Romanos 9:8 - Tzotzil San Andres

⁸ Jaꞌ ta xquiltic o ti maꞌuc ta sventa bu liquem talel jtsꞌunbaltic ta voꞌone ti snichꞌnabutic li Diose. Jaꞌ noꞌox venta mi jchꞌunojtic ti jaꞌ melel cꞌusi yaloj Dios jech chac cꞌu chaꞌal ischꞌun li Abrahame.

Tzotzil Zinacantan

⁸ Jaꞌ chquiltic o ti muc ta alel bu talem jtsꞌunbaltic ti voꞌnee. Ti xchꞌamalotic xa ti Rioxe, jaꞌ ti ijchꞌuntic ti yech ti cꞌusi yaloj ti Rioxe chac cꞌu chaꞌal ixchꞌun ti Abraame.

Bible in Tzotzil de Chamula

⁸ Taje, ja' ta xac' ta na'el ti ma'uc xnich'nab Dios ta sventa ti voq'uem no'ox talel ta nitilule. Ti buch'u ta xc'ot ta xnich'nab Diose, ja' ti buch'u albil sc'oplal yu'un ti Diose, ja' bats'i nitiluletic unbi.

Bible in Tzotzil de Chenalhó with Deuterocanon

⁸ Jech chquiltic ti ma'uc ta sventa ja' mero smomnich'nab ta sventa sbec'tal ti ja' xnich'nab Dios chc'ote. Ja' no'ox mero momnich'naletic chc'ot li boch'o voq'uemic ta sventa ti jech yaloj Diose.

Tzotzil de Huixtán

⁸ Hech sjam. Yu'un stuc no'ox smantal ti Abrahame ti inich'naje, hech itaat ti Ismaele, hech yu'un ma'uc yol xnich'nab ti Diose ch-ilat yu'un ti Diose ti yol xnich'nab ti Ismaele. Pero yu'un hech albil ti Abrahame yu'un ti Diose, hech yu'un i'ac'bat ti Isaaque, hech yu'un yol xnich'nab ti Diose ch-ilat yu'un ti Diose ti yol xnich'nab ti Isaaque.

Romanos 9:8 Cross References