କୋ ଲେକା ବିରୋଧ୍ କେତେ ନାଷ୍ଟ୍ ଜାନାକୋ।