San Mateo 4:18 - Tzotzil San Andres

¹⁸ Li Jesuse ixanav batel ta tiꞌtiꞌnab li te ta Galilea balumile. Te iyil chaꞌvoꞌ jchiꞌiltic ta israelal, jaꞌ sbanquil yitsꞌin sbaic. Li june Simón sbi, Pedro li schaꞌmojol sbie. Andrés sbi li itsꞌinale. Te yaquic tstiqꞌuel ochel snutiꞌic ta nab li stsacobil schoyique yuꞌun ta stsaquic choy. Yuꞌun jaꞌ yabtelic.

Tzotzil Zinacantan

¹⁸ Ti cꞌalal tey chanav ta tiꞌtiꞌnab ta estado Galilea ti Jesuse, tey iyil chaꞌvoꞌ jchiꞌiltic ta israelal, sbanquil yitsꞌin noꞌox sbaic. Li banquilale Simón sbi. Pedro li xchaꞌpꞌelel sbie. Andrés sbi li itsꞌinale. Tey yolel tsjipic ta nab snutiꞌic tsacobil choy yuꞌun tsacchoy yabtelic.

Bible in Tzotzil de Chamula

¹⁸ C'alal ta xanav batel ta sti'il nab Galilea ti Jesuse, ja' o laj yil cha'vo' viniquetic ti yits'in sbanquil sbaique. Ti june, Simón sbi, Pedro ti yan sbi xtoque. Ti june, Andrés. Ja' yabtelic ti mas choye. Ja' o ta sjipic ochel ta nab ti smasobil xchoyique.

LEQUIL ACH' C'OP

¹⁸ Ti c'alal tey chanav ta ti'ti'nab ta Galilea ti Jesuse, tey iyil cha'vo' viniquetic sbanquil yits'in no'ox sbaic. Li june Simón sbi. Pedro li xcha'p'elel sbie. Li june Andrés sbi. Tey yolel tsjipic ta nab snuti'ic stsacobil xchoyic yu'un tsac-choy yabtelic.

Bible in Tzotzil de Chenalhó with Deuterocanon

¹⁸ C'alal te chanov batel ta ti'ti' nab li Jesuse, te laj yil chib viniquetic xchi'il no'ox sbaic ta voq'uel. Li june Simón sbi, ja' Pedro xchibal sbi. Li yane Andrés sbi. Te ta stic' snuti'ic ta nab yu'un ja' jtsacchoyetic.

Tzotzil de Huixtán

¹⁸ Ti Jesuse ixanav batel ti ti'ti'nab te ti estado Galilea. Te laj yil cha'vo' jchi'iltic. Yermano sbaic. Simón sbi ti june. Ja' chib ti sbie. Ja' Pedro x'utat. Andrés sbi ti yits'ine. Yac'oj sba tstenic ochel slebic ti ho' yu'un tstsaquic choy. Ja' yabtelic o.

San Mateo 4:18 Cross References