ଫିଲିପିୟ 2:2 - ମୁଣ୍ଡା ନାୱା ନିୟାମ୍

² ଇଙ୍ଗ୍ଆଃ ନେ ରାଶିକା କେ ପୁରା ତାପେ ହାର୍ ମିଃଗି ମୋନ୍ ଲେକା ବାଇୟୋଃପେ, ହାର୍ ମିଃଗି ଦୁଲାଡ଼୍, ମିଃଗି ଜୀଉ ହାର୍ ମିଃଗି ସାନାଙ୍ଗ୍ ମାଣ୍ତାଏପେ।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

² ଏନାତେ ଆଇଙ୍ଗ୍‌ ଆପେକେ ବିନ୍ତିପେ ତାନାଇଙ୍ଗ୍‌, ମିଦ୍‌ ଉଡ଼ୁଃରେ, ମିଦ୍‌ ଦୁଲାଡ଼୍‌ରେ, ମିଦ୍‌ ଜୀଉରେ ଆଡଃ ମନ୍‌ରେ ତାଇନ୍‌କେଦ୍‌ତେ ଆପେ ଆଇଙ୍ଗ୍‌କେ ପୁରାଃତେ ସୁକୁଇଙ୍ଗ୍‌ପେ ।

ଫିଲିପିୟ 2:2 Cross References

ଯୋହାନ୍ 3:29

ଅକେୟାଃ ଦୁଲ୍‍ହୀନ୍ ତାନିଃ, ଇନିଃଗି ଦୁଲ୍‍ହା ତାନିଃ, ମେନ୍ଦୋ ଦୁଲ୍‍ହା ରାଃ ଗାତି ତିଙ୍ଗୁ କେତେ ଇନିଜାଃ ଆୟୁମ୍ ତାନାଏ, ହାର୍ ଦୁଲ୍‍ହା ରାଃ କାଜି ଆୟୁମ୍ କେତେ ପୁରାଃ ଗି ରାଶିକାଅଃ ତାନାଏ, ନାଆ ଇଙ୍ଗ୍ଆଃ ନେ ରାଶିକା ପୁରା ହୋବାଜାନା।

କୁଲାକାନ୍ 1:14

ନିକୁ ସବେନ୍ କୋ ଚିମିନାଙ୍ଗ୍ କୁଡ଼ିକୋ ଲୋଃ ଆଡୋଃ ୟୀଶୁ ରାଃ ଏଙ୍ଗା ମାରିୟାମ୍ ଆଡୋଃ ଇନିଜାଃ ହାଗାକୋ ଲୋଃ ମିୟାଃ ମୋନ୍ ହୋବାକେତେ ବିନ୍ତି ରେ ତାଇ ଜାନାକୋ।

କୁଲାକାନ୍ 2:1

ଚିମ୍ତାଙ୍ଗ୍ ୟାହୁଦୀ କୋୱାଃ ପେନ୍ତିକୋଷ୍ତ ପାରାବ୍ ରାଃ ହୁଲାଙ୍ଗ୍ ହିଜୁଃଲେନା, ଏଣ୍ଡେ ସବେନ୍ କୋ ମିୟାଃ ଜାଗା ରେ ହୁଣ୍ଡିଲେନ୍ ତାଇକେନାକୋ।

କୁଲାକାନ୍ 2:46

ହାର୍ ଇନ୍‍କୁ ସବେନ୍ ହୁଲାଙ୍ଗ୍ ମିୟାଃ ମୋନ୍ ହୋବାକେତେ ମାନ୍ଦିର୍ ନାଡ଼େଏ ଜାଗା ରେ ହୁଣ୍ଡିନ୍ ତାଇକେନାକୋ, ହାର୍ ଅଡ଼୍ଆଃ-ଅଡ଼୍ଆଃ ରେ ହୋଲୋଙ୍ଗ୍ କେଚାଃ ତାଇନାକୋ, ଏନ୍ତେ ରାଶିକା ହାର୍ ମୋନ୍ ରାଃ ଫାର୍ଚିତେ ଜୋଜୋମାଃ ଜୋମ୍ ତାଇକେନାକୋ।

କୁଲାକାନ୍ 5:12

କୁଲାକାନ୍ ଚେଲା କୋୱାଃ ତିଈ ତେ ଥିମ୍ବାଗି ଚିହ୍ନା ଆଡୋଃ ଆକ୍‍ଦାନ୍ଦା କାମି ହୋଡ଼ୋକୋୱାଃ ଥାଲା ରେ ହୋବାଅଃ ତାଇକେନା, ହାର୍ ସବେନ୍ ବିଶ୍ଵାସୀକୋ ମିଃ ମୋନ୍ ହୋବା କେତେ ସୁଲେମାନ୍ ରାଃ ପିଣ୍ଡିଗି ରେ ହୁଣ୍ଡିଅଃ ତାଇକେନାକୋ।

ରୋମ୍‍ରେନ୍ 12:16

ଆପାନ୍ ରେ ମିୟାଃଗି ମୋନ୍ ମାଣ୍ଡାଏପେ; ଆଲୋପେ ଘାମାଣ୍ଡେୟା, ମେନ୍ଦୋ ସାଧାରାନ୍ ହୁପୁଡିଙ୍ଗ୍ କୋଲୋଃ ଗାତିୟୋଃପେ; ଆପେ ଆପାନ୍ କେ ସେଣାନ୍ ଆଲୋପେ ଆଟ୍‍କାରେୟା।

୧ କରିନ୍ଥିୟ 1:10

ହେ ହାଗାକୋ, ଇଙ୍ଗ୍ ଆପେକେ ଆବୁୱାଃ ପ୍ରାଭୁ ୟୀଶୁ ମାସୀହ୍ ରାଃ ନୁତୁମ୍ ତେ ଆର୍ଜି ପେତାନିଙ୍ଗ୍ ଚି ଆପେ ସବେନ୍ କୋ ମିୟାଃଗି କାଜି କାଜିପେ, ଆଡୋଃ ଆପେ ଆଲୋ ହାଟିଙ୍ଗ୍ଅଃପେ, ମେନ୍ଦୋ ମିୟାଃଗି ମୋନ୍ ହାର୍ ମିୟାଃଗି ପାହୋମ୍ ହୋବାକେତେ ମେଶାକାନ୍ ତାଇନୋଃପେ।

୨ କରିନ୍ଥିୟ 13:11

ଏନାତେ ହେ ହାଗାକୋ, ରାଶିକା ତେ ତାଇନ୍‍ପେ; ପୋକ୍ତା ବାଇ-ଇଦିନ୍ ପେ, ସାହାସ୍ ସାବେପେ; ମିୟାଃ ଗି ମୋନ୍ ମାଣ୍ତାଏପେ; ମେଶାତେ ତାଇନ୍‍ପେ। ହାର୍ ଦୁଲାଡ଼୍ ଆଡୋଃ ଶାନ୍ତି ଏହେମ୍ ନିଃ ପାର୍ମେଶ୍ଵାର୍ ଆପେ ଲୋଃ ତାଇନୋଗାଏ।

୨ କରିନ୍ଥିୟ 2:3

ହାର୍ ଇଙ୍ଗ୍ ନେ କାଜିକେଗି ଆପେକେ ନେମେନ୍ତେ ଅଲ୍ କେଦାଇଙ୍ଗ୍ ଚି, ନେକା ଆଲୋକା ହୋବାଅଃକା ଚି, ଇଙ୍ଗ୍ ହିଜୁଃ ରେ, ଅକଏତେ ଇଙ୍ଗ୍‍କେ ସୁକୁ ନାମୋଃ ଚାହି ଇନିଃତେ ମୋନ୍ ରେ ଦୁକୁ ନାମେୟାଇଙ୍ଗ୍; ଚିୟାଃଚି ଇଙ୍ଗ୍‍କେ ଆପେ ସବେନ୍ କୋରେ ନେ କାଜି ରାଃ ଭାରୋସା ମେନାଃ, ଚି ଅକନାଃ ଇଙ୍ଗ୍ଆଃ ରାଶିକା ତାନାଃ, ଏନାଗି ଆପେୟାଃ ହଗି ତାନାଃ।

୨ କରିନ୍ଥିୟ 7:7

ହାର୍ ଇନିଜାଃ ହିଜୁଃତେ ଭାଇର୍ କାହା ମେନ୍ଦୋ ଇନିଜାଃ ଏନ୍ ଯୋଶ୍ ତେହଗି, ଅକନାଃ ତିତୁସ୍ କେ ଆପେୟାଃ ପାଡ଼େତେ ନାମ୍ ଲେନା। ଇନିଃ ଆପେୟାଃ ଇଙ୍ଗ୍ ଲୋଃ ନେଲ୍ ସାନାଙ୍ଗ୍ କେ, ଆଡୋଃ ଆପେୟାଃ ଦୁକୁକାନ୍ କେ ଆଡୋଃ ଆପେ ଇଙ୍ଗ୍‍କେ ନାମ୍ ସାନାଙ୍ଗ୍ ରାଃ ଚିମ୍ତାଙ୍ଗ୍ ଉଦୁବ୍ କେଦିଙ୍ଗ୍ଆଏ, ଇଙ୍ଗ୍ ଥିମ୍ବାଗି ରାଶିକା ଜାନିଙ୍ଗ୍।

ଫିଲିପିୟ 1:4

ଆଡୋଃ ରାଶିକା ଲୋଃ ଇଙ୍ଗ୍ଆଃ ସବେନ୍ ବିନ୍ତି କୋରେ ଆପେ ସବେନ୍ କୋ ଲାଗିନ୍ ସାଦାଏଗି ପାର୍ମେଶ୍ଵାର୍ ଦେଙ୍ଗା କାଏ ମେନ୍ତେ ଆର୍ଜି ତାନିଙ୍ଗ୍।

ଫିଲିପିୟ 2:16

ଏନାତେ ମାସୀହ୍ ରାଃ ହୁଲାଙ୍ଗ୍ ଇଙ୍ଗ୍ ମାରାଙ୍ଗ୍ ଜାନିଙ୍ଗ୍ ଲେକା ପାହୋମେ ୟାଇଙ୍ଗ୍ ଚି ଇଙ୍ଗ୍ଆଃ ନୀନିର୍ ହାର୍ ନା ଇଙ୍ଗ୍ଆଃ କାମି ସାମାଗୀ କା ହୋବାନା।

ଫିଲିପିୟ 2:20

ଚିୟାଃଚି ଇଙ୍ଗ୍ ତାଃରେ ନେଲେକାନ୍ ହୋଡ଼ ଜେତାଏ ବାଙ୍ଗ୍ କୋୱା ଅକନିଃ ସାଫା ମୋନ୍ ତେ ଆପେୟାଃ ନାଙ୍ଗ୍ ପାହୋମ୍ ପେୟାଏ।

ଫିଲିପିୟ 4:2

ଇଙ୍ଗ୍ ୟୁଅଦିୟା ହାର୍ ସୋନ୍ତୁଖେ ବାରାନ୍ ମିଶିୟାକିନ୍‍କେ ବୁଝାଅକିନ୍ ତାନିଙ୍ଗ୍, ଚି ଇନ୍‍କିନ୍ ପ୍ରାଭୁ ରେ ମିଃ ମୋନ୍ ତାଇନ୍ କାକିନ୍।

କୁଲୁସିୟୋରେନ୍ 2:5

ହୋଡ଼ମୋ ଲେକାତେ ଆପେ ତେ ସାଙ୍ଗିନ୍ ରେ ମେନାଇଙ୍ଗ୍ ରେହଗି, ଆତ୍ମା ଲେକାତେ ଆପେୟାଃ ନାଡ଼େଏ ରେଗିୟାଇଙ୍ଗ୍, ଆଡୋଃ ଆପେୟାଃ ନିୟାମ୍ ମାନାତିଙ୍ଗ୍ କେ ଆଡୋଃ ଆପେୟାଃ ବିଶ୍ଵାସ୍ କେ ଅକନାଃ ମାସୀହ୍ ରେ କେଟେଃ ମେନାଃ ନେଲ୍‍କେତେ ସୁକୁୟୋଃ ତାନିଙ୍ଗ୍।

୨ ଥେସ୍‌ଲନିକା 2:13

ହେ ହାଗାକୋ, ଆଡୋଃ ପ୍ରାଭୁ ଆଃ ଦୁଲାଡ଼ାନ୍ ହୋଡ଼ୋକୋ, ଆଲେ ଆପେୟାଃ ବିଷାୟ୍ ରେ ସବେନ୍ ଇମ୍ତାଙ୍ଗ୍ ପାର୍ମେଶ୍ଵାର୍ ରାଃ ଧାନ୍ୟାବାଦ୍ ରିକା କାତେୟାଲେ ଏନା ଲାଗାତିଙ୍ଗ୍ ମେନାଃ, ଚିୟାଃଚି ପାର୍ମେଶ୍ଵାର୍ ଆପେକେ ମୁନୁ ଏତେ ସାଲାକାଃ ପେୟାଏ ଚି ଆତ୍ମା ରାଃ ହୋରାତେ ପାବିତାର୍ ବାଇକେତେ, ସାର୍ତି କେ ପାତି କେତେ ବାଞ୍ଚାଅ ନାମେପେ,

୨ ତିମଥି 1:4

ହାର୍ ଆମାଃ ରାଆ କୋକେ ମୋନେ କେତେ ନିଦା ଶିଙ୍ଗି ଆମାଃ ଲୋଃ ନାପାମ୍ ଲାଗିନ୍ତେ ସାନାଙ୍ଗ୍ ତାନିଙ୍ଗ୍ ଚି ରାଶିକା ତେ ଫେରେଃ କୋୱାଇଙ୍ଗ୍।

ଫିଲେମୋନ୍ 1:20

ହେ ଦୁଲାଡ଼୍ ହାଗା, ନେ ରାଶିକା ଇଙ୍ଗ୍‍କେ ପ୍ରାଭୁ ରେ ଆମ୍ ପାଡ଼େତେ ନାମୋଃଚା। ମାସୀହ୍ ରେ ଇଙ୍ଗ୍ଆଃ ଜୀଉ କେ ସାହାସ୍ ତେ ଫେରେଃ ତାମେ।

2 ଯୋହାନ୍ 1:4

ଇଙ୍ଗ୍ ଥିମ୍ବାଗି ରାଶିକା ଜାନିଙ୍ଗ୍ ଚିମ୍ତା ଇଙ୍ଗ୍ ଆମାଃ ଚିମିନ୍ ହୋନ୍ କୋକେ ଏନ୍ ଆନାଚୁ ରାଃ ଲେକାତେ ସାର୍ତି ରେ ସେସେନ୍ ତାନ୍ ନାମ୍ କେଃକୋୱାଇଙ୍ଗ୍, ଅକନାଃ ଆବୁକେ ଆପୁ ପାଡ଼େତେ ନାମ୍ ଲେନା।

3 ଯୋହାନ୍ 1:4

ଇଙ୍ଗ୍‍କେ ନେୟାତେ ଥିମ୍ବା ଆଡୋଃ ଜେତାନ୍ ରାଶିକା ବାନୋଃ ଚି ଇଙ୍ଗ୍ ଆୟୁମେୟାଇଙ୍ଗ୍, ଯେ ଇଙ୍ଗ୍ଆଃ ହୋନ୍‍କୋ ସାର୍ତି ରେ ସେସେନ୍ ତାନାକୋ।