ଫିଲିପିୟ 3:14 - ମୁଣ୍ଡା ନାୱା ନିୟାମ୍

¹⁴ ମେଏଃ ତେ ଲାଖାଅ ବାଇକାନ୍ ପାଡ଼୍ ନିର୍ ତାନିଙ୍ଗ୍, ଏନାତେ ଏନ୍ ଇନାମ୍ ନାମେୟାଇଙ୍ଗ୍ ଅକନାଃ ଲାଗିନ୍ ପାର୍ମେଶ୍ଵାର୍ ଇଙ୍ଗ୍‍କେ ମାସୀହ୍ ୟୀଶୁ ରେ ଚେତାନ୍ କେଡ଼ା କାଦିଙ୍ଗାଏ।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

¹⁴ ଏନାତେ ୟୀଶୁ ଖ୍ରୀଷ୍ଟ୍‌ଆଃ ଦେଙ୍ଗାତେ ସିର୍ମାରେୟାଃ ଜୀଦାନ୍‌ ନାମେ ନାଗେନ୍ତେ ପାର୍‌ମେଶ୍ୱାର୍‌ ଆଇଙ୍ଗ୍‌କେ କେଡ଼ାକାଦିୟାଁ, ଏନ୍‌ ନାଲା ନାମ୍‌ ନାଗେନ୍ତେ ନିର୍‌ ସେଟେର୍‌ ଠାୟାଦ୍‌ତେ ନିରେତାନା ।

ଫିଲିପିୟ 3:14 Cross References

ଲୁକା 16:16

ମୁଶା ନାବୀ ରାଃ ଆଇନ୍ ହାର୍ ନାବୀ କୋୱାଃ ସାନ୍ଦେଶ୍ ଯୋହାନ୍ ବାପ୍ତିସ୍ମା ଏହେମ୍ ନିଜାଃ ହିଜୁଃ ଜାକେଦ୍ ତାଇକେନା, ଏନ୍ ସାମାୟ୍ ଏତେ ପାର୍ମେଶ୍ଵାର୍ ରାଃ ରାଇଜ୍ ରାଃ ସୁସାମାଚାର୍ ଉଦୁବ୍ ଆଉଅଃତାନା, ଆଡୋଃ ସବେନ୍ କୋ ଏନା ରେ ପେଡ଼େଏ ତେ ବୋଲୋଃ ତାନାକୋ।

ରୋମ୍‍ରେନ୍ 11:29

ଚିୟାଃଚି ପାର୍ମେଶ୍ଵାର୍ ରାଃ ବାର୍ଦାନ୍ ହାର୍ତେ କେନେଡ଼ା ଚିଉଲା ହ କାବେକାରୋଗା।

୧ କରିନ୍ଥିୟ 9:24

ଚିନାଃ ଆପେ କାପେ ସାରିୟା ଚି ନୀନିର୍ ପିଡ଼ି ରେଦୋ ସବେନ୍ ଗିକୋ ନିରେୟା, ମେନ୍ଦୋ ଜିତାଅ ରାଃ ଯଅ ମିହୋଡ଼୍ ଗି ନାମେୟାଏ? ଆପେ ଏନ୍ ଲେକାଗି ନିରେପେ ଚି ଜିତାଅଃପେ।

୨ କରିନ୍ଥିୟ 4:17

ଚିୟାଃଚି ଆଲେୟାଃ ନେ ଘାଡ଼ିକାଃ ରାଃ ହୁଡିଙ୍ଗ୍ କାଲାଙ୍ଗ୍ ଦୁକୁ ଆଲେୟାଃ ଲାଗିନ୍ତେ ଥିମ୍ବାଗି ଖାସ୍ ଆଡୋଃ କାଟୁଣ୍ଡୁ ମାନାରାଙ୍ଗ୍ ବାଇ ଇଦିତାନାଏ;

ଫିଲିପିୟ 3:3

ଚିୟାଃଚି ଖାତ୍ନା ରିକାତାନ୍ କୋ ଦୋ ଆବୁଗି ତାନ୍‍ବୁ ଅକନ୍ କୋ ପାର୍ମେଶ୍ଵାର୍ ରାଃ ଆତ୍ମା ରାଃ ଆୟାର୍ ତେ ଆରାଧାନା ତାନାବୁ, ଆଡୋଃ ମାସୀହ୍ ୟୀଶୁ ରେ ମାରାଙ୍ଗ୍ଏନ୍ ଲେକା ଆଟ୍‍କାର୍ ତାନାବୁ, ହାର୍ତେ ହୋଡ଼ମୋ ରେ ଭାରୋସା କାବୁ ମାଣ୍ତାଅ ତାନା।

କୁଲୁସିୟୋରେନ୍ 2:18

ଜାହାନ୍ ହୋଡ଼ ଆଜାଃ ମୋନ୍ ରେ ହୁଡିଙ୍ଗ୍ ଜାନିଙ୍ଗ୍ ମେନ୍ତେ ହିଡ଼୍ କେତେ ହାର୍ ସିର୍ମାଦାସୀ ରାଃ ସେୱା ରିକା କେତେ ଆପେକେ ନୀନିର୍ ରେୟାଃ ଜିତାଅ ଯଅ କେ ଆଲୋକାଏ ରେଜେକା। ନେକାନ୍ ହୋଡ଼ ନେଲାକାନ୍ କାଜି କୋରେ ଲାଗାଅକାନ୍ ତାଇନୋଗାଏ ହାର୍ ଆୟାଃ ହୋଡ଼ମୋ ରାଃ ସେଣା ରେ ସାମାଗୀ ଘାମାଣ୍ଡ୍ ବାଡ଼ାୱାଏ।

୧ ଥେସ୍‌ଲନିକା 2:12

ଏନାତେ ଆପେୟାଃ ଚାଲ୍-ଚାଲାନ୍ ପାର୍ମେଶ୍ଵାର୍ କେ ସୁକୁଇ ଲେକା ହୋବାଅଃକା, ଅକନିଃ ଆପେକେ ଆଜାଃ ରାଇଜ୍ ଆଡୋଃ ମାନାରାଙ୍ଗ୍ ରେ କେଡ଼ାପେ ତାନାଏ।

୨ ତିମଥି 1:9

ଅକନିଃ ଆବୁକେ ବାଞ୍ଚାଅ କେଃବୁଆଏ ହାର୍ ପାବିତାର୍ ଜୀଦାନ୍ ଜୀହିଦୋଃ ନାଙ୍ଗ୍ କେଡ଼ାକେଦାଏ, ହାର୍ ନେୟା ଆବୁୱାଃ ବୁଗିନ୍ କାମିକୋ ଲେକାତେ କାହା, ମେନ୍ଦୋ ଇନିଜାଃ ମୋନ୍ ରାଃ ସାନାଙ୍ଗ୍ ଲେକାତେ ହାର୍ ଏନ୍ ଆନୁଗ୍ରାହ୍ ଲେକାତେ ତାନାଃ ଅକନାଃ ମାସୀହ୍ ୟୀଶୁ ରେ ମୁନୁ ଏତେଗି ଆବୁୱାଃ ଚେତାନ୍ ରେ ହୋବାଜାନା,

ଇବ୍ରାନୀୟୋରେନ୍ 3:1

ଏନାମେନ୍ତେ ହେ ପାବିତାର୍ ହାଗାକୋ, ଆପେ ଅକନ୍‍କୋ ସିର୍ମାଦିଶୁମ୍ କେଡ଼ା ତେୟାଃ ରେ ମେଶା କାନାପେ, ଆପେ ଏନ୍ କୁଲାକାନ୍ ନିଃ ଆଡୋଃ ମାରାଙ୍ଗ୍ ୟାଜାକ୍ ୟୀଶୁ ରେ ଅକନିଃକେ ଆବୁ ଗ୍ରାହାନ୍ ତାନାବୁ ଧେୟାନିପେ।

ଇବ୍ରାନୀୟୋରେନ୍ 6:1

ଏନାମେନ୍ତେ ହିଜୁଃପେ ମାସୀହ୍ କେ ସାରିନ୍ ତେୟାଃ ସିଦା କାଜି କୋକେ ବାଗିକେତେ ଆବୁ ପୋକ୍ତା କେଟେଃ ବାଇଏନ୍ ତେୟାଃ ଆୟୁର୍ କାଜି ପାଡ଼୍ ହାରା ଇଦିୟୋଃ କାବୁ, ଆଡୋଃ ଗୋନୋଏଃ ପାଡ଼୍ ଇଦି ତେୟାଃ ପାପ୍ କାମି କେ ବାଗେ ଲାଗିନ୍, ଆଡୋଃ ପାର୍ମେଶ୍ଵାର୍ ଚେତାନ୍ ରେ ବିଶ୍ଵାସ୍ ଲାଗିନ୍,

1 ପାତ୍ରାସ୍ 1:13

ନେୟାମେନ୍ତେ ଆପାନାଃ-ଆପାନାଃ ସେଣା ରାଃ ମାୟାଙ୍ଗ ଥୋଲ୍ କେତେ, ଆଡୋଃ ହୋସିଆର୍ ତାଇନ୍ କେତେ, ଏନ୍ ଆନୁଗ୍ରାହ୍ ରାଃ ପୁରା ଆଶ୍ରା ମାଣ୍ତାଏପେ ଅକନାଃ ୟୀଶୁ ମାସୀହ୍ ନେଲୋଃ ଇମ୍ତା ଆପେକେ ନାମୋଃ ନାଙ୍ଗ୍ ମେନାଃ।

1 ପାତ୍ରାସ୍ 5:10

ନାଆ ପାର୍ମେଶ୍ଵାର୍ ଅକନିଃ ସବେନ୍ ଆନୁଗ୍ରାହ୍ ରାଃ ଏହେମ୍ ନିଈ ତାନିଃ, ଅକନିଃ ଆପେକେ ମାସୀହ୍ ରେ ଆଜାଃ ଜାନାଓ-ଜାନାଓ ମାନାରାଙ୍ଗ୍ ଲାଗିନ୍ କେଡ଼ାକେଃପେୟାଏ, ଆପେୟାଃ ହୁଡିଙ୍ଗ୍ ସାମାୟ୍ ରାଃ ଦୁକୁ ସାହାଅ ତାୟୋମ୍ତେ ଆଏଃ ଗି ଆପେକେ ପୋକ୍ତା ହାର୍ କେଟେଃ ଆଡୋଃ ପେଡ଼େଜାନ୍ ବାଇପେୟାଏ।

2 ପାତ୍ରାସ୍ 1:3

ଚିୟାଃଚି ଇନିଜାଃ ପାର୍ମେଶ୍ଵାର୍ ପେଡ଼େଏ ସବେନାଃ କେ ଅକନାଃ ଜୀଦାନ୍ ହାର୍ ଭାକ୍ତି ରେ ଲାଗାତିଙ୍ଗ୍, ଆବୁକେ ଇନିଜାଃ ଗି ନେଲ୍ଉରୁମ୍ ହୋରାତେ ଏମାକାଃ ବୁୱାଏ, ଅକନିଃ ଆବୁକେ ଆଜାଃ ଗି ମାନାରାଙ୍ଗ୍ ହାର୍ ବୁଗିନ୍ ଗୁନ୍ ରାଃ ହୋରାତେ କେଡ଼ା କାଃବୁୱାଏ।

ଉଦୁବ୍‍କାଜି 3:21

ଅକଏ ଜିତାଅୱାଏ ଇଙ୍ଗ୍ ଇନିଃକେ ଇଙ୍ଗ୍ଆଃ ଲୋଃ ଇଙ୍ଗ୍ଆଃ ସିଂହାସାନ୍ ରେ ଦୁବିୟାଇଙ୍ଗ୍, ଜେଲେକା ଇଙ୍ଗ୍ ହ ଜିତାଅ କେତେ ଇଙ୍ଗ୍ଆଃ ଆପୁ ଲୋଃ ଇନିଜାଃ ସିଂହାସାନ୍ ରେ ଦୁବ୍ ଜାନାଇଙ୍ଗ୍।