ଫିଲିପିୟ 2:1 - ମୁଣ୍ଡା ନାୱା ନିୟାମ୍

¹ ଏନାମେନ୍ତେ ଆଗାର୍ ମାସୀହ୍ ରେ ଜାହାନ୍ ଜୀଉସୁକୁ, ହାର୍ ଦୁଲାଡ଼୍ ଏତେ ସାହାସ୍ ହାର୍ ପାବିତାର୍ ଆତ୍ମା ଲୋଃ ମିଃତେ ତାଇନ୍ ହାର୍ ଜାହାନ୍ ନାରାମ୍ ହାର୍ ଦାୟା ମେନାଃ ରେଦୋ,

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

¹ ଆପେ ଖ୍ରୀଷ୍ଟ୍‌ଆଃ ମେନେସା ହରାତେ ଆପେୟାଃ ଜୀଦାନ୍‌ରେ କେଟେଦ୍‌କାନାପେ, ଆଡଃ ଆୟାଃ ଦୁଲାଡ଼୍‌ ଆପେକେ ଜୀଉରାଡ଼େଃ ଏମାପେତାନାଏ । ଆପେ ପାବିତାର୍‌ ଆତ୍ମାଲଃ ମେନେସାରେ ମେନାପେୟା ଆଡଃ ଆପେୟାଃ ମିହୁଡ଼୍‌ ଆଡଃମିହୁଡ଼୍‌ଲଃ ଲିନିବୁଇ ଆଡଃ ଦାୟା ମେନାଃ ।

ଫିଲିପିୟ 2:1 Cross References

ଲୁକା 2:25

ଏନ୍ ସାମାୟ୍ ୟୀରୁଶାଲେମ୍ ରେ ସିମିୟୋନ୍ ନୁତୁମ୍ ମିୟାଃ ହୋଡ଼ ତାଇକେନାଏ, ହାର୍ ଏନ୍ ହୋଡ଼ ଧାର୍ମୀ ଆଡୋଃ ପାର୍ମେଶ୍ଵାର୍ କେ ମାନାତିଙ୍ଗ୍ ନିଈ ତାଇକେନାଏ, ଆଡୋଃ ଇସ୍ରାଏଲ୍ ଦିଶୁମ୍ ରେନ୍ ହୋଡ଼ୋକୋ ଶାନ୍ତି ନାମେ ୟାକୋ ମେନ୍ତେ ମାସୀହ୍ କେ ହୋରୋ ତାଇନାଏ, ଆଡୋଃ ପାବିତାର୍ ଆତ୍ମା ଇନିଜାଃ ଲୋଃ ତାଇକେନାଏ।

ଯୋହାନ୍ 14:18

ଇଙ୍ଗ୍ ଆପେକେ ଟୁୱାର୍ ଲେକା କାଇଙ୍ଗ୍ ବାଗେପେୟା, ଇଙ୍ଗ୍ ଆପେତାଃ ହିଜୁଃ ତାନିଙ୍ଗ୍।

ଯୋହାନ୍ 14:27

ଇଙ୍ଗ୍ ଆପେକେ ଜୀଉସୁକୁ ଏମ୍ ତୁକାପେ ତାନିଙ୍ଗ୍, ଇଙ୍ଗ୍ଆଃ ଜୀଉସୁକୁ ଆପେକେ ଏମାପେ ତାନିଙ୍ଗ୍। ଚିଲ୍‍କା ଅତେଦିଶୁମ୍ ଏମାପେୟାଏ ଇଙ୍ଗ୍ ଆପେକେ କାଇଙ୍ଗ୍ ଏମାପେ ତାନା। ଆପେୟାଃ ମୋନ୍ ଆଲୋ ଆକ୍‍ବାକାଅଃ କା ହାର୍ ଆଲୋପେ ବୋରୋଏ।

ଯୋହାନ୍ 17:13

ନାଆ ଇଙ୍ଗ୍ ଆମାଃ ତାଃ ହିଜୁଃ ତାନିଙ୍ଗ୍, ଆଡୋଃ ନେ ବାକାଣ୍ ଅତେଦିଶୁମ୍ ରେ କାଜିତାନିଙ୍ଗ୍, ଚି ଇନ୍‍କୁ ଇଙ୍ଗ୍ଆଃ ରାଶିକା ଆକୋ ଆପାନାଃ ରେ ଫେରେଃଗି ନାମେକାକୋ।

କୁଲାକାନ୍ 2:46

ହାର୍ ଇନ୍‍କୁ ସବେନ୍ ହୁଲାଙ୍ଗ୍ ମିୟାଃ ମୋନ୍ ହୋବାକେତେ ମାନ୍ଦିର୍ ନାଡ଼େଏ ଜାଗା ରେ ହୁଣ୍ଡିନ୍ ତାଇକେନାକୋ, ହାର୍ ଅଡ଼୍ଆଃ-ଅଡ଼୍ଆଃ ରେ ହୋଲୋଙ୍ଗ୍ କେଚାଃ ତାଇନାକୋ, ଏନ୍ତେ ରାଶିକା ହାର୍ ମୋନ୍ ରାଃ ଫାର୍ଚିତେ ଜୋଜୋମାଃ ଜୋମ୍ ତାଇକେନାକୋ।

କୁଲାକାନ୍ 4:32

ସବେନ୍ ବିଶ୍ଵାସ୍ ତାନ୍ କୋୱାଃ ମିଃଗି ମୋନ୍ ହାର୍ ମିଃଗି ପାହୋମ୍ ତାଇକେନା, ନିମିନ୍ ସାନ୍ତେ ଚି ଜେତାଏ ଆଜାଃ ସାମ୍ପାତି କେ ଆଜାଃ ତାନାଃ ମେନ୍ତେ କାଏ କାଜି ତାଇନା, ମେନ୍ଦୋ ସବେନ୍ ଜିନିଷ୍‍କୋ ସାମାନ୍ ହାର୍ ସବେନ୍ କୋ ନାଙ୍ଗ୍ ତାଇକେନା।

ରୋମ୍‍ରେନ୍ 5:5

ହାର୍ ଆଶ୍ରା ତେ ଗିୟୁଃ କାହୋବାୱା, ଚିୟାଃଚି ପାବିତାର୍ ଆତ୍ମା ଅକନାଃ ଆବୁକେ ଏମାକାନା ଇନିଜାଃ ହୋରାତେ ପାର୍ମେଶ୍ଵାର୍ ରାଃ ଦୁଲାଡ଼୍ ଆବୁୱାଃ ମୋନ୍ ରେ ସାଜୁକାନା।

ରୋମ୍‍ରେନ୍ 8:26

ନେଲେକାତେଗି ଆତ୍ମା ଅଗି ଆବୁୱାଃ ନାରାଦୁରା ଇମ୍ତାରେ ଦେଙ୍ଗାବୁ ତାନାଏ: ଚିୟାଃଚି ଆବୁ କାବୁ ସାରିୟା ଚି ବିନ୍ତି ଚିଲ୍‍କା ରିକା ଚାହି, ମେନ୍ଦୋ ଆତ୍ମା ଆଏଃଗି ନେକା ଗେରାଙ୍ଗ୍ କେତେ ଅକନାଃ କାଜିତେ କାଉଦୁବ୍ ଧାଡ଼ିୟୋଗା, ଆବୁ ଲାଗିନ୍ତେ ଆର୍ଜି ରିକା ତାନାଏ;

୧ କରିନ୍ଥିୟ 12:13

ଚିୟାଃଚି ଆବୁ ସବେନ୍ କୋ ଚାହେ ୟାହୁଦୀକୋ, ଚାହେ ୟୁନାନୀ ହୋଡ଼ୋକୋ, ଚାହେ ଦାସୀକାନାବୁ, ଚାହେ କାବୁଦାସିକାନା, ମିୟାଃଗି ଆତ୍ମା ରାଃ ହୋରାତେ ମିୟାଃଗି ହୋଡ଼ମୋ ହୋବାଲାଗିନ୍ତେ ବାପ୍ତିସ୍ମା ଇଦିକେଦାବୁ, ହାର୍ ଆବୁ ସବେନ୍ କୋକେ ମିୟାଃଗି ଆତ୍ମା ନାମ୍ ଜାନା।

୧ କରିନ୍ଥିୟ 15:31

ହେ ହାଗାକୋ, ଇଙ୍ଗ୍‍କେ ଏନ୍ ଘାମାଣ୍ଡ୍ ରାଃ କିରିୟା ଜୋମ୍ କେତେ କାଜି ତାନିଙ୍ଗ୍, ଅକନାଃ ଚି ଆବୁୱାଃ ମାସୀହ୍ ୟୀଶୁ ରେ ଇଙ୍ଗ୍ ଆପେୟାଃ ବିଷାୟ୍ ରେ ରିକାତାନିଙ୍ଗ୍ ଚି ଇଙ୍ଗ୍ ସବେନ୍ ହୁଲାଙ୍ଗ୍ ଗୋଜୋଃ ତାନିଙ୍ଗ୍।

୧ କରିନ୍ଥିୟ 3:16

ଚିନାଃ ଆପେ କାପେ ସାରିତାନା ଚି ଆପେ ପାର୍ମେଶ୍ଵାର୍ ରାଃ ମାନ୍ଦିର୍ ତାନ୍‍ପେ, ହାର୍ ପାର୍ମେଶ୍ଵାର୍ ରାଃ ଆତ୍ମା ଆପେ ରେ ତାଇନୋଃ ତାନାଏ?

୨ କରିନ୍ଥିୟ 13:14

ପ୍ରାଭୁ ୟୀଶୁ ମାସୀହ୍ ରାଃ ଆନୁଗ୍ରାହ୍ ହାର୍ ପାର୍ମେଶ୍ଵାର୍ ରାଃ ଦୁଲାଡ଼୍ ହାର୍ ପାବିତାର୍ ଆତ୍ମା ରାଃ ମିଃତେ ତାଇନ୍ ଆପେ ସବେନ୍ କୋଲୋଃ ହୋବା ଇଦିୟୋଃକା।

୨ କରିନ୍ଥିୟ 2:14

ମେନ୍ଦୋ ପାର୍ମେଶ୍ଵାର୍ ରାଃ ଧାନ୍ୟାବାଦ୍ ହୋବାଅଃକା ଅକନିଃ ମାସୀହ୍ ରେ ସବେନ୍ ଇମ୍ତା ଆଲେକେ ଜିତାଅ ରାଃ ପାରାବ୍ ରେ ଇଦି ହୋନୋର୍ ୟାଏ, ହାର୍ ଆଜାଃ ସେଣା ରାଃ ବୁଗିନ୍ ସୋୱାନ୍ ତେ ଆଲେୟାଃ ହୋରାତେ ସବେନ୍ ଜାଗା ତାଃ ପାସ୍ରାଅ ୟାଏ।

ଗାଲାତିୟ 4:6

ଆଡୋଃ ଆପେ ଅକନ୍ କୋଚି ହୋନ୍ କୋ ତାନ୍‍ମେ, ଏନାମେନ୍ତେ ପାର୍ମେଶ୍ଵାର୍ ଆଜାଃ ହୋନ୍‍କଡ଼ା ରାଃ ଆତ୍ମା କେ, ଅକନିଃ “ହେ ଆବା, ହେ ଆପୁ” କାଜିକେତେ କେଡ଼ାୟାଏ, ଆବୁୱାଃ ମୋନ୍ ରେ କୁଲ୍ କିଜାଏ।

ଗାଲାତିୟ 5:22

ମେନ୍ଦୋ ଆତ୍ମା ରାଃ ଯଅ ଦୁଲାଡ଼୍, ରାଶିକା, ମେଶା, ସାହାତିଙ୍ଗ୍, ଆଡୋଃ ଦାୟା, ବୁଗିନାଃ, ବିଶ୍ଵାସ୍,

ଏଫିସିୟ 4:4

ହୋଡ଼ମୋ ମିୟାଃ ଗିୟାଃ, ହାର୍ ଆତ୍ମା ମିୟାଃ ଗିୟାଃ; ଏନ୍ ଲେକାଗି ଆପେ ହଗି ମିୟାଃ କାଜି ରେ ଆଶ୍ରା ଏପେ ମେନ୍ତେ କେଡ଼ା ଲେନ୍ ତାଇକେନାପେ।

ଫିଲିପିୟ 1:8

ନେୟା ରେ ପାର୍ମେଶ୍ଵାର୍ ଇଙ୍ଗ୍ଆଃ ଗୋୱା ତାନିଃ ଚି ଇଙ୍ଗ୍ ମାସୀହ୍ ୟୀଶୁ ଲେକା ଦୁଲାଡ଼୍ ମାଣ୍ଡାଅ କେତେ ଆପେ ସବେନ୍ କୋଲୋଃ ନାପାମ୍ ସାନାଙ୍ଗ୍ ତାନିଙ୍ଗ୍।

ଫିଲିପିୟ 3:3

ଚିୟାଃଚି ଖାତ୍ନା ରିକାତାନ୍ କୋ ଦୋ ଆବୁଗି ତାନ୍‍ବୁ ଅକନ୍ କୋ ପାର୍ମେଶ୍ଵାର୍ ରାଃ ଆତ୍ମା ରାଃ ଆୟାର୍ ତେ ଆରାଧାନା ତାନାବୁ, ଆଡୋଃ ମାସୀହ୍ ୟୀଶୁ ରେ ମାରାଙ୍ଗ୍ଏନ୍ ଲେକା ଆଟ୍‍କାର୍ ତାନାବୁ, ହାର୍ତେ ହୋଡ଼ମୋ ରେ ଭାରୋସା କାବୁ ମାଣ୍ତାଅ ତାନା।

କୁଲୁସିୟୋରେନ୍ 2:2

ଏନାତେ ଇନ୍‍କୁୱାଃ ମୋନ୍ ରେ ସାହାସ୍ ନାମୋଃକା ଆଡୋଃ ଇନ୍‍କୁ ଦୁଲାଡ଼୍ ତେ ଆକୋରେ ଥୋଲାକାନ୍ ତାଇନୋଃ କାକୋ, ଆଡୋଃ ଇନ୍‍କୁ ପୁରା ସେଣା ତେ କିଶାଣ୍‍ଅଃ କାକୋ, ଆଡୋଃ ପାର୍ମେଶ୍ଵାର୍ ଆପୁ ରାଃ ମୁଣ୍ଡି କେ ମାନେ ମାସୀହ୍ କେ ନେଲ୍ଉରୁମି କାକୋ।

କୁଲୁସିୟୋରେନ୍ 3:12

ଏନାମେନ୍ତେ ପାର୍ମେଶ୍ଵାର୍ ରାଃ ସାଲାକାନ୍ ହୋଡ଼ୋକୋୱାଃ ଲେକା ଅକନ୍‍କୋ ପାବିତାର୍ ହାର୍ ଦୁଲାଡ଼ାନ୍ ମେନାକୋୱା, ମାରାଙ୍ଗ୍ ଲିବୁଇ, ହାର୍ ବୁଗିନାଃ ହାର୍ ମୋନ୍ ରେ ହୁଡିଙ୍ଗ୍ଏନ୍, ହାର୍ ନାରାମ୍ ହାର୍ ସାହାତିଙ୍ଗ୍ ପେଡ଼େଏ କେ ତୁସିଙ୍ଗ୍ଏନ୍‍ପେ।

ଇବ୍ରାନୀୟୋରେନ୍ 6:18

ଏନାତେ ବାରିୟା କାବାଦ୍‍ଲାଅଃ କାଜି ରାଃ ହୋରାତେ, ଏନାରେ ପାର୍ମେଶ୍ଵାର୍ ଲୋଗୋ କାଏ ଧାଡ଼ିୟାଏ, ଆବୁୱାଃ ମୋନ୍ ପୋକ୍ତା ତେ ସାହାସ୍ ସାବେକାଏ, ଆବୁଦୋ ନାଡ଼େଏ ରେ ତେୟାର୍ କାନ୍ ଆଶ୍ରା କେବୁ ସାବ୍‍ଜୋମା ମେନ୍ତେ ନିର୍ କାଦାବୁ।

1 ପାତ୍ରାସ୍ 1:2

ଆଡୋଃ ପାର୍ମେଶ୍ଵାର୍ ଆପୁ ଆଃ ଆୟୁର୍ ତେଗି ସାରିତେୟାଃ ସେଣା ଲେକାତେ, ପାବିତାର୍ ଆତ୍ମା ରାଃ ପାବିତାର୍ ରିକାତେ ଆନାଚୁ ମାନାତିଙ୍ଗ୍ ଲାଗିନ୍ ଆଡୋଃ ୟୀଶୁ ମାସୀହ୍ ରାଃ ମାୟୋମ୍ କେ ହିର୍ଚିୟୋଃ ଲାଗିନ୍ ସାଲାକାନାକୋ। ଆପେକେ ଆନୁଗ୍ରାହ୍ ହାର୍ ଜୀଉସୁକୁ ଥିମ୍ବା ତେଗି ନାମ୍ କାତୋଃକା।

1 ଯୋହାନ୍ 3:24

ଅକଏ ଇନିଜାଃ ଆନାଚୁ କେ ମାନାତିଙ୍ଗ୍ ତାନାଏ, ଇନିଃ ପାର୍ମେଶ୍ଵାର୍ ରେ, ହାର୍ ପାର୍ମେଶ୍ଵାର୍ ଇନିଜାଃ ରେ ବାଇ ତାଇନୋଃୱାଏ; ହାର୍ ଏନାତେଗୀ, ମାନେ ଏନ୍ ପାବିତାର୍ ଆତ୍ମା ତେ ଅକନିଃ କେ ଇନିଃ ଆବୁକେ ଏମାକାଃବୁୱାଏ, ଆବୁ ସାରିୟାବୁ ଚି ଇନିଃ ଆବୁୱାଃ ରେ ବାଇତାଇନୋଃ ତାନାଏ।

1 ଯୋହାନ୍ 4:12

ପାର୍ମେଶ୍ଵାର୍ କେ ଜେତାଏ ଚିଉଲା ହ କାଏ ନେଲ୍ କାଇଜା: ଆଗାର୍ ଆବୁ ଆବୁୱାଃ ଥାଲା ରେ ଦୁଲାଡ଼୍ ମାଣ୍ତାଅୟାବୁ, ଏଣ୍ଡେ ପାର୍ମେଶ୍ଵାର୍ ଆବୁୱାଃ ରେ ବାଇ ତାଇନୋଗାଏ ହାର୍ ଇନିଜାଃ ଦୁଲାଡ଼୍ ଆବୁୱାଃ ରେ ପୁରା ହୋବାଜାନା।

1 ଯୋହାନ୍ 4:16

ଅକନ୍ ଦୁଲାଡ଼୍ ପାର୍ମେଶ୍ଵାର୍ ଆବୁ ଲୋଃ ମାଣ୍ତାଅୟାଏ, ଏନାକେ ଆବୁ ସାରିକେଦାବୁ ହାର୍ ଆବୁକେ ଇନିଜାଃ ରେ ବିଶ୍ଵାସ୍ ମେନାଃ। ପାର୍ମେଶ୍ଵାର୍ ଦୁଲାଡ଼୍ ତାନିଃ, ହାର୍ ଅକଏ ଦୁଲାଡ଼୍ ରେ ବାଇ ତାଇନୋଗାଏ ଇନିଃ ପାର୍ମେଶ୍ଵାର୍ ରେ ବାଇ ତାଇନୋଗାଏ, ହାର୍ ପାର୍ମେଶ୍ଵାର୍ ଇନ୍‍କୁ ରେ ବାଇ ତାଇନୋଗାଏ।