Romanos 9:32 - Tzotzil San Andres

³² Ti jech oy o smulic ta xꞌileic yuꞌun li Diose, jaꞌ ta scoj ti mu schꞌunic ti jaꞌ ta sventa li Cajvaltic ti muꞌyuc jmultic chijyilutic o li Diose. Jaꞌ noꞌox batem ta yoꞌonic ta spasel li cꞌusi lec ti yalojic yuꞌun ta snopic ti jaꞌ muꞌyuc smulic ta xꞌileic o yuꞌun li Diose. Jaꞌ jechic yaꞌel jech chac cꞌu chaꞌal li buchꞌu ta spꞌosi yoc ta ton ta xyal ta lum ta scoj ti jaꞌ noꞌox batem ta yoꞌon li bu ta xbate. Ta scoj ti muc schꞌunic ti jaꞌ noꞌox ta sventa li Cajvaltic ti muꞌyuc jmultic chijyilutic o li Diose, jaꞌ te cꞌot spꞌosi o yoquic yaꞌel.

Tzotzil Zinacantan

³² Yuꞌun mu xchꞌunic ti jaꞌ noꞌox chꞌabal o jmultic chiyilotic mi jchꞌunojtic ti jaꞌ istoj jmultic ti Jesucristoe. Persa oy cꞌusi tspasic ti yalojique. Coꞌolic yaꞌel xchiꞌuc li muchꞌu tspꞌosi yoc ta tone chjachꞌ.

Bible in Tzotzil de Chamula

³² ¿C'u cha'al un? yu'un mu'yuc laj yac'beic yipal ta sa'el ti ch'abal smulic ta xc'otic ta sventa ti oy c'usi ta xc'ot ta o'ntonal ta xch'unele. C'ajomal no'ox ta sventa yabtelic yac'ojbeic yipal ti lec ta x'ileique. Jech o xal laj sbosi yacanic yu'un ti jmac-acanil tone.

Bible in Tzotzil de Chenalhó with Deuterocanon

³² ¿C'u yu'un ti muc staique? Yu'un ja' ibat yo'ntonic ta mantaletic; ma'uc ibat yo'ntonic ta sventa xch'unojel yo'ntonic. La snopic ti ta sventa yabtelic lec ch-ilatique, ja' yu'un te ech' sbosi yacanic ta ton ti ja' sventa sbosiubil yacanic li boch'otic mu xch'unique.

Tzotzil de Huixtán

^32-33 “¿C'u yu'un?” mi xachiique, yu'un mu xch'unic ti toj yo'ntonic ch-ilatic yu'un ti Diose ti sventa xch'unojel yo'ntonic. Ja' tscuyic ti toj yo'ntonic ch-ilatic yu'un ti Diose ti sventa yabtelic. Ja' hech chaj c'u che'el ti much'u laj sp'osi yacan ip'aj ti lum, ja' hechic yu'un mu xch'unic ti ac'bil yabtel yu'un ti Diose ti Jesucristoe. Hech ono'ox ts'ibabil sc'opilalic ti vo'one: Ti jteclum Sión, ja' ti Jerusalene, te chcac' ti much'u t'ujbil cu'une. Ti much'u mu spas ti muc' ti much'u t'ujbil cu'une, ja' hech chaj c'u che'el ti much'u tsp'osi yacan chp'aj ti lum, chc'ot smaj sba ti ba ton. Scotol ti much'utic chch'unic ti ja' chcoltaatic yu'une, ja' lec chquil, xchi ti Diose.

Romanos 9:32 Cross References