San Mateo 8:28 - Tzotzil San Andres

²⁸ Icꞌotic ta jot nab ta yosilalic li jgadaraetique, te ilocꞌ ta canava schiꞌuc li yajchanbalajeltaque li Jesuse, ixanavic batel. Te isnupic ta be chaꞌvoꞌ viniquetic ti ochem pucuj ta yoꞌonique. Iloqꞌuic talel ta muquenal yuꞌun jaꞌ xa snainojic li jombil chꞌenetic li bu ta xmuqueic li ánimaetique. Li chaꞌvoꞌique toj xiꞌel sbaic. Muc xa buchꞌu ta xꞌechꞌic li te ta bee yuꞌun xiꞌemic o li chaꞌvoꞌ viniquetique.

Tzotzil Zinacantan

²⁸ Ti Jesuse xchiꞌuc li yajchancꞌoptaque icꞌotic ta jech nab ta slumal jgadaraetic. Cꞌalal ilocꞌ ta canova ti Jesuse, ital chaꞌvoꞌ vinic ochem pucuj ta yoꞌonic. Ta muquenal iloqꞌuic tal yuꞌun jaꞌ snainojic li chꞌojbil tonetique ti yoꞌ bu chichꞌic tiqꞌuel ti ánimaetique. Mu xa muchꞌu scꞌan xꞌechꞌ tey ta bee yuꞌun oy xiꞌelalic.

Bible in Tzotzil de Chamula

²⁸ C'alal c'ot ti Jesús ta jot sti'il nab ta yosilal Gadarae, loq'uic talel cha'vo' vinic ta muquinal ti ch'amunbil yu'un ti pucuje. Inopajic talel ta stojol. Mu'yuc buch'u x'ech' ta be ti bu oyique, yu'un xi'bal sba.

LEQUIL ACH' C'OP

²⁸ C'alal ic'ot ta jech nab ti Jesuse yo' bu slumal jgadaraetique, tey iloq'uic tal ta muquenal cha'vo' viniquetic ochem pucuj ta yo'onic, tal staic ti Jesuse. Toj pucujic, mu xa much'u sc'an x'ech' tey ta bee, yu'un toj xi'el sbaic tajmec;

Bible in Tzotzil de Chenalhó with Deuterocanon

²⁸ C'alal ic'otic ta jot nab ta yosilal gadaraetique, te tal taaticuc yu'un chib viniquetic ochem pucuj ta yo'ntonic; te iloq'uic ta vombil tonetic ta muquinaltic. Li chibique pasemic ta simaron ta jyalel; mu'yuc boch'o tsc'an ta xjelov te ta be.

Tzotzil de Huixtán

²⁸ Iloc' ti barco ti Jesuse lum ti jech nab yo' bu ti jteclum Gadara sbi. Ixanav batel ti be. Te laj snup cha'vo' jchi'iltic. Ochem pucuj ti yo'ntonic ti xcha'va'alique. Te iloq'uic tal ti campo santo yu'unique. Ti bu chba ac'atuc ti ánimae ja' te snainoj. Yu'un pujul ch'enetic jombil ti ton ti bu ch-ac'at ti ánimaetique te ti campo santo yu'unique. Perro ti jyalel ti jchi'iltique. Mu'yuc much'u tsc'an chjelavic batel te ti be yu'un xi'bil ti jchi'iltique.

San Mateo 8:28 Cross References