ଫିଲିପିୟ 1:19 - ମୁଣ୍ଡା ନାୱା ନିୟାମ୍

¹⁹ ଚିୟାଃଚି ଇଙ୍ଗ୍ ସାରି ତାନାଇଙ୍ଗ୍ ଚି ଆପେୟାଃ ବିନ୍ତି ରାଃ ହୋରାତେ, ଆଡୋଃ ୟୀଶୁ ମାସୀହ୍ ରାଃ ଆତ୍ମା ରାଃ ଦେଙ୍ଗା ନାମ୍ ହୋରାତେ, ଇଙ୍ଗ୍ଆଃ ବାଞ୍ଚାଅ ହୋବାଅଃୱା।

ପାର୍‌ମେଶ୍ୱାର୍‌ଆଃ ଜୀନିଦ୍‌ ବାଚାନ୍‌ ନାୱା ନିୟାମ୍‌

¹⁹ ଚିଆଃଚି ଆଇଙ୍ଗ୍‌ ସାରିତାନାଇଙ୍ଗ୍‌ ଆପେୟାଃ ବିନ୍ତି ଆଡଃ ୟୀଶୁ ଖ୍ରୀଷ୍ଟ୍‌ଆଃ ଆତ୍ମାରେୟାଃ ଦେଙ୍ଗା ହରାତେ ଆଇଙ୍ଗ୍‌ ତନଲ୍‌ହେତେ ରାଡ଼ାକାନାଇଙ୍ଗ୍‌ ।

ଫିଲିପିୟ 1:19 Cross References

କୁଲାକାନ୍ 16:7

ଇନ୍‍କୁ ମୁସିୟା ରାଇଜ୍ ରାଃ ନାଡ଼େଏ ସେଟେର୍ କେତେ, ବିତୁନିୟା ଜାଗା ତେ ସେନ୍ ଲାଗିନ୍ ସାନାଙ୍ଗ୍ କେଦାକୋ, ମେନ୍ଦୋ ୟୀଶୁ ରାଃ ଆତ୍ମା ଇନ୍‍କୁକେ ସେନ୍ କାଏ ରିକାକେଃକୋୱାଏ।

ରୋମ୍‍ରେନ୍ 8:28

ଆବୁ ସାରିତାନାବୁ ଚି, ଅକନ୍ ହୋଡ଼ୋକୋ ପାର୍ମେଶ୍ଵାର୍ ଲୋଃ ଦୁଲାଡ଼୍ ମାଣ୍ଡାଅତାନାକୋ, ଇନ୍‍କୁ ଲାଗିନ୍ ସବେନ୍ କାଜିକୋ ବୁଗିନାଃଗି ହୋବାୱା; ଇନ୍‍କୁ ଲାଗିନ୍ତେଗି ଅକନ୍‍କୋ ଇନିଜାଃ ସାନାଙ୍ଗ୍ ଲେକାତେ କେଡ଼ା କାନାକୋ।

ରୋମ୍‍ରେନ୍ 8:9

ମେନ୍ଦୋ ଆପେ ରେ ପାର୍ମେଶ୍ଵାର୍ ରାଃ ଆତ୍ମା ତାଇନ୍ ତାନ୍ ରେଦୋ, ଆପେ ପାପୀ ହୋଡ଼ମୋ ରାଃ ସାନାଙ୍ଗ୍ ଲେକାତେ ନାହାଲାପେ ମେନ୍ଦୋ ଆତ୍ମାନ୍ ଲେକା ରେ ମେନାପେୟା। ଆଗାର୍ ଜେତାଏ ମାସୀହ୍ ରାଃ ଆତ୍ମା କାଏ ନାମ୍ କାରେଦୋ ଇନିଃ ଆଜାଃ ହୋଡ଼ ନାହାଲାଏ।

୧ କରିନ୍ଥିୟ 4:17

ଏନାମେନ୍ତେ ଇଙ୍ଗ୍ ତିମୁଥିୟୁସ୍ କେ ଅକନିଃ ପ୍ରାଭୁ ରେ ଇଙ୍ଗ୍ଆଃ ଦୁଲାଡ଼୍ ହାର୍ ବିଶ୍ଵାସେଲେକାନିଃ ହୋନ୍ ତାନିଃ, ଆପେତାଃ କୁଲ୍ କାଇଜାଇଙ୍ଗ୍। ଇନିଃ ଆପେକେ ମାସୀହ୍ ୟୀଶୁ ରେ ଇଙ୍ଗ୍ ଚିଲ୍‍କା ସେସେନ୍ ତାନିଙ୍ଗ୍ ମୋନେ ରିକା ପେୟାଏ, ଜେଲେକା ଚି ଇଙ୍ଗ୍ ସବେନ୍ ଜାଗା କୋରେ ସବେନ୍ କାଲିସିୟା ରେ ଉପ୍‍ଦେଶ୍ ଏମ୍ ତାନିଙ୍ଗ୍।

୨ କରିନ୍ଥିୟ 1:11

ଆପେହଗି ମିଃତେ ବିନ୍ତି ରାଃ ହୋରାତେ ଆଲେୟାଃ ଦେଙ୍ଗା ରିକାୟାପେ, ଏନାତେ ଅକନ୍ ଆନୁଗ୍ରାହ୍ ରାଃ ବାର୍ଦାନ୍ ଥିମ୍ବାଗି ହୋଡ଼ୋକୋୱାଃ ଚାଲ୍ତେ ଆଲେକେ ନାମ୍‍ଜାନା, ଏନା ଲାଗିନ୍ତେ ଥିମ୍ବାଗି ହୋଡ଼ୋକୋ ଆଲେୟାଃ ପାଡ଼େତେ ଧାନ୍ୟାବାଦ୍ ରିକାଚାକୋ।

ଗାଲାତିୟ 3:5

ଅକଏ ଆପେକେ ପାବିତାର୍ ଆତ୍ମା ଦାନ୍ ଏମ୍ ପେତାନାଏ ହାର୍ ଆପେରେ ପେଡ଼େଏ ରାଃ କାମି ରିକା ତାନାଏ, ଏନା ଚିନାଃ ମୁଶା ନାବୀ ରାଃ ଆଇନ୍ କାମି ତେ ଚି ସୁସାମାଚାର୍ ଚେତାନ୍ ରେ ବିଶ୍ଵାସ୍ ତେ ନେକା ରିକା ତାନାଏ?

ଗାଲାତିୟ 4:6

ଆଡୋଃ ଆପେ ଅକନ୍ କୋଚି ହୋନ୍ କୋ ତାନ୍‍ମେ, ଏନାମେନ୍ତେ ପାର୍ମେଶ୍ଵାର୍ ଆଜାଃ ହୋନ୍‍କଡ଼ା ରାଃ ଆତ୍ମା କେ, ଅକନିଃ “ହେ ଆବା, ହେ ଆପୁ” କାଜିକେତେ କେଡ଼ାୟାଏ, ଆବୁୱାଃ ମୋନ୍ ରେ କୁଲ୍ କିଜାଏ।

ଫିଲିପିୟ 1:18

ଦୋ ଚିନାଃ ହୋବାଜାନା? ଖାଲି ନେୟା ଚି ସବେନ୍ ଲେକାତେ, ହୋବା ଧାଡ଼ିୟୋଃୱା ବାହାନା ଲେକାତେ, ୟାଦୋ ହୋବା ଧାଡ଼ିୟୋଃୱା ସାର୍ତି ଲେକାତେ, ମାସୀହ୍ ରାଃ କାଜି ଉଦୁବଃ ତାନା। ଆଡୋଃ ଇଙ୍ଗ୍ ନେୟାତେ ରାଶିକା ମେନାଇଙ୍ଗ୍‍ୟା ଆଡୋଃ ରାଶିକା ତାଇନୋଃୱାଇଙ୍ଗ୍।

1 ପାତ୍ରାସ୍ 1:11

ଇନ୍‍କୁ ନେ ବାକାଣ୍ କେ ନାନାମ୍ ଲାଗିନ୍ ଦାଣା କେଦାକୋ ଚି ମାସୀହ୍ ରାଃ ଆତ୍ମା ଅକନାଃ ଇନ୍‍କୁୱାଃ ଚେତାନ୍ ରେ ତାଇକେନା, ହାର୍ ଏନା ସିଦା ଏତେଗି ମାସୀହ୍ ରାଃ ଦୁକୁ କୋରାଃ ହାର୍ ଏନାରାଃ ତାୟୋମ୍ତେ ହୋବାଅଃ ତେୟାଃ ମାନାରାଙ୍ଗ୍ ରାଃ ଗୋୱା ଏମ୍ ତାଇକେନାଏ, ଏନା ଚିମ୍ତା ଆଡୋଃ ଚିଲ୍‍କାନ୍ ସାମାୟ୍ ପାଡ଼୍ ଚୁଣ୍ଡୁଲ୍ ଉଦୁବ୍ ତାଇକେନାଏ।