ଫିଲିପିୟ 1:6 - ମୁଣ୍ଡା ନାୱା ନିୟାମ୍

⁶ ଇଙ୍ଗ୍‍କେ ନେ କାଜି ରାଃ ଭାରୋସା ମେନାଃ ଚି ପାର୍ମେଶ୍ଵାର୍ ଅକନିଃ ଆପେ ରେ ବୁଗିନ୍ କାମି ଏଟେଃ କେଦାଏ, ଇନିଃଗି ଏନାକେ ୟୀଶୁ ମାସୀହ୍ ରାଃ ହୁଲାଙ୍ଗ୍ ସାନ୍ତେ ପୁରାୟାଏ।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

⁶ ଆଡଃ ଆଇଙ୍ଗ୍‌ ପୁରାଃ ପକ୍‌ତାକେଦ୍‌ତେ ବିଶ୍ୱାସ୍‌ ତାନାଇଙ୍ଗ୍‌, ଅକନ୍‌ ପାର୍‌ମେଶ୍ୱାର୍‌ ଆପେରେ ବୁଗିନ୍‌ କାମି କାମି ଏଟେଦ୍‌କାଦାଏ, ୟୀଶୁ ଖ୍ରୀଷ୍ଟ୍‌ରାଃ ହିଜୁଃଦିପିଲି ହୁଲାଙ୍ଗ୍‌ରେ ନେଆଁ ଚାବାଃଅ ଜାକେଦ୍‌ ଇନିଃ ଏନାକେ ପୁରାଏୟା ।

ଫିଲିପିୟ 1:6 Cross References

ଯୋହାନ୍ 6:29

ୟୀଶୁ ଇନ୍‍କୁକେ କାଜିରୁଆଡ଼୍ କେଃକୋୱାଏ, “ପାର୍ମେଶ୍ଵାର୍ ରାଃ କାମି ନେୟା ତାନାଃ ଚି ଆପେ ଇଙ୍ଗ୍‍କେ ବିଶ୍ଵାସ୍ ଏପେ, ଅକଏ ଆଏଃ କୁଲା କାଦିଙ୍ଗ୍ଆଏ।”

କୁଲାକାନ୍ 11:18

ନେୟା ଆୟୁମ୍‍କେତେ ଇନ୍‍କୁ ହାପା ତାଇଜାନାକୋ, ହାର୍ ପାର୍ମେଶ୍ଵାର୍ ରାଃ ମାନାରାଙ୍ଗ୍ ତାନ୍ ଲୋଃ କାଜିକେଦାକୋ, “ଏଣ୍ଡେ ଦୋ ପାର୍ମେଶ୍ଵାର୍ ଏଟାଃଜାତି କୋକେ ହଗି ଜାନାଓ ଜୀଦାନ୍ ନାମେ ଲାଗିନ୍ତେ ପାପ୍ କାମି ବାଗେ ରାଃ ଦାନ୍ ଏମ୍‍କେଦାଏ।”

କୁଲାକାନ୍ 16:14

ଲୁଦିୟା ନୁତୁମ୍ ଥୁୱାଥିରା ସାହାର୍ ରେନ୍ ଟୋକୋରାଙ୍ଗ୍ ରାଃ ଲିଜାଃ ଆଖ୍ରିଙ୍ଗ୍ ତାନ୍ ମିହୋଡ଼୍ ପାର୍ମେଶ୍ଵାର୍ କେ ବୋରୋତାନ୍ କୁଡ଼ି ଆୟୁମ୍ ତାଇକେନାଏ। ପ୍ରାଭୁ ଇନିଜାଃ ମୋନ୍ କେ ଖଲାଅ କେଦାଏ ଚି ଇନିଃ ପାଉଲୁସ୍ ରାଃ ବାକାଣ୍ ରେ ମୋନ୍ ଲାଗାଅ କାଏ।

୧ କରିନ୍ଥିୟ 1:8

ପାର୍ମେଶ୍ଵାର୍ ଆପେକେ ଟୁଣ୍ଡୁ ସାନ୍ତେ ହ କେଟେଃ ରିକାୟାଏ ଏନାତେ ଆପେ ଆବୁୱାଃ ପ୍ରାଭୁ ୟୀଶୁ ମାସୀହ୍ ରାଃ ହିଜୁଃ ହୁଲାଙ୍ଗ୍ ସାନ୍ତେ ନିର୍ଦୋଷ୍ ତାଇନୋଃୱାପେ।

୨ କରିନ୍ଥିୟ 1:15

ଏନ୍ ଭାରୋସା ଏତେଗି ଇଙ୍ଗ୍ ସାନାଙ୍ଗ୍ ତାଇକେନାଇଙ୍ଗ୍ ଚି ସିଦା ଆପେୟାଃ ତାଃ ସେନାଇଙ୍ଗ୍ ଏନାତେ ଆପେ ବାର୍ସା ଆଶିଷ୍ ନାମେ ୟାପେ;

୨ କରିନ୍ଥିୟ 2:3

ହାର୍ ଇଙ୍ଗ୍ ନେ କାଜିକେଗି ଆପେକେ ନେମେନ୍ତେ ଅଲ୍ କେଦାଇଙ୍ଗ୍ ଚି, ନେକା ଆଲୋକା ହୋବାଅଃକା ଚି, ଇଙ୍ଗ୍ ହିଜୁଃ ରେ, ଅକଏତେ ଇଙ୍ଗ୍‍କେ ସୁକୁ ନାମୋଃ ଚାହି ଇନିଃତେ ମୋନ୍ ରେ ଦୁକୁ ନାମେୟାଇଙ୍ଗ୍; ଚିୟାଃଚି ଇଙ୍ଗ୍‍କେ ଆପେ ସବେନ୍ କୋରେ ନେ କାଜି ରାଃ ଭାରୋସା ମେନାଃ, ଚି ଅକନାଃ ଇଙ୍ଗ୍ଆଃ ରାଶିକା ତାନାଃ, ଏନାଗି ଆପେୟାଃ ହଗି ତାନାଃ।

୨ କରିନ୍ଥିୟ 7:16

ଇଙ୍ଗ୍ ରାଶିକା ମେନାଇଙ୍ଗ୍ ଚିୟାଃଚି ଇଙ୍ଗ୍‍କେ ସବେନ୍ କାଜି ରେ ଆପେୟାଃ ଚେତାନ୍ ରେ ଭାରୋସା ମେନାଃ।

୨ କରିନ୍ଥିୟ 9:4

ନେଲେକା ଆଲୋକା ହୋବାଅଃକା ଚି, ଆଗାର୍ ମାକିଦୁନିୟା ରାଇଜ୍ ରେନ୍ ଜାହାନ୍ ବିଶ୍ଵାସୀ ଇଙ୍ଗ୍ ଲୋଃ ହିଜୁଃ ୱାଏ ହାର୍ ଆପେକେ ସାପ୍ଡ଼ାଅକାନ୍ କାଏ ନାମେୟାଏ, ଏଣ୍ଡେ ହୋବା ଧାଡ଼ିୟୋଃୱା ନେ ଭାରୋସା ରାଃ ଚାଲ୍ତେ ଆଲେ (ନେୟା କାଲେ କାଜିତାନା ଚି ଆପେ) ଗିୟୁଗୋଃୱାଲେ।

ଗାଲାତିୟ 5:10

ଇଙ୍ଗ୍ ପ୍ରାଭୁ ତାଃ ଆପେୟାଃ ବିଷାୟ୍ ରେ ଭାରୋସା ଦୋହୋ ତାନିଙ୍ଗ୍ ଚି ଆପେୟାଃ ଆଡୋଃ ଏଟାଃ ବିଚାର୍ କାହୁୟୋଃୱା; ମେନ୍ଦୋ ଅକଏ ଆପେକେ ମୋନ୍ ରେ ଆକ୍‍ବାକାଅ ତାନାଏ, ଇନିଃ ଜାହାଁଏ ଗି ତାଇନୋଃ କାଏ ଦାଣ୍ଡ୍ ନାମେୟାଏ।

ଏଫିସିୟ 4:12

ଏନାତେ ପାବିତାର୍ ହୋଡ଼ୋକୋ ସେକାଡ଼େନ୍ କାକୋ ହାର୍ ସେୱା ରାଃ କାମି ରିକାଅଃକା ହାର୍ ମାସୀହ୍ ରାଃ ହୋଡ଼ମୋ ବାଇ ଇଦିୟୋଃକା।

ଫିଲିପିୟ 1:10

ନେତାଃ ସାନ୍ତେ ଚି ଆପେ ବେଶ୍ ତେ ବେଶ୍ କାଜିକୋକେ ସୁକୁଅଃପେ, ହାର୍ ମାସୀହ୍ ରାଃ ହୁଲାଙ୍ଗ୍ ସାନ୍ତେ ଫାର୍ଚିକାନ୍ ବାଇତାଇନ୍ ପେ, ଆଡୋଃ ଆଲୋପେ ଦୋଷୀୟୋଃୱା।

ଫିଲିପିୟ 1:29

ଚିୟାଃଚି ମାସୀହ୍ ରାଃ ହୋରାତେ ଆପେୟାଃ ରେ ନେୟା ଆନୁଗ୍ରାହ୍ ହୋବାକାନା ଚି ଏନାରେ ବିଶ୍ଵାସ୍ ଏପେ ଏନା ଭାଇର୍ କାହା ମେନ୍ଦୋ ଇନିଜାଃ ଲାଗିନ୍ତେ ଦୁକୁ ଅଗି ସାହାତିଙ୍ଗ୍ଏପେ।

ଫିଲିପିୟ 2:12

ଏନାମେନ୍ତେ ହେ ଦୁଲାଡ଼୍‍କୋ, ଜେଲେକାତେ ଆପେ ସାଦାଏଗି କାଜି ମାନାତିଙ୍ଗ୍ ତାନାପେ, ଏନ୍ ଲେକାଗି ନାଆ ହଗି ଇଙ୍ଗ୍ଆଃ ଆପେ ଲୋଃ ତାଇନ୍ ଇମ୍ତା ଭାଇର୍ କାହା ମେନ୍ଦୋ ବିଶେଷ୍ କେତେ ନାଆ ଇଙ୍ଗ୍ ଆପେ ତାଃଏତେ ସାଙ୍ଗିନ୍ ରେ ତାଇନ୍ ରେ ହଗି ବୋରୋତାନ୍ ହାର୍ ଥାର୍ତାରାୱତାନ୍ ଲୋଃ ଆପାନାଃ-ଆପାନାଃ ବାଞ୍ଚାଅ ରାଃ କାମି କେ ପୁରା ଇଦିପେ।

ଫିଲିପିୟ 2:13

ଚିୟାଃଚି ପାର୍ମେଶ୍ଵାର୍ ଗି ତାନିଃ ଅକନିଃ ଆୟାଃ ବୁଗିନ୍ ସାନାଙ୍ଗ୍ ରାଃ ଚାଲ୍ତେ ଆପେୟାଃ ମୋନ୍ ରେ ସାନାଙ୍ଗ୍ ଆଡୋଃ କାମି, ବାରାନ୍ କାଜି ରେ କାମି ତାନାଏ।

ଫିଲିପିୟ 2:16

ଏନାତେ ମାସୀହ୍ ରାଃ ହୁଲାଙ୍ଗ୍ ଇଙ୍ଗ୍ ମାରାଙ୍ଗ୍ ଜାନିଙ୍ଗ୍ ଲେକା ପାହୋମେ ୟାଇଙ୍ଗ୍ ଚି ଇଙ୍ଗ୍ଆଃ ନୀନିର୍ ହାର୍ ନା ଇଙ୍ଗ୍ଆଃ କାମି ସାମାଗୀ କା ହୋବାନା।

କୁଲୁସିୟୋରେନ୍ 2:12

ଆଡୋଃ ଇନିଜାଃ ଲୋଃଗି ବାପ୍ତିସ୍ମା ରେ ତୋପା ଜାନାପେ ହାର୍ ଇନିଜାଃ ରେଗି ପାର୍ମେଶ୍ଵାର୍ ରାଃ ପେଡ଼େଏ ରେ ବିଶ୍ଵାସ୍ କେତେ, ଅକନିଃ ଇନିଃକେ ଗୋଜାକାନ୍ କୋଏତେ ଜୀହିଃ କିଜାଏ, ଇନିଜାଃ ଲୋଃଗି ଜୀହିଃ ବିରିଃ ଜାନାପେ।

୧ ଥେସ୍‌ଲନିକା 1:3

ଆଡୋଃ ଆବୁୱାଃ ପାର୍ମେଶ୍ଵାର୍ ହାର୍ ଆପୁ ଆଃ ନାଡ଼େଏ ରେ ଆପେୟାଃ ବିଶ୍ଵାସ୍ କୋରାଃ କାମିକୋ, ହାର୍ ଦୁଲାଡ଼୍ ରାଃ କାମିକୋ, ହାର୍ ଆବୁୱାଃ ପ୍ରାଭୁ ୟୀଶୁ ମାସୀହ୍ ରେ ଆଶ୍ରା ତେ ନେଲ୍‍ହୋରା ତାନ୍ କେ ସବେନ୍ ହୁଲାଙ୍ଗ୍ ପାହୋମେ ତାନାଲେ।

୨ ଥେସ୍‌ଲନିକା 1:11

ଏନାଲାଗିନ୍ତେ ଆଲେ ଜାନାଓ ଆପେୟାଃ ଲାଗିନ୍ତେ ବିନ୍ତି ତାନାଲେ, ଚି ଆବୁୱାଃ ପାର୍ମେଶ୍ଵାର୍ ଆପେକେ ନେ କେଡ଼ାକାନ୍ କୋ ମେନ୍ତେ ଆଟ୍‍କାରେକାଏ, ହାର୍ ସବେନ୍ ବୁଗିନାଃ ସାନାଙ୍ଗ୍ ହାର୍ ବିଶ୍ଵାସ୍ ରାଃ ସବେନ୍ କାମିକୋକେ ପେଡ଼େଏ ତେ ପୁରାକାଏ,

୨ ଥେସ୍‌ଲନିକା 3:4

ଆଲେକେ ପ୍ରାଭୁ ରେ ଆପେୟାଃ ଚେତାନ୍ ଭାରୋସା ମେନାଃ ଚି ଅକନ୍-ଅକନ୍ ଆନାଚୁ ଆପେକେ ଏମାପେ ତାନାଲେ, ଏନାକୋକେ ଆପେ ମାନାତିଙ୍ଗ୍ ତାନାପେ, ହାର୍ ମାନାତିଙ୍ଗ୍ କାତେୟାପେ।

ଫିଲେମୋନ୍ 1:21

ଇଙ୍ଗ୍ ଆମାଃ ଆନାଚୁ ମାନାତିଙ୍ଗ୍ କେ ନେଲ୍ କେତେ ଭାରୋସା ତାନ୍ ଲୋଃ ଆମ୍‍କେ ଅଲ୍ ମେତାନିଙ୍ଗ୍, ହାର୍ ନେୟା ସାରିତାନିଙ୍ଗ୍ ଚି ଅକନାଃ ଇଙ୍ଗ୍ କାଜି ତାନିଙ୍ଗ୍, ଆମ୍ ଏନାତେୟଗି ବାଢ଼ାଅ କେତେ ରିକାୟାମ୍।

ଇବ୍ରାନୀୟୋରେନ୍ 10:35

ଏନାମେନ୍ତେ ଆପାନାଃ ସାହାସ୍ ଆଲୋପେ ବାଗେୟା ଚିୟାଃଚି ଏନାକୋରାଃ ଯଅ ମାରାଙ୍ଗ୍ ମେନାଃ।

ଇବ୍ରାନୀୟୋରେନ୍ 12:2

ଆଡୋଃ ବିଶ୍ଵାସ୍ ରେନ୍ ଆୟାର୍ ନିଃ ଆଡୋଃ ପୁରା ରିକାନିଃ ୟୀଶୁ ପାଡ଼୍ ନେଲ୍ କାତେୟାବୁ, ଅକନିଃ ଏନ୍ ସୁକୁରାଶିକା ଲାଗିନ୍ ଅକନାଃ ଇନିଜାଃ ଆୟୁର୍ ରେ ଦୋହୋଲେନା, ଗିୟୁଃ ରାଃ ଜାହାନ୍ କାଜି କାଏ ପାହୋମ୍ କେତେ କ୍ରୁଶ୍ ରାଃ ଦୁକୁ ସାହାତିଙ୍ଗ୍ କେଦାଏ, ଆଡୋଃ ପାର୍ମେଶ୍ଵାର୍ ରାଃ ସିଂହାସାନ୍ ରାଃ ଜୋମ୍ ପାଡ଼୍ ରେ ସେନ୍ କେତେ ଦୁବ୍ ଜାନାଏ।

1 ପାତ୍ରାସ୍ 5:10

ନାଆ ପାର୍ମେଶ୍ଵାର୍ ଅକନିଃ ସବେନ୍ ଆନୁଗ୍ରାହ୍ ରାଃ ଏହେମ୍ ନିଈ ତାନିଃ, ଅକନିଃ ଆପେକେ ମାସୀହ୍ ରେ ଆଜାଃ ଜାନାଓ-ଜାନାଓ ମାନାରାଙ୍ଗ୍ ଲାଗିନ୍ କେଡ଼ାକେଃପେୟାଏ, ଆପେୟାଃ ହୁଡିଙ୍ଗ୍ ସାମାୟ୍ ରାଃ ଦୁକୁ ସାହାଅ ତାୟୋମ୍ତେ ଆଏଃ ଗି ଆପେକେ ପୋକ୍ତା ହାର୍ କେଟେଃ ଆଡୋଃ ପେଡ଼େଜାନ୍ ବାଇପେୟାଏ।

2 ପାତ୍ରାସ୍ 3:10

ମେନ୍ଦୋ ପ୍ରାଭୁ ଆଃ ହୁଲାଙ୍ଗ୍ କୁମ୍ଡ଼ୁ ଲେକା ହିଜୁଗା, ଏନ୍ ହୁଲାଙ୍ଗ୍ ରିମିଲ୍‍ଦିଶୁମ୍ ମାରାଙ୍ଗ୍ ଘାଡ଼୍‍ଘାଡ଼୍ଅ ଆୱାଜ୍ ତେ ଗେନା ଇଦିୟୋଃୱା, ଆଡୋଃ ରିମିଲ୍‍ଦିଶୁମ୍ ରେୟାଃ ଶିଙ୍ଗି, ଚାଣ୍ଡୁଃ, ଇପିଲ୍ କୋ ବେଶେ ଗି ଲୋଲୋ କେତେ ଗାଲାଅ କେନୋଗା ଆଡୋଃ ଅତେ ହାର୍ ଏନାରେ କାମିକାନ୍ତେୟାଃ ହୋଡ଼ୋକୋୱାଃ କାମି ରାଃ ବିଚାର୍ ରିକାଅଗା।