San Mateo 24:15 - Tzotzil San Andres

^15-16 Li cꞌusi chajtsꞌibaboxuc batel liꞌi, nopbeic lec li smelole yuꞌun jech onoꞌox laj yalbuncutic li Jesuse: ―Li cꞌalal chavilic ti te vaꞌanbil ta yut li mucꞌta chꞌulna li cꞌusi chopol chil li Diose jech chac cꞌu chaꞌal laj yal Daniel li iyal scꞌop Dios ta voꞌonee, jatavanic batel ta anil ta vitstic, joꞌoxuc li liꞌ nacaloxuc ta Judeae.

Tzotzil Zinacantan

^15-16 Ti chajtsꞌibabeic liꞌi, jaꞌ yoꞌ xachꞌunic o ti cꞌusi liyalboticotic ti Jesuse. ―Voꞌoxuc ti liꞌ nacaloxuc ta Judeae, ti cꞌalal xavilic ti vaꞌanbil ta yut templo li cꞌusi mu scꞌan ti Rioxe chac cꞌu chaꞌal iyal onox ti Daniel yajꞌalcꞌop Riox ti ta voꞌnee, yechꞌo un ba nacꞌ abaic ta vitstic.

Bible in Tzotzil de Chamula

¹⁵ “Ti buch'u ta sq'uel ti c'u s'elan laj sts'iba comel ti j'alc'op Daniele, ta xa'ibe smelol c'u cha'al. Ja'uc le' une, c'alal ta xavilic ti ta xva'i ta ch'ulna ti muc'ul j'ac'vanej ta vocole,

LEQUIL ACH' C'OP

¹⁵ »Ti c'alal xavilic ti chich' soquesel scotol li c'usitic oy ta yut temploe, chac c'u cha'al iyal onox ti Daniel yaj'alc'op Rioxe,—Li much'u tsq'uel li c'usi tsibabil yu'un li Daniele, ac'u ya'ibe lec smelol—,

Bible in Tzotzil de Chenalhó with Deuterocanon

¹⁵ “C'alal chavilic ti chich' soquesel, ti chich' bolibtasel o ch'ulna ta scoj ti te chich' va'anel li c'usi toj chopol chil Dios jech chac c'u cha'al laj ono'ox yal li j'alc'op Daniel ta vo'onee, (Li boch'o tsq'uel c'usi ts'ibabil yu'un Daniele ac'o ya'ibe lec smelol,)

Tzotzil de Huixtán

^15-16 A'ibeic me sjam ti c'usi chajts'ibaboxuc li'to. Hech laj yalbuntutic uc ti Jesuse: ―C'alal chaq'uelic ti ixtambil ti jyalel ti temploe hech chaj c'u che'el laj yal ti Daniele, ja' ti j'alc'op yu'un ti Diose ti vo'one, anil me batanic ti vits ho'oxuc ti li'oyoxuc li' ti Judeae.

San Mateo 24:15 Cross References