San Mateo 23:15 - Tzotzil San Andres

¹⁵ ’Joꞌoxuc ti apꞌisoj abaic ta jchanubtasvanej ta smantaltac li Diose, schiꞌuc joꞌoxuc li jfariseooxuque, jloꞌlovanejoxuc, jaꞌ yuꞌun ta onoꞌox xavichꞌic tsots vocol. Chalubtsan abaic ta saꞌel mi oy bu xataic junuc avajchanbalajelic. Mi la ataique, más to ta soc o avuꞌunic. Jaꞌ yuꞌun joꞌoxuc ta acojic ti chba yichꞌ vocol ta mucꞌta cꞌoqꞌue.

Tzotzil Zinacantan

¹⁵ ’Voꞌoxuc ti chachanubtasvanic ta smantal Rioxe, li voꞌoxuc uque, jfariseoetic, yech chanopic ti avichꞌojic ta mucꞌ ti Rioxe. Chalubtsan abaic ta saꞌel mi oy bu xata junuc avajchancꞌopic. Mi ataique, más to tsoc sjol avuꞌunic. Voꞌoxuc ta amulic ti chba yichꞌic castico ta cꞌoqꞌue. Yechꞌo un ta onox xavichꞌic castico ta sbatel osil.

Bible in Tzotzil de Chamula

¹⁵ “¡Mu cha'belucoxuc un, jchanubtasvanejetic yu'un ti oy c'usi tsots albil sc'oplale, jpac'taejba fariseoetic! ti avac'ojic yipal ti yalel muyeloxuc ta sa'el mi oy bu jun vinic ta xchanubtasel jech c'u cha'al ti ach'unojique. C'alal mi laj xa xch'un avu'unic une, chpucujib o avu'unic ta j'ech'el ti lajebal xa sq'ueloj batel jech c'u cha'al ti vo'oxuque.

LEQUIL ACH' C'OP

¹⁵ »¡Toj abol abaic vo'oxuc ti chachanubtasvanic ta smantaltac Rioxe, xchi'uc li vo'oxuc uque jfariseoetic, jlo'lovanejoxuc!, yu'un ta yalel ta muyel cha sa' lavajchanc'opique, chaxanic nabetic xchi'uc balamil, pero c'alal chataique, más to chba yich' castico avu'unic chac c'u cha'al li vo'oxuque.

Bible in Tzotzil de Chenalhó with Deuterocanon

¹⁵ “¡Toj abul abaic vo'oxuc li jchanubtasvanejoxuc ta smantal Diose xchi'uc vo'oxuc li fariseooxuque, jlo'lavanejoxuc! Yu'un chaxanovic ta nabetic, ta banamil, ta sa'el jch'unolajel avu'unic. C'alal chataique, vo'oxuc ta acojic ti x'ech' to jech yepal tsc'an chich' stojol smulic ta c'oc' jech chac c'u cha'al li vo'oxuque.

Tzotzil de Huixtán

¹⁵ Ho'oxuc ti chachanubtasvanic ti smantal ti Diose ti acuyoj abaique, xchi'uc ho'oxuc ti fariseooxuque, ta me xavich'ic ep vocol yu'un ti chalo'lavanique. Chaxanavic batel ti scotol balumil yu'un chac'an chata avajchanc'op. Mi laj ataique, ech'em hech chaj c'u che'el yol snich'on ti pucuje chc'ot avu'unic.

San Mateo 23:15 Cross References