San Mateo 9:6 - Tzotzil San Andres

⁶ Joꞌone laj cal xa ti pasbil xa perton yuꞌun li smul li vinique. Qꞌuelic me li cꞌusi ta jpas li avie yoꞌ jech chanaꞌic o ti joꞌon noꞌox ta jpasbe perton yuꞌun smulic li crixchanoetic liꞌ ta balumile, joꞌon li coꞌol crixchanoutique ―xut. Li Jesuse jech laj yalbe li jchamelajele: ―Lican, ichꞌo batel la apope, batan ta ana ―xut.

Tzotzil Zinacantan

⁶ Li voꞌone ical ti acꞌbil xa pertonal yuꞌun smul li vinique. Pero qꞌuelic me cꞌusi ta jpas lavie yoꞌ xavilic o ti voꞌon noꞌox ta xcacꞌbe pertonal yuꞌun smulic li crixchanoetic liꞌ ta sba balamile, voꞌon ti coꞌol crixchanootique ―xꞌutatic yuꞌun ti Jesuse. ―Lican, tamo echꞌel lapope, batan ta ana ―xꞌutat yuꞌun Jesús ti vinique.

Bible in Tzotzil de Chamula

⁶ Lec oy cha'e, ti vu'un co'ol j'elantique ta xcac' avilic ti quich'oj tsots cabtel li' ta banomil ta xch'ayel ti mulile. Va'i un, xi laj yalbe ti jmoch'e: —Tamo aba, va'lan, ich'o batel ti avuni puch'lebe, batan ta ana.

LEQUIL ACH' C'OP

⁶ Vo'on ti Xch'amal crixchano li c'ote ta chcac' avilic ti vo'on no'ox oy jyu'el ta xcac'be perton yu'un smulic li' crixchanoetic li' ta sba balamile ―x'utatic yu'un ti Jesuse. Yech'o un iyalbe ti much'u alubem yoc sc'obe: —Lican, tamo ech'el lavayebe, batan ta ana ―x'utat yu'un Jesús ti vinique.

Bible in Tzotzil de Chenalhó with Deuterocanon

⁶ Pero ta sventa ac'o ana'ic ti oy jvu'el li' ta banamil sventa ta jpas perdón yu'un mulil, vu'un ti Xnich'on cristiano lic'ote, q'uelic me c'usi ta jpas li'i —xut. Jech laj yalbe li jchamele: —Lican, ich'o batel avayab, batan ta ana —xut.

Tzotzil de Huixtán

⁶ Laj xa cal ti ch'ayem xa smul hech yu'un q'uelo c'usi ti jpas ti ora to yu'un hech chana' ti melel ti ho'on ti jch'ay mulil li' ti balumile, ho'on ti co'ol crixchanoucutique ―xut. Ti Jesuse hech laj yalbe ti jchamele: ―Lican, balo batel apop, batan ti ana ―xut ti jchamele, xchi ti Jesuse.

San Mateo 9:6 Cross References